Actau’r Apostolion 15
15
A.D. 51. —
1 Ymryson mawr yn cyfodi ynghylch yr enwaediad: 6 yr apostolion yn ymgynghori ynghylch hynny; 22 ac yn anfon eu meddwl trwy lythyrau at yr eglwysi. 36 Paul a Barnabas, wedi bwriadu myned i ymweled â’r brodyr, yn amrafaelio, ac yn ymadael â’u gilydd.
1A rhai wedi dyfod i waered o Jwdea, a ddysgasant y brodyr, gan ddywedyd, #Gal 5:2; Phil 3:2; Col 2:8, 11, 16Onid enwaedir chwi #Gen 17:10; Lef 12:3yn ôl defod Moses, ni ellwch fod yn gadwedig. 2A phan ydoedd ymryson a dadlau nid bychan gan #Gal 2:1Paul a Barnabas yn eu herbyn, hwy a ordeiniasant fyned o Paul a Barnabas, a rhai eraill ohonynt, i fyny i Jerwsalem, at yr apostolion a’r henuriaid, ynghylch y cwestiwn yma. 3Ac wedi eu hebrwng gan yr eglwys, hwy a dramwyasant trwy Phenice a Samaria, gan fynegi troad y Cenhedloedd: a hwy a barasant lawenydd mawr i’r brodyr oll. 4Ac wedi eu dyfod hwy i Jerwsalem hwy a dderbyniwyd gan yr eglwys, a chan yr apostolion, a chan yr henuriaid; a #Ad. 12; Pen 14:27hwy a fynegasant yr holl bethau a wnaethai Duw gyda hwynt. 5Eithr cyfododd #15:5 eb hwynt, rai, & c.rhai o sect y Phariseaid y rhai oedd yn credu, gan ddywedyd, Mai rhaid iddynt eu henwaedu, a gorchymyn cadw deddf Moses.
6A’r apostolion a’r henuriaid a ddaethant ynghyd i edrych am y mater yma. 7Ac wedi bod ymddadlau mawr, cyfododd Pedr, ac a ddywedodd wrthynt, Ha wŷr frodyr, chwi a wyddoch ddarfod i #Pen 10:20; 11:12Dduw er ys talm o amser yn ein plith ni fy ethol i, i gael o’r Cenhedloedd trwy fy ngenau i glywed gair yr efengyl, a chredu. 8A Duw, #1 Cron 28:9; Pen 1:24adnabyddwr calonnau, a ddug dystiolaeth iddynt, #Pen 10:44gan roddi iddynt yr Ysbryd Glân, megis ag i ninnau: 9Ac ni wnaeth efe ddim gwahaniaeth rhyngom ni a hwynt, #Pen 10:43; 1 Cor 1:2; 1 Pedr 1:22gan buro eu calonnau hwy trwy ffydd. 10Yn awr gan hynny paham yr ydych chwi yn temtio Duw, #Mat 23:4; Gal 5:1i ddodi iau ar warrau’r disgyblion, yr hon ni allai ein tadau ni na ninnau ei dwyn? 11#Eff 2:8; Titus 3:4Eithr trwy ras yr Arglwydd Iesu Grist, yr ydym ni yn credu ein bod yn gadwedig, yr un modd â hwythau.
12A’r holl liaws a ddistawodd, ac a wrandawodd ar Barnabas a Phaul, yn mynegi pa arwyddion a rhyfeddodau eu maint a wnaethai Duw ymhlith y Cenhedloedd trwyddynt hwy.
13Ac wedi iddynt ddistewi, atebodd Iago, gan ddywedyd, Ha wŷr frodyr, gwrandewch arnaf fi. 14Simeon a fynegodd pa wedd yr ymwelodd Duw ar y cyntaf, i gymryd o’r Cenhedloedd bobl i’w enw. 15Ac â hyn y cytuna geiriau’r proffwydi; megis y mae yn ysgrifenedig, 16#Amos 9:11, 12Ar ôl hyn y dychwelaf, ac yr adeiladaf drachefn dabernacl Dafydd, yr hwn sydd wedi syrthio; a’i fylchau ef a adeiladaf drachefn, ac a’i cyfodaf eilchwyl: 17Fel y byddo i hyn a weddiller o ddynion geisio’r Arglwydd, ac i’r holl Genhedloedd, y rhai y gelwir fy enw i arnynt, medd yr Arglwydd, yr hwn sydd yn gwneuthur yr holl bethau hyn. 18Hysbys i Dduw yw ei weithredoedd oll erioed. 19Oherwydd paham #Edrych ad. 28fy marn i yw, na flinom y rhai o’r Cenhedloedd a droesant at Dduw: 20Eithr ysgrifennu ohonom ni atynt, ar ymgadw ohonynt #Exod 20:3; 1 Cor 8:1; 10:20oddi wrth halogrwydd delwau, a #1 Thess 4:3godineb, ac oddi wrth y peth a dagwyd, ac #Gen 9:4; Lef 3:17 oddi wrth waed. 21Canys y mae i Moses ym mhob dinas, er yr hen amseroedd, rai a’i pregethant ef, #Pen 13:15, 27gan fod yn ei ddarllen yn y synagogau bob Saboth. 22Yna y gwelwyd yn dda gan yr apostolion a’r henuriaid, ynghyd â’r holl eglwys, anfon gwŷr etholedig ohonynt eu hunain, i Antiochia, gyda Phaul a Barnabas; sef Jwdas a gyfenwir Barsabas, a Silas, gwŷr rhagorol ymhlith y brodyr: 23A hwy a ysgrifenasant gyda hwynt fel hyn; Yr apostolion, a’r henuriaid, a’r brodyr, at y brodyr y rhai sydd o’r Cenhedloedd yn Antiochia, a Syria, a Cilicia, yn anfon annerch: 24Yn gymaint â chlywed ohonom ni, i rai a aethant allan oddi wrthym ni eich trallodi chwi â geiriau, gan ddymchwelyd eich eneidiau chwi, a dywedyd fod yn rhaid enwaedu arnoch, a chadw’r ddeddf; i’r rhai ni roesem ni gyfryw orchymyn: 25Ni a welsom yn dda, wedi i ni ymgynnull yn gytûn, anfon gwŷr etholedig atoch, gyda’n hanwylyd Barnabas a Phaul; 26#Pen 13:50; 14:19Gwŷr a roesant eu heneidiau dros enw ein Harglwydd ni Iesu Grist. 27Ni a anfonasom gan hynny Jwdas a Silas; a hwythau ar #15:27 enau.air a fynegant i chwi yr un pethau. 28Canys gwelwyd yn dda gan yr Ysbryd Glân, a chennym ninnau, na ddodid arnoch faich ychwaneg na’r pethau angenrheidiol hyn; 29#Pen 21:25Bod i chwi ymgadw oddi wrth yr hyn a aberthwyd i eilunod, a #Lef 17:14gwaed, ac oddi wrth y peth a dagwyd, ac oddi wrth odineb: oddi wrth yr hyn bethau os ymgedwch, da y gwnewch. Byddwch iach. 30Felly wedi eu gollwng hwynt ymaith, hwy a ddaethant i Antiochia: ac wedi cynnull y lliaws ynghyd, hwy a roesant y llythyr. 31Ac wedi iddynt ei ddarllen, llawenychu a wnaethant am y #15:31 Neu, cyngor.diddanwch. 32Jwdas hefyd a Silas, a hwythau yn broffwydi, trwy lawer o ymadrodd a ddiddanasant y brodyr, ac a’u cadarnhasant. 33Ac wedi iddynt aros yno dros amser, hwy a ollyngwyd ymaith mewn heddwch, gan y brodyr, at yr apostolion. 34Eithr gwelodd Silas yn dda aros yno. 35A Phaul a Barnabas a arosasant yn Antiochia, gan ddysgu ac efengylu gair yr Arglwydd, gyda llawer eraill hefyd.
36Ac wedi rhai dyddiau, dywedodd Paul wrth Barnabas, Dychwelwn, ac ymwelwn â’n brodyr ym mhob dinas y pregethasom air yr Arglwydd ynddynt, i weled pa fodd y maent hwy. 37A Barnabas a gynghorodd gymryd gyda hwynt #Pen 12:12, 25; 13:5; Col 4:10; 2 Tim 4:11; Philem 24Ioan, yr hwn a gyfenwid Marc. 38Ond ni welai Paul yn addas gymryd hwnnw gyda hwynt, #Pen 13:13yr hwn a dynasai oddi wrthynt o Pamffylia, ac nid aethai gyda hwynt i’r gwaith. 39A bu gymaint cynnwrf rhyngddynt, fel yr ymadawsant oddi wrth ei gilydd; ac y cymerth Barnabas Marc gydag ef, ac y mordwyodd i Cyprus: 40Eithr Paul a ddewisodd Silas, ac a aeth ymaith, #Pen 14:26wedi ei orchymyn i ras Duw gan y brodyr. 41Ac efe a dramwyodd trwy Syria a Cilicia, gan #Pen 16:5gadarnhau’r eglwysi.
Obecnie wybrane:
Actau’r Apostolion 15: BWM1955C
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Adolygiad Parry/Davies o Feibl William Morgan gyda chroesgyfeiriadau © 1955 Cymdeithas y Beibl Prydeinig a Thramor
The Parry/Davies revision of the William Morgan Bible with cross-references © 1955 British and Foreign Bible Society
