Genesi 7
7
Ndrambi nya mati
1 Pfhumu Nungungulu a di embela Nowa, khuye: “Bela taroni uwe ni ngamo yago yatshavbo, kholu khuwe basi muthu nya lisine nya gululame nyi gu manidego vbakari nya vathu vatshavbo va matshiguni yaya. 2U na dzega livbandre na mivili mipatwa, matune ni ngadzi nya mafumbu yatshavbo nya sirengo nyamba loledziswa gu hodzwa; u dzega patwa moyo basi matune ni ngadzi nya sirengo nya mafumbu nyamba hodzwa. 3Sinyoni gambe, u na dzega livbandre na mivili mipatwa matune ni ngadzi, gasi mafumbu yatshavbo ma simame guvbanya mafuni. 4Ndrani nya livbandre na mavili matshigu nyi na gira ndzadzi yi guwa tigoni gipimo nya magumana matshigu, wutshigu ni mihani, nyi mbembisa kharato sivangwa satshavbo nyi si giridego mafuni momu.”
5Nowa a di gira satshavbo kha nga idzo a nga rumwago khidzo khu Pfhumu Nungungulu.
6Nowa a diri ni livbandre na limwedo mazana (600) myaga gikhati ndrambi yi langaladzidego litigo.
7 # Wona gambe: Mat 24:38-39; Luk 17:27. Khu guthava mati nya ndrambi, Nowa a di bela taroni uye ni sanana saye, ni mwangadzi waye ni vagadzamwane vaye.
8Sirengo nya guhodzwe ni esi nyamba hodzwa, sinyoni ni sirengwanana satshavbo nya gukhwirire khu lididi mafuni, 9si di bela taroni khu mipatwa nya matune ni ngadzi, si ya khala vbafuvbi ni Nowa kha nga edzi Pfhumu Nungungulu a nga rumago khidzo Nowa. 10Guvbelani nya livbandre na mavili matshigu, gu di phela guvbalaga mati nya ndrambi mafuni.
11Mwaga Nowa a nga tshanganisago livbandre na limwedo mazana (600) myaga nya guvelegwe gwaye, khu litshigu nya likhumi na livbandre na mavili (17) nya ngima nya wuvili, mati ya guetani nya mafu ma di kowoga khu tshivba khu musifefeni satshavbo, ni dzinyangwa nya mati ya vbatshani dzi di tulega.
12Gu diwa ndzadzi tigoni; ndzadzi yi di vbedza magumana (40) matshigu, wutshigu ni mihani.
13Khilo litshigu lolo Nowa a nga belago litaroni gumogo ni mwangadzi waye, sanana saye; Semi, Kami ni Jafeti ni vagadzamwane vaye va vararu, 14ni mafumbu yatshavbo nya sirengo sa khabini ni sifuyo sa ndrangani, ni sirengwanana, sinyoni satshavbo, ni satshavbo gukhedza khu mafumbu yaso. 15Mipatwa nya mafumbu yatshavbo nya sivangwa nya guvbanye si di hidzimela ga Nowa si ta bela naye taroni. 16Matune ni ngadzi nya lifumbu ni lifumbu si di bela taroni kha nga idzo Nungungulu a nga rumago khidzo Nowa. Khu guhegisa a di bela Nowa, Pfhumu Nungungulu a sega lidimba khu hwane gwaye.
17Talo nya ndrambi nya yikhongolo wu dzegide magumana matshigu mafuni. Gikhati mati ma nga gugumugago, litaro li di khugega vbatshani. 18Mati ma di engedzelana gugumuga, litaro li gu deluga vbatshani nya mati. 19Aholu mati ma di simama gukhuga vbatshani kala ma gu langaladza dzitshoka dza vbatshani nya sigomo nya sikhongolo nya gulaphe si nga bani si romo mafuni. 20Mati ma di midza sigomo nya gulaphe, ma khusega guvbindra likhumi na livbandre mikono vbatshani nya dzitshoka nya iso. 21Sivangwa satshavbo si vbanyago mafuni si difa. Gu fude sinyoni, sifuyo, sirengo sa khabini, sirengwanana satshavbo si tadego mafuni, ni vathu navo va difa. 22Mafuni gwatshavbo, givangwa gyatshavbo gi dagatago gi difa. 23Si di fuvisa kharati mafuni sivangwa satshavbo si nga bani siri ni hefemulo nya guvbanye mafuni; gukhugela vathu, sirengo nya gukhwirire khu lididi mafuni, kala sirengo nya sikhongolo ni sinyoni satshavbo sa damboni. Gu di tshala Nowa basi ni vale a nga belago navo taroni.
24Mati ma gugumugide kharati vbatshani kala gu dingana lizana ni livbandre magumi matshigu (150).
Obecnie wybrane:
Genesi 7: BGE2014
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
A Bíblia em Gitonga © Bible Society in Mozambique, 2014.
