Matta 9
9
YASUUV YASHFI AL MAFLUUJ
1Wa Yasuuv daxal murkab wa gaṭav al baḥar wa ja le madiinatu. 2Wa shuuf! jaabu leehu zool mafluuj, wa hu raagid fi birish. Wa lamma Yasuuv shaaf iimaanum, gaal le_l mafluuj, “Shidd ḥeelak, yaa waladi, xaṭaayaak #9:2 maghfuura: (min al kilma “ghafar”).maghfuura leek.” 3Wa shuuf! bavḍ min muvallimiin al gaanuun gaalu fi nufuusum, “Ar raajil da yaguul kalaam baṭṭaal wa maa yaḥtarim Allaah.” 4Laakin Yasuuv virif afkaarum wa gaal, “Le shinu titfakkaru fikr baṭṭaal fi guluubkum? 5Yaatu haiyin, ’an yaguul, Xaṭaayaak maghfuura leek? walla yaguul, Guum, w_amshi? 6Wa laakin ḥatta bitavrifu Ibn al insaan vindu sulṭa vala_l arḍ ’an yaghfir al xaṭaaya” . . . Bavdeen gaal le_l mafluuj, “Guum, shiil birshak, w_amshi le beetak.” 7Wa_r raajil gaam wa masha le beetu. 8Wa lamma_n naas shaafu da, istaghrabu wa majjadu Allaah al adda le_n naas sulṭa zei di.
IXTIYAAR MATTA
9Wa wakit maa Yasuuv kaan yamshi min hinaak, shaaf raajil ismu Matta, wa hu gaavid fi_l makaan al bilimm fiihu_ḍ ḍariiba. Wa gaal leehu, “Atbavni.” Wa hu gaam wa tibivu.
10Wa wakit maa kaan gaavid fi_ṭ ṭarabeeza fi_l beet, shuuf! naas bilimmu_ḍ ḍariiba wa xaaṭyiin kutaar jo wa gavadu mava Yasuuv wa mava talaamiizu. 11Wa lamma_l Farriisiyyiin shaafu da, gaalu le talaamiizu, “Le shinu Muvallimkum yaakul mava_n naas al bilimmu_ḍ ḍariiba wa_l xaaṭyiin?” 12Wa laakin lamma Yasuuv simiv, gaal leehum, “Ash shudaad maa yaḥtaaju le ḥakiim, laakin al vaiyaaniin. 13Amshu wa itvallam al mavna da: Ana daayir raḥma, maa ḍabiiḥa. Vashaanni maa jiit vashaan anaadi_l kwaiyisiin laakin al xaaṭyiin.”
14Bavdeen talaamiiz Yuuḥanna jo leehu wa gaalu, “Le shinu niḥna wa_l Farriisiyyiin naṣuum, wa laakin talaamiizak maa biṣuumu?” 15Yasuuv gaal leehum, “(?) Naas al viris bigdaru yabku wakit maa al variis mavaahum? Al aiyaam bitaji lamma yashiilu_l variis minnahum. Fi_l wakit daak biṣuumu. 16Maa fih zool bixuṭṭ ḥittat gumaash jadiid vala toob gadiim, fishaan ar #9:16 rugva: ḥittat gumaash yaxayyiṭuuha vala gumaash lamma_l gumaash yitsharraṭ.rugvataaxud min at toob, wa_sh sharṭ bikuun akbar. 17Wa kamaan maa bixuṭṭu xamra jadiida fi girba gadiima. Iza yavmilu kida, al girba titsharraṭ, wa_l xamra titdaffag wa_l girba taxsar. Laakin bixuṭṭu xamra jadiida fi girba jadiida, wa kida kullaha bitkuun maḥfuuẓa.”
BINT MEYYITA WA MARA VAIYAANA
18Wa wakit maa kaan yakallimum be da, shuuf! waaḥid ra’iis garrab leehu wa rakav giddaamu wa gaal, “Binti maatat hassav di. Laakin tavaal wa xuṭṭ iidak valeeha wa hi bitaḥya.” 19Wa Yasuuv gaam wa tibivu, hu wa talaamiizu. 20Wa shuuf! mara, ad damm kaan binzil minnaha le muddat iṭnaashar sana wa hiya kaanat tavbaana, jaat le Yasuuv min waraahu wa limsat ṭaraf toobu. 21Vashaan gaalat fi nafsaha, “Iza balmas toobu bass, abga shadiida.” 22Yasuuv itlafat wa shaafa wa gaal, “Shiddi ḥeelik, yaa binti, bigiiti ṭaiba vashaan iimaanik.” Wa_l mara bigat shadiida min as saava diik. 23Wa lamma Yasuuv ja le beet ar ra’iis wa shaaf al mizammiriin wa kooraak aj jamaava, 24gaal leehum, “Amshu, vashaan al bint maa meyyita laakin naayima.” Wa hum ḍiḥiku valeehu. 25Laakin lamma marragu_j jamaava, Yasuuv daxal wa axada be iida, wa_l bint gaamat. 26Wa_l xabar da shattat fi_l arḍ diik kullaha.
YASUUV YASHFI AL VAMYAANEEN WA_L ABKAM
27Wa wakit maa Yasuuv kaan maashi min hinaak, vamyaaneen tibivoohu yakooriku wa yaguulu, “Warriina raḥmatak, yaa Ibn Daawuud.” 28Wa lamma daxal al beet, al vamyaaneen garrabu leehu. Wa Yasuuv gaal leehum, “Taṣaddigu ana bagdar avmil da?” Gaalu leehu, “Aiwa, yaa Rabb.” 29Bavdeen limis vuyuunum wa gaal, “Zei iimaankum yakuun leekum.” 30Wa vuyuunum infataḥu. Wa Yasuuv kallamum be guwwa wa gaal, “Shuufu, maa taxallu waaḥid bivrif da.” 31Laakin hum maragu wa xabbaru beehu fi kull al arḍ di.
32Wa wakit maa kaanu maashiin, shuuf! zool maa bigdar yitkallam wa kaan fiihu sheeṭaan, jaaboohu le Yasuuv. 33Wa bavd maa ṭallav ash sheeṭaan, al #9:33 abkam: zool maa bigdar yitkallam.abkam itkallam. Wa_n naas istaghrabu wa gaalu, “Ḥaaja zei di maa shaafooha abadan fi Israa’iil.” 34Laakin al Farriisiyyiin gaalu, “Hu biṭalliv ash sheyaaṭiin be ra’iis ash sheyaaṭiin.”
35Wa Yasuuv kaan bimshi fi kull al mudun wa_l bilaad, wa yavallim fi biyuut ar Rabb wa yabashshir be bishaarat al malakuut, wa yashfi kullu vaya wa kullu maraḍ fi_n naas. 36Wa lamma shaaf aj jumuuv, kaan vindu raḥma leehum fi galbu, vashaan kaanu tavbaaniin wa kaanu biduun musaavada zei xirfaan biduun raavi. 37Bavdeen gaal le talaamiizu, “Fih dura katiir fi_z ziraava jaahza, laakin ash shaghghaaliin galiiliin. 38Wa vala kida, aṭlubu min Rabb az ziraava vashaan yarassil shaghghaaliin le ḥaṣaadu.”
Obecnie wybrane:
Matta 9: APD1978
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Published by Bible Alliance Mission in 1978, now part of SIM - Serving in Mission.
