Markus 4
4
1Nda minna a tiya kenno miye a bahar. Miye hananan a lekko hakan; nda perro vor kwombe ma a kwaka habiye.
2Nda kenneren sye ḳabagban ka leme takale. Avor kentso nda boyeren:
3“Tsam kwakengowno: Ma‐legasye a dimma ge legasye,
4getsingen avor legasye, a daso a fuko a no tuffe, ḅakariye a si a zemmo.
5A daso a fuko a no fara aha ta njiya do gban; gbel angen a maḍo gekelo njiya á kuboko.
6Naya fere a ḅurro, nda gbammo; tá kwirye do, nda nibboko.
7A daso a fuko vor hwalye. Hwalye a nduko a gboreren a ḍa dase.
8A daso a fuko a njiya pe pe, angen a vodo hulatso a nduko a go gban, nda ḍa dase, a daso bow mwaken, a daso bow tukweltaka, a daso haru.”
9Nda tsa: “Ma ka kwakei kan ma nda kello.”
10Naya nda ndsa hido, miye ndsa hakan gbap?-?po karen bow a mbidi gbei ta ḍiyen a no leme ano.
11Nda tsaren a chi: “Hu no miya vodowno, ma huna leyi leme gbotso homne da Pwa. Miyero ahabwange, miya verren kat ka leme takale:
12gekelo ta niya ka diyengeren, ḅé taná naha, ta kello ka kwakengeren, ḅé taná siḍo ka yedingeren, gekelo ḅé tá ndella a minna, miya ngurerengo leme a verren piyatso.”
13Nda minna a boyeren: “Huná leyi leme ana? Huna gaiya huna leye leme kat?
14Ma‐legasye adi lega alaleme.
15Miyenino a no tuffe, ha miya lega alaleme do no; naya ta kello, gbel Shaitan a si a porro alaleme, a miya lega a yedingeren.
16Che gban iye miya legaren aha faratso, ten no, fira ta kello leme, gbel ta luwtiro ka yedikunye;
17tá kwire karen, ta weye ndsa botso kyengkeng; getsingen fira tonotso a si kan, nagi miya ving?-?tiren gekelo leme, gbel ta pawo.
18Ten gban miya legaren avor hwalye, ten no di kel leme,
19betsi ano leme el sye vratsi ino ka vakatso vratso ka kwazemsye ḅa si, ta gbo alaleme, nda go ḅa.
20Miyenino gban miya legaren a njiya feme, ten no di kel leme, tan luwo, ta vodo pepetso, imi bow mwaken, imi bow tukweltaka, imi gban haru.”
21Nda tsaren a chi: “Miya fin ḍiye gekelo miya ḍikden apukko gbatso, nagi apukko gbagleke miya ḍikko? miyá weye ḍikko no ha gballatso?
22Gibo tá aso miya ḅoden, a miyá dimmaden, tá aso a ha gbotso, a miyá dimmaden ahabwange.
23Ma ka kwakei kan, ma nda kello.”
24Nda tsa a chi: “Niyam ka la hunadi kello; gba hunadi kensye kan, kan miya kennowno, miya ḍikownodo ḅo.
25Ma ka sei, tsi no miya ven. Má ḍim so, tsi no miya luwgen a hangen.”
26Nda tsa ḅo: “Homne da Pwa che nda go, botsi ḅwara a ka dasei a njiya.
27Nda bo a maḍo ka fire ka tukurtso; dasei a dsa a nduko; ndi gban ndá leye geche ndadi go.
28Njiya a vodo sofeme ge nangero; akwamu nga vodo kake, nda dimmado chifatso, chifatso a dimmado dasei.
29Fira sye a na kan, nda ngur tsakḅatso gekelo kwa ḍawsye ḅe kenno.”
30Nda tsa ḅo: “Ndo so ne botsi Homne da Pwa? Ka ndo leme huma wamden?
31Tsi ne botsi daso kyengkyeng ma miya lega avor njiya, nda perrigo nagindo daso avor njiya ka swadatso,
32A no getsingen na miya lega, nda maḍa a nduko a perrigo jibe kat ka ndukotso, nda ḍim zyemye ndukotso, ḅakariye a pwa a ndsa syema yengen.”
33Ka lemo takale hananan nda kenneren a kanna mbatso keltsodaren.
34Ndá boyeren leme sie ka lemo takale; avor ḅotso nda wuna miyedi‐kwoden zeregyeden.
35Avor fira ano, kade a kenno, nda tsaren a chi: “Ḍakamen ma wudo ḅayatso.
36Ta takka so ka fure, ta nguten karen che avor kwombe. I kwombye nedo ahakan.
37Hawei kabagban a maḍo; gamo habiye a leb kwombe, habiye a perro vor kwombe a na.
38Ndi ka nangen, tsindo a ngba kwombe di chini a no sobotso. Ta viḍiyen a tsan:” Malam té ḍikdo nanga ma kiḍum?
39Nda viḍiya a maḍo; nda huba ka hawei nda boyo habiye: “Kange ḍong.” Hawei a kisso; chibtso gbantso a ḍimtiren.
40Nda tsaren a chi: “Go mino huna hweyo? Á nda kenno huná ḍim vodialome?”
41Hweyi kalatso a gerren gban, ta boyo so di siren: “Wano ma, hawei ka habie a kellen leme?”
Obecnie wybrane:
Markus 4: BCYMRK
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
First published by the British and Foreign Bible Society in 1915.