TOBITƐ 9
9
Anzɛ Rafaɛlɛ nɛa kɔ le Ragɛsi
1Tobi sa mɔ hã anzɛ Rafaɛlɛ, nɛ a tɔ̃ hã a na: 2“Nyae Azaria, mɔ kúlú ngɔ do Owi dɛa to nalɛ, do samo bɔa, kɔ nɛ nɛ 'da Gabaɛlɛ tɛ Ragɛsi i. Nɛ hɔ i mɔ, nɛ mɔ hã mbɛti kɛ Gabaɛlɛ ia zi kɔ̃ a ti nɛ do baa mi ni hã a, sɛ a a hã mbili hã mɔ de. Nɛ nɛ kpa a tɛ do a, hã a nyɔngɔ gbalimɔ dɔ ba ngba wi 'da lɛ do lɛ. 3-4Mɔ ĩ na, baa mi tɛ tɔlɔ kɔ̃ tũ si 'da mi. Kɔ fala kɛ mi e 'bɔ mbé tũ ngɔ nɛ, nɛ sila a ma ɔ sɛ ngɔ wena. Dɛ ngɔ nɛ, mɔ ĩ 'bɔ na, Raguɛlɛ kana tɛ̃ a na, mi ɔ mbe do lo sɛ, nɛ mi wè we bɛ̃ ma gɔ.”
5Nɛ Rafaɛlɛ kulu ngɔ do Owi dɛa to nalɛ, do osamo bɔa, nɛ wa nɛ Ragɛsi tɛ ngɔ nù Medi i. Wa hɔa i mɔ, nɛ wa ɔ 'da Gabaɛlɛ. Rafaɛlɛ hã mbɛti hã Gabaɛlɛ do'do, nɛ a mbese 'bɔ a na Tobi, be 'da Tobitɛ, a ba wuko, nɛ a tumba hã a na, a nɛ tɛ gbalimɔ dɔ ba ngba wi 'da lo. Gabaɛlɛ nɛa we zele ni, nɛ a la we tɔlɔ saki mbili ni. Nɛ kasɛnɔ wa tua zi nu nɛ ni, ma 'bana zi vɛ̃ dɛ olo nɛ. A tɔlɔ sakinɔ ni do'do, nɛ wa ɛnzɛ ma dɛ li 'do samonɔ. 6Fala 'bana dɛ i mɔ iko, nɛ wa kulu ngɔ, nɛ wa la we gbalimɛ. Wa nɛa we hɔ nu tɔa 'da Raguɛlɛ i, nɛ wa kpa Tobi ngɔ mɛsa nyɔngɔmɛ. Tobi nɛa we zɔ Gabaɛlɛ, nɛ a kulu ngɔ fala kpo, nɛ a fana a. Kɔ Gabaɛlɛ zɔa ni, nɛ a te ngɔ kɔ̃a, nɛ a wele nu a tɛ Tobi na: “Mɔ a dia wi ngboo, ɔ nɛ kɛ baa mɔ 'bɔ a dia wi, do wi bɔlɔ zu, do wi dɛ gbɛla ni. E kɔ NWA kɛ a li nza i ni, a wele nu a tɛ mɔ, fala nɛ kpo do kɛnɛ mɔ, do baa mɔ, do kɛfɛ mɔ wuko wele kɛ! Lɛ dɔ́nggɔ́ Gale, we kɛ mi zɔa Tobi sɔɛ gɛ, nɛ ma ɔ nɛ kɛ mi zɔa nya mi Tobitɛ ni.”
Obecnie wybrane:
TOBITƐ 9: NGB
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Ngbaka DC Bible (We Nu Gale) Version © Bible Society of the Democratic Republic of Congo, 1995.