Luka 23
23
Yesu kumesu aPilatu niHerodi
(Mat 27:11-26; Mak 15:2-15; Yow 18:29—19:16)
1Izaza dawantu dejima hidikunyamuka, hidikumutwala kudi #Mat 27:2; Mak 15:1; Yow 18:28Pilatu.
2Hiyakutachika kumwinka nyiloŋa nawu, Muntu iwu tunamuwani wudi nakuluwaŋesha munza wetu, nakulekesha kusonka kudi Kesari, nakwila nindi yomweni diyi Kristu, Mwanta wankanu.
3Pilatu hakumwihula nindi, Komana eyi wuMwanta wawaYudeya? Yena hakumwakula nindi, Mwomwenomu muwunahoshi.
4Pilatu hakuyila akulumpi jawatupristu nimazaza awantu nindi, Muntu iwu #v14, 22, 41; Yil 13:28hinamumoni namuloŋaku.
5Wena hiyakusweja kuzuwa nawu, Wayikoleshaŋa antu hamesu, nakutaŋisha muYudeya mwejima, kutachika kuŊaliliya nikunu.
6Pilatu chanachitiyiyi hakwihula nindi, Iwu muntu hikaŊaliliya, tahindi?
7Chanelukiyi nindi himuntu wakwiluŋa daHerodi, hakumutemesha kudi Herodi, muloŋa yena wadiŋi kuYerusalema hawena mafuku owu.
8Herodi chanamumoniyi Yesu, hakutiya kuwaha nankashi, muloŋa hakeŋeleliyi #9:9kumumona hanalehi dehi, muloŋa wamutiyila dehi nsaŋu jajivulu. Hakukuhwelela nindi kwiji keŋa amumoni nakwila chinjikijilu chimu.
9Hakumwihula mazu amavulu, yena #Isa 53:7; Mat 27:12, 14; Mak 14:61; 15:5; Yow 19:9kumwakula nehi.
10Akulumpi jawatupristu niansoneki hiyakwimana kwenoku nakumwinka nyiloŋa naŋovu yayeni.
11Herodi hakudibomba #Mak 15:17-19; Yow 19:2-3namashidikindi nakumusawula nikumuseha. Hakumuvwika mahina awanta, hakumufuntishilayi cheŋi Pilatu.
12Herodi naPilatu akwata niwubwambu dena ifuku odu, muloŋa hasambilili adiŋi adikwata nkunyi.
13Pilatu hakupompesha akulumpi jawatupristu nianyuuli niantu hamu.
14Hakuyila nindi, Munanleteli muntu iwu nenu himuntu waluwaŋeshaŋa antu; talenu, munamoni chinamweseki dehi muntu iwu, ami hinamumoni namuloŋa wansaŋu yimunamwinkeli muloŋaku.
15Kaŋanyahu Herodi; natufuntishiliyi. Tiyenu, hanakoŋi chuma chakutela kufwaku.
16Dichi #v22nukukumina dakumuvupula, nimuumbuku.
17Hachawijochu wenjilila dehi kuyumbilaku muntu wamukaleya wumu.
18Wejima wawu avwakuka niipumba nawu, Iwu muntu waadi! #Yil 3:13-14Tuumbiluku Baraba;
19yena amushili mukaleya hansaŋu yakuleta njita muŋanda, niyawubanji.
20Pilatu hakuyihosha cheŋi, muloŋa wakeŋeli kumuumbaku Yesu.
21Wena hiyakubidika nawu, Mupopelenu hakulusu! Mupopelenu hakulusu!
22Hakuyila kamuchisatu nindi, Muloŋanyi? Chuma chatama chanakoŋiyi iwu muntu, chumanyi? Hinamumoni nachitelaku. Nukukumina dakumuvupula, nimuumbuku.
23Wena asweja nikuvwakuka naŋovu, hiyakulomba nawu amupopeli hakulusu. Mwahosheluwu musweja niŋovu.
24Pilatu hakuketula nsaŋu nindi eli mwanalombuwu.
25Hakumuumbaku owu alombeluwu, ashiluwu mukaleya hansaŋu yanjita niwubanji; hakwinza Yesu hakumulubula nindi amwili mwomwaya nyichima yawu.
Kumupopela haKulusu
(Mat 27:33-44; Mak 15:22-32; Yow 19:17-24)
26Chadiŋi nakumutwalawu, hiyakukwata muntu, Shimona #Mat 27:32; Mak 15:21; Yow 19:17wakuKireni, wadiŋi nakufuma mumpata, hiyakumutwika kulusu amusendeluku Yesu nakumulondela munyima.
27Hikukumulondela izaza dawantu deneni, nidawambanda hiyakutumpa makumbu akumudila.
28Yesu hakushetumuka kudi wena nindi, Enu anyana awambanda amuYerusalema, bayi mundilamuku, didilenu enu aweni, nianyanenu.
29Tiyenu, mafuku akenza akelawu nawu, Anakooleki anshinta, #21:23; Mat 24:19; Mak 13:17nimavumu abulili kuvwala nimayeli abulili kwamwisha.
30 #
Isa 2:19-21; Hos 10:8; Chim 6:16 Henohu amba katachika kuyila mapidi amaneni nawu,
Tuhinukilenu;
Nimpidi janyanya nawu, Tubutenu.
31Mutondu wutuuta awila chochichi, indi mutondu wawuma amba kawila ŋahi?
32Kwadiŋi amakwawu ayedi, akwanyiloŋa, atweluwu hamu nindi kulonda ayijahi.
33Chanashikuwu oku kwatenaŋawu nawu, Kuchaŋu, hiyakumupopela hakulusu kwenoku, niakwanyiloŋa, wumu kuchikasa chindi chachidiilu, mukwawu kuchimunswa.
34Yesu hakwila nindi, Tata, #Yil 7:60yanakeni; chadi nakwilawu hiyanachilukuku. #Mas 22:18Hiyakudanjaŋena mahinindi nachinjikijilu chakusakula nachu.
35Antu hiyakwimana nakutalaku. Anyuuli niwena #Mas 22:6-8, 17hiyakumuseha nawu, Waamwinini akwawu, muleki adamwini yomweni, neyi diyi Kristu waNzambi, windi atondayi.
36Mashidika niwena nawa hiyakumuseha, hiyakwinza kudi yena nakweseka kumwinka #Mak 15:23; Mas 69:21vinyu yabatuka,
37nakwila nawu, Neyi wuMwanta wawaYudeya, damwini.
38Hewulu hadiŋiyi ashiluku mukanda wakusoneka nawu,
IWU DIYI MWANTA WAWAYUDEYA.
39Mukwanyiloŋa wumu wawena apopeleluwu hamakulusu, hakumutuka nindi, Eyi hiwuKristuku? Damwini eyi aweni ninetu kumu.
40Mukwawu hakumuhoshola nindi, Eyi kweyi, hela Nzambi hiwamutiyaŋa womaku? kutoŋa nineyi anakuhishili kumu.
41Etu kwetu chinatuteleli, hitukutambula wulooku wanyidimu yetu; hakwila iwu muntu hakweti #v4, 14, 22kamuloŋa nikantuku.
42Hakumwila Yesu nindi, Eyi Mwanta, wakaŋanukaŋa chiwakenza muwanta weyi.
43Yesu hakumwila nindi, Nukukuleja chalala nami, lelu nukwikala neyi #2 Kor 12:3-4; Chim 2:7muParadisa.
Kufwa kwaYesu
(Mat 27:45-50; Mak 15:33-41)
44Henohu hashika dehi neyi kwiji mpinji yamuchitanu nayimu (12:00 hrs), mwidima wuholoka nimwituŋa dejima, ndo-o nikumpinji yamuchitanu nayiwana (15:00 hrs).
45Itaŋwa diiyila nibwi-i, #Kwi 26:31-35; Heb 9:3, 8; 10:19-20niihina dakujika muTembeli mwajila ditabuka nihakachi.
46Yesu chanabileliyi nezu daŋovu, hakwila nindi,
Tata, nashi spiritu yami mumakaseyi.
Chanahoshiyi mwenomu yotula niwumi windi.
47Mukulumpi wamashidika chanamoniyi yuma yejimiyi, hakulemesha Nzambi nindi, Iwu chalala wadiŋi muntu waloŋa.
48Mazaza ejima awuŋili nakutala chumichi, chanamonuwu yuma yeliluwu, hiyakufunta kwaawu #18:13nakudetola hantulu jawu nakuneŋa.
49Ejima adilukiliyi nawu #v55-56; 8:1-3; 24:10niambanda afuminiyi nawu kuŊaliliya, hiyakwimena hahalehi nakutala yumiyi.
Kumujiika Yesu
(Mat 27:57-61; Mak 15:42-47; Yow 19:38-42)
50Kutala iyala ijina dindi Yosefu, wakumukala wawaYudeya ijina dawu Aramateya,
51wadiŋi mukwachota chawu; muntu wamuwahi waloŋa, hetejeli mpúŋa yawu, hela mwakoŋeluwuku; wadiŋi #2:25, 38nakutalila wanta waNzambi.
52Yeniwu Yosefu hakuya kudi Pilatu, hakumulomba mujimba waYesu.
53Hakuwukulula, hakuwujiŋajiŋa mwihina ditooka, hakuwukamika mwijamu dakupokola mwilola, kanda ajiikaŋamu dehi muntuku.
54Dadiŋi Ifuku Dakuloŋesha; Sabata hiyikuswila kwakwihi.
55Ambanda afuminiyi nawu kuŊaliliya, hiyakulondela munyima, hiyakutala ijamu nichakamikiluwu mujimba windi.
56Hiyakufunta #24:1; Mak 16:1nakuloŋesha nyitondu yamavumba amawahi, nimanji evumba dadiwahi. #Kwi 12:16; 20:10HaSabata hiyakunooka mwaya nshimbi.
Obecnie wybrane:
Luka 23: MWW04
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
The Holy Bible in Lunda Ndembu © United Bible Societies, 2003.
