Fuɗɗoode 35
35
Gartol Yaakuuba Baytila
1Caggal ɗuum, Laamɗo wi'i Yaakuuba:
— Umma, yahu Baytila, njooɗoɗaa toon de nyiɓanaa kam hirsirde, miin Laamɗo ɓanganɗo ma nde ndoggunoɗaa mawna Isuwa ndeen.
2Yaakuuba wi'i yimɓe galle muuɗum e wonduɓe e muuɗum fuu:
— Paɗɗee tooruuji ɗi njogiɗon ɗiin, laaɓinee ko'e mon de mbattiton kaddule. 3Ummee, njehen Baytila. Toon nyiɓanten Laamɗo sakkirde, sabo o jaabanake kam wakkati ɓillaare. Wooɗi du imo wondi e am e laawol ngol njahammi fuu.
4Ɓe kokki Yaakuuba tooruuji gonɗi e juuɗe maɓɓe ɗiin fuu, e kootonɗe gonɗe e noppi maɓɓe. Yaakuuba uwi ɗum fuu ley lekki mawki gomma na woni ɗakkol Sikem. 5Caggal ɗuum, ɓe eggi. Laamɗo du watti kulol e kuɓeeje piiliiɗe ɓe ɗeen fuu, ɗum waɗi fay gooto tannyaay ɓiɓɓe Yaakuuba ɓeen.
6Yaakuuba e yimɓe muuɗum fuu njottii Luus ɗum woni Baytila, ley leydi Kanaana. 7O nyiɓi toon sakkirde, o inndiri nokku oon Laamɗo Baytila#35:7 Maanaa Baytila e Ibraninkoore woni «suudu Laamɗo»., sabo ɗoon Laamɗo ɓangannoo mo nde o doggunoo mawniiko gorko ndeen.
8Deboora, bammbunooɗo Rebeka oon maayi. Ɓe mooɓi ɗum ɗakkol Baytila ley lekki mawki, de ɓe inndiri ki «lekki gonɗi».
9Nde Yaakuuba ƴuurunoo Padan-Aram ndeen, Laamɗo ɓangi e muuɗum katin, barkini ɗum. 10Laamɗo wi'i mo:
— Yaakuuba mbi'eteɗaa ammaa a noddirtaake Yaakuuba katin, wo Israa'iila inndirteɗaa.
Noon Laamɗo inndiri mo Israa'iila. 11Laamɗo wi'i mo:
— Miin woni Laamɗo Jom Baawɗe. Ndimaa, ɗuuɗaa. Ƴuwdi maa laatoto suudu mawndu. Lenyi keewɗi ƴuwan e maaɗa. Kaanankooɓe du njaltan e maaɗa. 12Leydi ndi kokkumi Ibrahiima e Isiyaaka ndiin, mi hokkete ndi. Caggal maa du, mi hokkan ndi ƴuwdi maaɗa.
13Laamɗo ɓantii dow de woɗɗii nokkuure to haaldi e makko toon. 14Yaakuuba darni hayre nokku ɗo ɓe kaaldi ɗoon. O joori nebbam dow mayre, o joori du sadaka njaram. 15Yaakuuba inndiri nokku to Laamɗo haaldi e muuɗum toon Baytila.
Rimeede Benjamin e maayde Rahiina
16Ɓe ndilli Baytila. Fadde maɓɓe yottaade Efrata, Rahiina rimi. De ndimu makko tiiɗi.
17Wakkati ŋatawere makko ndeen, dimtinoowo oon wi'i mo:
— Taa hulu sabo a heɓii ɓiɗɗo gorko katin.
18Nde o haɓdannoo e yonki ndeen, o inndiri ɓiɗɗo oon Ben-oni#35:18 Maanaa Ben-oni e Ibraninkoore woni «ɓii mettorgal am».. Ammaa baaba suka oon inndiri ɗum Benjamin#35:18 Maanaa Benjamin e Ibraninkoore woni «ɓii junngo am nyaamo».. 19Rahiina maayi, mooɓaa ɗakkol laawol Efrata, ɗum woni Baytilaama. 20Yaakuuba darni hayre dow saabeere makko. Ɗum laatii maande saabeere Rahiina faa hannden.
21Israa'iila yehi yeeso, darni hukum mum caggal Migdal-Eder.
22Wakkati Israa'iila jooɗinoo ley leydi ndiin ndeen, Ruben yehi fukkodowii e Bilha korɗo bammum nattaaɗo oon. Israa'iila nani kabaaru majjum.
Yaakuuba ina jogii ɓiɓɓe worɓe 12. 23Ɓiɓɓe Leya wo: Ruben e Simeyon e Lewi e Yahuuda e Isakar e Jabulon. Ruben woni afo Yaakuuba. 24Ɓiɓɓe Rahiina wo: Yuusufi e Benjamin. 25Ɓiɓɓe Bilha korɗo Rahiina oon wo: Dan e Naftali. 26Ɓiɓɓe Jilpa korɗo Leya wo: Gad e Aser. Ɓeen ngoni ɓiɓɓe Yaakuuba rimaaɓe Padan-Aram.
Maayde Isiyaaka
27Yaakuuba yottii Mamre to bammum Isiyaaka, faa Kiriyat-Arba, ɗum woni Heberon. Wo toon Ibrahiima e Isiyaaka koɗunoo. 28Duuɓi Isiyaaka fuu wo 180. 29O wuuri duuɓi keewɗi e nguurndam kiɓɓuɗam, gaɗa ɗuum o maayi, o hawritowii e maamiraaɓe makko. Ɓiɓɓe makko Isuwa e Yaakuuba mooɓi mo.
Obecnie wybrane:
Fuɗɗoode 35: FBF
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© SIM International 2012, 2022
