Matu 7

Gakerɛ

(Luki 6.37, 38, 41, 42)

1“Da gakɛ, ti ba mɛ da gakɛ hɔ. 2#Mak 4.24 Se'ere en sɔi la, fum n gakeri se'em la, ba wan gakɛ fum la bala. Fum n makere se'em tiha la, bala mɛa tu fum wan lebehe to'e. 3Ŋwani ti fum nyɛta sɔkɔ la n boi fum mabia niho puan, gee pun ka mina ti dɔɔ boi fum mɛŋa niho puan? 4Bii ŋwani ti fum wan ta'am yele fum mabia yeti, ‘Bahɛ ti pebele sɔkɔ wa fum niho wa puan bahɛ,’ gee ti dɔɔ bɔna fum mɛŋa niho la puan? 5Yamam birekɔgehi wa, fooe dɔɔ la fum mɛŋa niho la puan yia, la fum ta'am nyɛta suŋa dikɛ sɔkɔ la fum mabia la niho la puan.

Da dɛgera tuulum lɔgerɔ

6“Da dikɛ sɛla en de tuulum lɔkɔ bo' baahi. Da me dikɛ fum tuulum nunɔm lɔgerɔ bo' kurikuri, ba wan nɛ ba tabɛ tiŋa, gee ŋmɛregɛ aafum hɔ zɔra zɔra.

Soke, ɛ, ŋmɛ'

(Luki 11.9-13)

7“Soke, gee ba wan bo' fum. Ɛ gee fum wan nyɛ. Ŋmɛ gee kuleŋa la wan yu'ɛ bo' fum. 8Se'em woo en soke, wan to'e, ti se'em woo en ɛ, wan nyɛ, ti se'em woo en ŋmɛ', kuleŋa la wan yu'ɛ bo' en. 9Se'em boi ya puan, ti a bia han suhɛ en boroboro, a dikɛ kugere bo' en? 10Bii bia la suhɛ ziho ti fum bo' en bunsɛla? 11Ti yamam en de be'em duma, han mina sɛla en ani suŋa bɔ'ɔra ya kɔma, ŋwani ti ya Sɔ se'em en boi saazuo ha wa, kan bo' sɛba woo en soke en la lɔgesunɔ gana bala.

Pa'alesuŋɔ

12 # Luk 6.31 “Sɛla woo puan, ita nɛreba wuu fum boti nɛreba ita fum se'em la. Nɔze'elego la, la nɔtɔgeheba la pa'alegɔ en bala.

Nayanmika

(Luki 13.24)

13“Doohe nayaŋa mika la puan kɛ̃. Se'ere en sɔi la, nayaŋa sɛka en dole yɛ'a sageŋɔ puan la yalegɛ mɛ ti ka sore la zuo kinɛ dɛna naana, ti nɛreba kekeko kina de zuo. 14Gee nayaŋa sɛka en dole yɛ'a vom tiŋa la puan la mike mɛ, ti ka sore la zuo kini kpe'em, ti nɛreba fii wa en dole ku zuo.

Tia la ka wala

(Luki 6.43, 44)

15“Mini ya nɔtɔgehe pumparenduma la en kini ya zi'an na wa yele. Ba dikɛ la piihi gana furɛ gee ba puan puan ha, ba mɛhi, gee ba dela sahi en obere ti la kiha. 16Ya wan baŋɛ ba doohe ba wala puan. Ba pi'ihi ta'ama la zaahi tiŋa, bii ba pi'iha mu'uro tuntuuro tiŋa? 17Bala mɛa, tisuŋa woo wani la walesuma, gee ti tibe'o woo me wuna wala pu'uha. 18Tisuŋa kan ta'am wam wala pu'uha, bii tibe'o ta'am wam walesuma. 19#Mat 3.10; Luk 3.9 Tisɛka woo en ka wani walesuma, ba wan ŋmaaɛ ka bahɛ, dikɛ ka bahɛ bugumen. 20#Mat 12.33 Ya wan baŋɛ ba doohe la ba wula puan.

Gakerɛ daarɛ

(Luki 13.25-27)

21“Dagi se'em woo en yeen yi'ira mam ‘N Daana, N Daana,’ n wan kɛ̃ saazuo sɔ'ɔlum la puan, gee se'em n tuni mam Sɔ n boi saazuo ha la sumboolum. 22De daarɛ, nɛreba zo'e zo'e wan yele mam yeti, ‘N Daana, N Daana, dagi fum yu'urɛ ti tumam daa tara muula yelefum la, gee sa'aha kulekpa'bɛ'ɛhi, gee tuna tuunkãra yima yima la la fum yu'urɛ puan?’ 23#Yoo 6.8 Bilam, N wan yele ba yeti, ‘Mam ka tabelɛ mi' ya, fɔregɛ ya mam zi'an ha, yelebe'iteba wa.

Kelehego, la tuuma

(Luki 6.47-49)

24“Se'em woo en wum mam yelefum buna wa, gee dikɛ bu tum, ani wuu yɛm daana en mɛ a yire yagelɛ kuga ɛ̃berɛ zuo la. 25Ti saahi ni, ti ko'om di, ti kusebego lobe, ŋmɛ' yire la, gee yire la ka lu, se'ere en sɔi la, de yage la kuga ɛberɛ zuo. 26Gee Se'em woo en wum mam yelefum buna wa, gee ka dikɛ bu tum, ani wuu gɔɔŋɔ en mɛ a yire tintombi'ihego zuo la. 27Ti saahi ni, ti ko'om di, ti kusebego lobe, ŋmɛ' yire la, ti yire la lu, lu damɛ wuregam!”

28 # Mak 1.22; Luk 4.32 Yezu en ta tɔgɛ yele ana wa ba'ahɛ la, la iŋɛ nɛrekuuŋɔ la la pakerɛ zo'e zo'e, la a pa'alegɔ la. 29Se'ere en sɔi la, a pa'alegɔ la tari la paŋa, a ka pa'ali ba wuu gɔnmi'ineba la.

Obecnie wybrane:

Matu 7: GBTP

Podkreślenie

Udostępnij

Kopiuj