St. Maheu 3
3
Pennad III.
1En amzér‐zé e tas Yehan er Badéhour de perdêg én distroyeu a Jude,
2Hag én ul laret: Hum troeit d’en Eutru‐Doué, rac Ranteleah en Nean e zou tost.
3Rac hennéh é a péhani en dès er Profæd Izaias conzet, én ul laret: Vouéh en hani e huid é léh distrô: campenet hent d’en Eutru, éonnet é vinogeneu.
4Hag er Yehan‐zé en doé er zé a vleàu camel, hag er gouris lær ardrô d’é digroézel, hag é vouid e oé guélion‐raden ha mél gouih.
5Nezé Jerusalem, hag er Jude ol, hag en ol vrô ar‐drô d’er Jourdan, e zas er mæz d’er gahouét,
6Hag ind e oent badéhet guet hou ér Jourdan, goudé en dout ansàuet hou féhedeu.
7Mæs pe e húelas calz a Pharisiénèd hag a Saducénèd tonnet de vout badéhet, ean e laras dehai: Rumad en aëred, pihue en dés desquet t’oh de n’hum dennein araug er trébilleu de zont?
8Groeit enta fréh mad a zistroedigueah.
9Ha ne chonget quet de larein én hoh hou‐unan: Ni hun nès Abraham hun tad: rac me lar doh penaus e ell Doué seüel a zoh er mein‐zé bugalé de Abraham.
10Hag er vohal e zou a bell laquet arh er hourien er gué: rac‐sé peb huéen péhani ne zoug quet fréh mâd e vou trohet ha taulet én tan.
11Aveid‐on mé, me vadé en deur a zistroedigueah; mæs en hani e zeï ar me lerh, e zou drest‐on; n’on quet aveid zistaquellein é boteu; ean hou badéei guet er Sperèd‐Glan ha tan.
12Ean en dés er scubellen, en é zourn hag e scupou erhat é leur, hag e zastumou en éd ér juler, mæs er pell e vou taulet én en tan divougus.
13Nezé Jesus e zas a zoh Galile d’er Jourdan de gahouèt Yehan, aveid bout badéhet guet hou.
14Mæs Yehan e viras dehou, én ul laret: Ret‐é d’eign de vout badéhet guen‐oh, ha deid oh de me gahouèt?
15Ha Jesus e laras dehou: Lézet de ober bremen; rag él‐cé e vou laqueit peb tra de vout é guirioné. Nezé ean el lézas de vonnet.
16Ha goudé ma oé bet badéhet, Jesus e sàüas ragtal a ziar en deur, ha chetu en Nean e oé digueoret dehou, hag e huélas Sperèd Doué dischennein él ur glom, ha splannein ar‐n‐hou:
17Ha chetu ur vouéh a zoh en Nean e laras: Hennéh‐memb e zou me Mab carettan, é péhani e m’ès laquet ol me garanté.
Obecnie wybrane:
St. Maheu 3: MAT1858
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Published in London in 1858.
