E’doza 3
3
Adamu pini e’yo Munguni gazu siri
1 #
Mat 10:16; Eceza 12:2, 9; 20:2 Isu de uri ovu lokiri be aga anyapa asea Yehova Munguni ’bale ’diyi ma azi dria ra. Eri nga ’yo oku ma tia, Mungu ’yo adaru kini, Emi ma nya pati amvu ma alia ’diyi ma azi ma efi ku ya? 2Oku nga ’yo uri ma tia kini, Ama eco pati amvu ma alia ’diyi ma efi nya ra; 3#E’do 2:16, 17te e’yo pati amvu ma alia agaduari ma efinisi, Mungu ’yo ndra ra kini, Emi ma nya eri ku, emi ma elo vini eri ma rua ku, emi kazu drazu ku.
4 #
2 Kor 11:3; 1 Tim 2:14 Uri nga ’yo oku ma tia kini, Emi ngani dra ku fo! 5A’disiku Mungu ni ra kini o’du emini ngazu eri nyazurisi, emi mileni nga yi zi ra, emi di nga ovu Mungule e’yo onyiruri pi nizu e’yo onzi be.
6 #
Rum 5:12-19
Oku ka ndre pati nde ovu onyiru nyazaru, azini ovu ndrizaru ayiko fezu ’ba milia, azini kini eri pati ’bani lele tu ’ba ’bazu onduaru beniri, eri nga efini ’du ra, nga nya ra; nga fe vini agupi erini dri, eri nga nya indi. 7Yi iri tro ma mile nga yi zi ra, yi ni yi ovu pililiru; yi nga ani elio bi eci tualu, nga yi ede yi dri bongoru.
8 #
Yob 31:33; 38:1; Zab 139:1-12; Yer 23:34; Amo 9:3 Yi nga Yehova Mungu ma o’duko eri erini aciria amvu ma alia etusini ambiria ’boria; agu nde pi nga yi ozi okuni be Yehova Mungusi pati amvua ’diyi ma eselia. 9#E’do 4:9Yehova Mungu nga agu nde omve, nga ’yo eri tia, Mi ngoa ya? 10#Yob 23:15; 1 Yoh 3:20 Eri nga ’yo ra, Ma eri o’duko mini amvu ma alia, te ma ovu urisi mani ovule pililirurisi; ma zi ma ani. 11Eri nga ’yo kini, A’di kini mini, mi pililirurini ya ? Mi nya pati efi mani e’yoni azile mi tia ’bo kini ma nya kuri’i ya? 12#O’be 28:13; Yak 1:13Agu nga ’yo ra kini, Oku mini fele ma ovu ma beri fe patiefi nde ma drini, ma nya ani. 13#2 Kor 11:3; 1 Tim 2:14Yehova Mungu nga ’yo oku tia, E’yo mini ’yele ’dini ’diri a’di e’yoni ya ? Oku nga ’yo ra, Uri ici mani, ma nya ani. 14#Isa 65:25; Mik 7:17Yehova Mungu nga ’yo uri ma tia,
Mini e’yo ’diri ’yele ’borisi,
mi ovu trizaru aga anyapa akua
’diyi dria ra,
aga vini anyapa asea ’diyi dria indi;
mi nga mi ose agatisi,
mi nga irifura mbe
idri mini ma o’du vusi dria.
15 #
Kal 21:6, 7; Rum 16:20; Ebra 2:14; 1 Yoh 3:8; Eceza 12:17 Ma nga anguonzi ’ba emi eselia
oku be,
ori mini pi ma eselia ori erini be;
eri nga mi dri gba ra,
mi nga eri ma paedu ga ra.
16 #
Yoh 16:21; 1 Tim 2:15 Eri ’yo oku ma tia,
Ma nga candi mini ere kakau,
anzi osiza mini ma alia;
mi nga di anzi osi candisi,
e’yo mini leleri nga ovu agupi
mini ma dria,
eri nga ovu mi drilia opiruni.
17 #
Yob 5:7; Ekl 2:23; Ebra 6:8 Te Adamu ma tia eri ’yo ’dini,
Mini oku mini ma ti erile ’borisi,
mini pati mani e’yoni azile mi
tia kini,
Mi ma nya efini kuri
ma efi nyale ’borisi,
nyaku ovu di trizaru e’yo minisi;
mi nga kazani nya ocokosi o’du
mini ovuzu idrirurisi dria;
18eri nga oci pi ka mi dri avaefi be;
mi nga afa idiza amvuari nya’i.
19 #
1 Kor 15:21, 22 Mi nga enya mini nya
ondi mi andretiarisi
de nga mi mvini nyakua ku,
yini mi ’dule eri ma aliarisi;
te mi irifurani,
mi nga mvi dika irifuraru.
20Agu nde nga i ma oku ma ru ’da Eva’i, erini ovule ’ba dria idri be ’diyi ma andrinirisi. 21Yehova Mungu ede Adamu pi dri oku be enyi bongoru, osu yi ani.
22 #
E’do 3:5; 2:9; Eceza 22:14 Yehova Mungu ’yo ra, Mi ndre, agu eca ovu ama ma azile ’bo, onyi pi ma e’yo nizu onzi be; te curu’do, kazu muzu dri ejuzu pati idriniri ’duzu indi, nyazu, ovuzu idriru ’dani ’dani beni ku— 23e’yo ’disi Yehova Mungu pe eri ma ti amvu Edeniarisi amve, nyaku ndra Munguni eri e’duzu aleniarisiri ’yazu. 24#E’do 2:8; Zab 104:4; Ebra 1:7; Yoh 14:6’Dini eri dro di agu nde ra; eri nga Kerubi piyi o’ba amvu Edeniari ma kala etuni efurialeruria, sei aciandre be i ojapi kala driasiri be, geri muzu pati idrini vuri ma ta mbazu.
Obecnie wybrane:
E’doza 3: LB66
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Bible in Lugbara © United Bible Societies, 1966.
