Yowanu 3
3
Kuvwalika chachiha
1Kwadiŋi iyala wumu, kaFwarisewu, nyuuli yawaYudeya, ijina dindi #7:50; 19:39Nikodemu.
2Yeniwu wayili kudi Yesu nawufuku, hakumwila nindi, Eyi Rabi, etu tuneluki netu eyi wuntaŋishi wafuma kudi Nzambi; muloŋa #2:11yinjikijilu iyi yiwelaŋeyi kwosi muntu niwumu wukutwesha kuyila, chiŋa Nzambi ekala nindi.
3Yesu hakumwakula nindi, Chalala chalala, nukukuleja nami, muntu kutwesha kumona wanta waNzambi chiŋa #1:13; 2 Kor 5:17; Yak 1:18; 1 Pet 1:23avwalika chachiha.
4Nikodemu hakumwila nindi, Muntu wakula dehi wukutwesha kuvwalika ŋahi? Wukutwesha kwiŋila mwivumu damama yindi kamuchiyedi avwaliki cheŋi, tahindi?
5Yesu hakwakula nindi, Chalala chalala, nukukuleja nami, muntu kutwesha kwiŋila muwanta waNzambi, chiŋa avwalika #Efw 5:26; Tit 3:5nikumenji nikudi Spiritu.
6Chávwalikaŋa kumujimba himujimba; chávwalikaŋa kudi Spiritu hispiritu.
7Bayi wuhayama chinakwili nami chiŋa muvwalika chachihaku.
8 #
Mukwa 11:5; Ezek 37:9 Mpepela yakunkaŋa kwokuyinakeŋi kuya kwoku, eyi watiyaŋa chiyikuvuma, ilaŋa kwiluka kuyikufuma, hela kuyikuya nehi, dichi chaduwu ejima akuvwalika kudi Spiritu.
9Nikodemu hakumwihula nindi, Yumiyi yikutwesheka ŋahi?
10Yesu hakumwakula nindi, Eyi yeyi ntaŋishi yawaIsarela, wubuli kushinshika mwalumbulukila yumiyi?
11Chalala chalala, #7:16-17; 8:26; 12:49nukukuleja nami, twahoshaŋa yitweluka, twashimunaŋa wunsahu wayuma yakumona namesu, enu kukuhwelela mutwashimunaŋa nehi.
12Chinayileji yuma yahamaseki enu kukuhwelela nehi, indi chinukuyileja yuma yamwiwulu mukukuhwelela ŋahi?
13Hikudi muntu #Rom 10:6; Efw 4:9wakandamahu dehi mwiwuluku, chiŋa yowu wasulukili #v31; 6:38, 42mwiwulu, diyi Mwana kaMuntu wekala mwiwulu.
14Chanyamwiniyi Mosi #Kuch 21:9kapela hewulu muchinkalampata, dichi #8:28; 12:34chakanyamunawu nawa niMwana kaMuntu hewulu;
15kulonda muntu #20:31; 1 Yow 5:11-13wukukuhwelela aheti mudi yena wumi wahayanyaka.
16Chaswejeliyi Nzambi #Rom 5:8; 8:32; Efw 2:4; 1 Yow 4:9-10kukeŋa mpata yamunu mwishina, wayinkeli Mwanindi wumu hohu, kulonda muntu wukumukuhwelela aheti wumi wahayanyaka, akabuli kunoŋa.
17 #
7:29; 17:3, 8, 18; 1 Yow 4:14 Chatemesheliyi Nzambi Mwanindi mumpata yamunu mwishina, halondeli #12:47kusompesha antu ampata yamunu mwishinaku, walondeli nindi antu amunu mwishina #Luk 19:10ahandili mudi yena.
18Muntu wukumukuhwelela hakufwa namuloŋaku; muntu wukubula kumukuhwelela nafwi nachu, muloŋa naleki kukuhwelela ijina daMwana kaNzambi wumu hohu.
19Kufwa namuloŋa kunafumi hakwila chejeji chenjili dehi mumpata yamunu mwishina, ilaŋa antu hiyakeŋeli chejejuku, akeŋeli mwidima muloŋa nyidimu yawu yatama.
20Muloŋa antu ejima akoŋaŋa yatama ahelaŋa chejeji, hiyenzaŋa kuchejejuku kulonda nyidimu yawu abuli #Efw 5:11, 13kuyikonkolola.
21Ilaŋa muntu wakoŋaŋa yalala wenzaŋa #1 Yow 1:6-7kuchejeji kulonda nyidimu yindi akayimwekeshi nawu anayikoŋi mudi Nzambi.
Wunsahu waYowanu Njimiki hadi Yesu
22Kulondela hayumiyi Yesu niatumbanji twindi hiyakuya mwiluŋa daYudeya; hakulaba nawu kwenoku nakujimika.
23Yowanu niyena wadiŋi nakujimika kuEnoni kwakwihi naSalimi, muloŋa kwadiŋi menji amavulu. Antu hiyakwinza akayijimiki.
24Henohu Yowanu wuchidi kanda amushi mukaleya.
25Dichi hasaŋumukili ntadi hadi atumbanji twaYowanu nakaYudeya wumu hansaŋu yakuditookesha.
26Wena hiyakwinza kudi Yowanu nakumwila nawu, Eyi Rabi, ona wadiŋi naneyi hambadi yamusela yaYodana, iwashimwineyi wunsahu, tiya dinu, niyena hakujimika, antu ejima hiyakuya kudi yena.
27Yowanu hakwakula nindi, Muntu kutwesha kutambula chuma, chiŋa anamwinkichu kwiwulu.
28Enu aweni mukunshimwina wunsahu chinahoshelaŋa nami, ami #1:20, 23hiniKristuku, nami anantemeshaŋahu dehi kumbidi.
29Muntu wukweti mumbanda diyi kalemba; ilaŋa ibwambu dakalemba, chakwimanayi nakumutiya, wazaŋalalaŋa nankashi chakutiyayi izu dakalemba. Dichi iwu #15:11; 17:13; 1 Yow 1:4muzaŋalu wami wunawanini dehi.
30Chiŋa yena atohi, ami nikehi.
31Wáfuma mwiwulu wabadika ejima; wáhamaseki hiwahamaseki kwindi, watenaŋa yahamaseki. Wáfuma mwiwulu wabadika ejima.
32Washimunaŋa mwanamoniyi nimwanatiyiyi; ilaŋa kwosi muntu wakuhwelelaŋa mwashimunaŋayuku.
33Muntu nakuhweleli mwakushimunayi, nashuku mufunda wakwila nindi, Nzambi walala.
34Muloŋa iwu #v17atemesheluwu kudi Nzambi wahoshaŋa mazu aNzambi, muloŋa Nzambi henkaŋa Spiritu nakwesekelaku.
35Tata #5:20wakeŋa Mwana, nenki yuma yejima muchikasa chindi.
36Muntu wukukuhwelela Mwana wukweti wumi wahayanyaka; hakwila muntu wabulaŋa kwovwahila Mwana hakamona wumuku, kuzuwa kwaNzambi kwashakama hadi yena.
Obecnie wybrane:
Yowanu 3: MWW04
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
The Holy Bible in Lunda Ndembu © United Bible Societies, 2003.
