यूहन्ना ए किताब कर बारे में दम अकन गोएठ
ए किताब कर बारे में दम अकन गोएठ
यूहन्ना कर लिखल ए सुघर खभेर हर आने सुघर खभेर मन ले अलगे हवे। ए सुघर खभेर हर एकर बर लिखल गईस हवे, कि तुमन बिस्वास करा, कि ईसू परमेस्वर कर बेटा, जेहर मसीह लागे। अऊ बिस्वास कएर के ओकर नांव ले जीवन पावा।
ए किताब कर पहिलो पाठ में ईसू ला, परमेस्वर कर अमर बचन कर रूप में बताल हवे। एकर पाछू ए सुघर खभेर कर पहिलो भाग में, सात मधे कर चिन्ह चमत्कार कर बारे में, ए देखाए बर लिखल हवे कि ओहर खुदेच परमेस्वर लागे।
ए किताब में ईसू हर सात दाएर मंए लागों, कहिके गोठियाईस हवे। ईसू हर कहीस, मंए जीवन देवईया रोटी लागों, मंए संसार कर इंजोर देवईया लागों, मंए भेंड़ मन कर दुरा लागों, मंए बढ़िहां चरवाह लागों, जेमन मएर गईन हवें, ओमन के फेर जिवईया अऊ जीवन देवईया मंहीच लागों, डगर, सचाई अऊ जीवन मंहीच लागों, सही अंगूर कर नाएर मंए लागों।
ए किताब कर पाठ 13 ले लेके पाठ 17 तक, ईसू अऊ ओकर चेला मन कर मझार कर नाता कर बारे में लिखल हवे। एला पढे़ ले हमू मन के ईसू कर संगे गहील नाता में कईसे रहे बर हवे, ओकर बारे में सिखबो। तेकर ले ए सुघर खभेर ला जरूर पढिहा अऊ आसीस पईहा।
ए सुघर खभेर हर खालहे लिखल भाग में बांटल हवे
चिन्हारी 1:1-18
यूहन्ना बतिस्मा देवईया अऊ ईसू कर पहिलो चेला मन 1:19-51
ईसू कर मईनसे मन कर मझारे सेवा 2:1—12:50
यरूसलेम सहर में आखरी घरी कर बिताल तनिक दिन 13:1—19:42
परभू हर जी उठीस अऊ देखार देहीस 20:1-31
गलील में फेरेच देखार देहीस 21:1-25
Obecnie wybrane:
यूहन्ना ए किताब कर बारे में दम अकन गोएठ: SGJ
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© (Active) Wycliffe Bible Translators, Inc. All rights reserved.