Luka 21

Mulambu wamfwila

(Mak 12:41-44)

1Hakubanduka, hakumona akwakuheta adi nakuumbila nyilambu yawu muchikasha chakuswekela mali.

2Hakumona mumbanda mfwila kazweŋi wumu, hakuumbilamu tumali twanyanya tuyedi.

3Hakwila nindi, Nukuyileja chalala nami, mumbandiwu mfwila kazweŋi, nombilumu yabadika akwawu ejima.

4Muloŋa awa ejima anombilumu nyilambu yakumahetawu amavulu; ilaŋa yeniwu mumbanda nombilumu yawuzweŋi windi, yejima yadiŋi yakudikwasha nachu.

Yinjikijilu yanyaka yakukuminina

(Mat 24; Mak 13)

5Antu amakwawu adiŋi nakutena Tembeli, chayiwahishiluwu namalola amawahi niyamukunkulu yikwawu yakumwekesha lubanji.

6Hakuyila nindi, Yumiyi yimukutala, mafuku amba kenza hiyamba kashiya ilola nidimu dakanaŋamana helola dikwawu, dakabula #19:43-44kunatika hesekuku.

7Hiyakumwihula nawu, Eyi Nkuluŋaŋa, indi yumiyi yamba kashika hamwaakanyi? Hakakeŋa kumwekana yumiyi, hamba kekala chinjikijilu chanka?

8Yena hakuyila nindi, Babalenu akenda kayiluwaŋesha. Muloŋa amavulu akenza mwijina dami nakwila nawu, Diyi ami; nawu, Mwaka wunashiki dehi kwakwihi. #17:23; 1 Yow 2:18Bayi mwakayilondelaku.

9Chimwakatiya nsaŋu jamajita nimapumba, bayi mwakafwa mutentuku; muloŋa yumiyi chiŋa yisambila kumwekana; hakwinza kukumisha kuchidi kanda.

10Henohu hakunuŋaku nindi, Munza wakanyamuka nakulwa namunza wukwawu, wanta nawanta wukwawu.

11Kwakaholoka nyitentanshi yayeni, ninzala, niyipupu kwacheŋi nakwacheŋi. Kwakekala yuma yafwana yakufwisha antu mutentu, niyinjikijilu yamaneni yakufuma kwiwulu.

12Hakela yuma yejimiyi yichidi kanda yishiki, akasambila kuyikwatenu, akayikabisha, akayilubula kuyota yawu, akayisha mutuleya, akayikokela kumesu awanyanta ankanu #Yil 25:24nawanyuuli kukoola ijina dami.

13Chakabalumuka chuma chakuyishimwina nachu antu wunsahu.

14Dichi kuminenu dakuwunda munyichima yenu, muleki kutoŋojokaŋahu dehi #12:11-12mumwakaakula;

15muloŋa ami nakayinka kanwa nimaana, kulonda akwankunyi nenu ejima akakaŋanyi hela kudikaŋilamu, hela kutadikamu.

16 # 12:52-53 Anvwali jenu, hela anakwenu, hela antaŋa jenu, hela amabwambu jenu akayifukeja; enu amakwawu akayijahisha.

17 # Mat 10:22; Yow 15:18-25 Akayihela kudi antu ejima kukoola ijina dami.

18Kwosi #12:7; 1 Sam 14:45; Mat 10:30; Yil 27:34nsuki yakunyitu yenu niyimu, yakakisikaku.

19 # Mat 10:22; Rom 2:7; 5:3-4; Heb 10:36; Yak 1:3; Chim 2:7, 26 Mukukakela kwenu, dimu mumukumwena wumi wenu.

20Ilaŋa himwakamona Yerusalema #19:41-44; 23:28-31anayikuchiki dehi namajita kwi-ndo, henohu kelukenu nenu keŋa ayibalumuni yikali ihembi.

21Henohu ádi muYudeya akatemukili kumapidi; ádi mukachi kamukala akafumumu; ádi #17:31mumaha bayi akeŋila cheŋi muŋandaku.

22Muloŋa wenawa diwu mafuku #Isa 63:4; Dan 9:24-27; Hos 9:7akutenda, kulonda yuma yasonekeluwu yejima yakalumbuluki.

23Oyi yihuŋu yakamonawu ákekala namavumu, niákaamwisha hamafuku owu! Muloŋa mwituŋa mwakaholoka ihuŋu dasweja hamafuku owu, nikuzuwila nankashi antu ambala awa.

24Akayitapa nampoku yakabali, akayitwala muwunkoli munyunza yejima; ŋanda Yerusalema #Isa 63:18; Dan 8:13; Chim 11:2akayidata kudi aJentili, nichamba kamana nyaka #Rom 11:25yawaJentili.

25 # Isa 13:10; Yoweli 2:10; Zef 1:15; Chim 6:12-13 Mwitaŋwa mwakekala yinjikijilu, nimukakweji, nimututumbwa; nyunza yakakaba nankashi heseki, hiyakuhayama lushindu lwamankanda akaluŋalwiji.

26Antu akahwidijela nawoma munyichima yawu, nakutalila yuma yidi nakwinza hamatuŋa, muloŋa ŋovu jamawulu jakakanka.

27Henohu akamona #Dan 7:13-14; Mat 8:20; Chim 1:7Mwana kaMuntu hakwinza mwivu, naŋovu yayeni, nalubanji lwakulema kwasweja.

28Yumiyi chiyakatachika kumwekana, bandulenu nyitu yenu, talenu kwiwulu, muloŋa kukuula kwenu hikukushika kwakwihi.

29Hakuyitila chishimu nindi, Talenu iwu mutondu wachikuyu ninyitondu yejima.

30Chiyinasapuki ichi, munachimoni, muneluki enu aweni nenu nkanza yidi kwakwihi.

31Chochimu ninenu nawa, chimwakamona yumiyi hiyikumwekana, kelukenu nenu wanta waNzambi keŋa wushiki.

32Nukuyileja chalala nami, chisakichi kuhita chiŋa yuma yejima yinamani dehi.

33 # 16:17; Mat 5:18 Iwulu dakahita, niiseki nawa; mazu ami hiyamba kahitaku.

34Ilaŋa babalenu enu aweni, nyichima yenu yakenda kasweja kwikuta, nakusheta walwa, #Mak 4:19nikwakama yuma yawumi wunu, ifuku odu dakenda #12:40, 45; 1 Tes 5:2-7kayikasumwisha neyi muhetu.

35Muloŋa dichi chidakashikena antu ejima ashakama heseki dejima.

36 # Mak 13:33 Tonenuŋa kwenu hayilaaka yejima #Efw 6:18; Kol 4:2nakulembelela, kulonda mwakemiki mushindu, mwakapuluki kuyuma yejimiyi, mwakemani #1:19; Chim 7:9; 8:2; 11:4kumesu aMwana kaMuntu.

37Hefuku hefuku wadiŋi nakutaŋisha #19:47muTembeli namwaana; #Mak 11:19hawufuku wedikilaŋa nakuya nakukama kumpidi yaOliveta.

38 # Yow 8:2 Antu ejima amenekelaŋa budidi kudi yena muTembeli amutiyi.

Obecnie wybrane:

Luka 21: MWW04

Podkreślenie

Udostępnij

Kopiuj