Jenesis 8
8
Nuarin tas alupas 8.
1 Et umri inwai. 4 Et euctaig nelcau iyehki an nau Ararat. 7 Reven im nucip. 15 Et udei nelcau a Noa van tas alep u Atua. 20 Et actaig natau a Noa, um ahlap an nitai ahlap iran. 21 upene inliinmopoi Atua vaig, et ika aien inyi eti lep asan tas ahlaijaig vai nobohtan aien va atimi.
1IS imiehva Noa a Atua im niji itai umumoh asega, im niji itai eklim edo irai pece asega ehelen anliin nelcau: is ika a Atua yi iji nimtinjap an nobohtan; is um umri inwai;
2eris atapnes jap um atapnes irai tapnes an nohatag, is eti lep ehe;
3is umri inwai an nobohtan irai iji adiat: is wat ti pan itac nadiat is wun huntret im fifte is ame inwai.
4Is euctaig nelcau an tah nedoon Ararat an mohoc sevend, an nadiat seventiind.
5Is umri inwai irai iji adiat um yetpan an mohoc tend; is ateucrad niji lola au an nadiat first, an mohoc iyehki.
6Is wat ti pan itac nadiat is forte, is asalgei nitai lah iyehki an nelcau a Noa is ago aien:
7is ati pok ijo reven is ethi aien, is ae sjipe um uhmu pan an nopan iyehki is umri inwai an nobohtan.
8Is lep ati pok ijo nucip is ethi aien par ato, kit is ame inwai an nobohtan, ka oʼo:
9ja is eti ecetai tah nuarin igca inig nucip yi eteuc iran, is adumoij pan ehelen an nelcau aien, is amen inwai an nobohtan asega: is ada nikman aien, um asjirai yin, um leh pam yin ehelen anliin nelcau.
10Is amen aien ira adiat is seven, ja par lep ati pok ijo nucip an nelcau.
11Is lep adumoij pan ehelen nucip an jupura; is amen an nipjineucsen neri oliv is aces yi aijiraig aien: va nitai inigki is ato a Noa mika, is ame inwai an nobohtan.
12Is lep amen aien ira adiat is seven, ja par aketo um ati pok ijo nucip; is eti lep, adumoij pan ehelen nucip.
13An mesese siks huntretd im first irai Noa, an mohoc uhup, an nadiat uhup, is ame inwai an nobohtan: is atipagki nitai adahpoi nelcau a Noa, um almoi, is um mese nobohtan.
14Is um mese nobohtan an mohoc sekunt an nadiat twente sevend.
15Is tas ehele Noa a Atua, um ika,
16Udei nelcau aiek, im ehgam, im ehtaij halav atamaig unyum, im ehgai ehtaij halav atamaig unyum.
17Um imiua pok ijo niji itai umumoh asega et amen ehelum, niji man, im niji itai eklim edo irai pece, im niji itai asega et atahas an nobohtan; mika eri ahad, um ahinag acen an nobohtan.
18Eris alau ijo a Noa, im ehtaij halav atamaig o un, im ehgan, im ehgai ehtaij halav atamaig o un:
19eris ahes an nelcau um alau ijo niji itai eklim edo irai pece asega, im niji itai atahas asega, im niji man, im niji obotpot itai umumoh asega an nobohtan.
20IS actaig natau imi Ihova a Noa; um lucsei nahaiji itai eklim edo irai pece upene asega, im nahaiji man upene asega, um ahlap irai iji itai ahlap er atnamud an natau.
21Is ahgei nipin upene a Ihova; is ika inliinmopoi Ihova. Inki eti lep asan tas ahlaijaig nobohtan ainyak va atimi; et has naktaktai u inliinmopora ara an halav ura, um yetpan irai iji adiat; inki eti lep auahas niji itai umumoh asega ainyak, et idivaig kis mun ago ainyak.
22Inyi eti lep ti nopan ahwai itai im nopan asjapicnai itai, im neiweiyu im nihlup, im inmesese im inlidija, im nadiat im nepig, an namen asega u nobohtan.
Obecnie wybrane:
Jenesis 8: VAO63
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Vanuatu Bible (Intas Etipup) © United Bible Societies, 1863, 2019.
