1 Mose 2
2
1Ni agbe ṅwei ke̱ šikpoṅ ke̱ ame̱safo le̱ fẽ nā.
2Ni gbĩ ni dši gbĩ kpawo le̱ Nyoṅmo̱ gbe enitšumo̱ ni etšu le̱ nā, ni edšō̱ ehe ye̱ gbĩ ni dši gbĩ kpawo le̱ no̱ ke̱-dše̱ enitšumo̱ ni etšn le̱ fẽ mli. Joh. 5,17. Heb. 4,4. 10.
3Ni Nyoṅmo̱ dšō̱ gbĩ ni dši gbĩ kpawo le̱, ni efele̱ kroṅkroṅ, edšake̱ no mli edšō̱ ehe ye̱ ke̱-dše̱ eni-tšumo̱ fẽ ni Nyoṅmo̱ bo̱ ni efe le̱ mli. *2 Mose 20,8-11.
4Ene̱mei dši ṅwei ke̱ šikpoṅ šišidšē he sãdši, beni abo̱ame̱ le̱, ye̱ gbĩ no̱ ni Iehowa Nyoṅmo̱ fe šikpoṅ ke̱ ṅwei le̱.
5Ni ṅãno̱ tšo ko náko aba šikpoṅ le̱ no̱, ni ṅãno̱ dſe̱i ko náko akwẽ; edšake̱ Iehowa Nyoṅmo̱ hãko nu abane̱ ye̱ šikpoṅ le̱ no̱, ni gbomo ko be̱ ni hũo̱ šikpoṅ le̱.
6Ši afua teo̱ ši ke̱-dše̱o̱ šikpoṅ le̱ no̱, ni eſieo̱ šikpoṅ le̱ fẽ no̱ nu.
7Ni Iehowa Nyoṅmo̱ ke̱ šikpoṅ sũ šõ gbomo, ni emũ wala mumo̱ ewo egugõ mli, ni gbomo *tšṍ wala susuma. *1 Kor. 15,45.
8Ni Iehowa Nyoṅmo̱ fe trom ye̱ Eden ye̱ bokāgbe̱, ni eṅõ gbomo ní ešõ le̱ eto dše̱i.
9Ni Iehowa Nyoṅmo̱ hã tšei fẽ ni kē̱ akwe̱ ní aaba mo tšine ni ame̱hĩ hã yeli hũ kwẽ ke̱-dše̱ šikpoṅ sũ le̱ṅ, ke̱ *wala tšo le̱ ye̱ trom le̱ teṅ ke̱ ekpakpa ke̱ efõṅ lẽ tšo le̱. *3,22. 24. Kpods. 2,7; 22,2.
10Ni fã ko dše̱ Eden ní eſie trom le̱ no̱ nu, ni dše̱i egbla emli ke̱-dše̱ ni etšṍ nidši edſe̱.
11Kleṅkleṅnõ le̱ gbe̱i dši Pišon, noni bo̱leo̱ Havila šikpoṅ mū le̱ fẽ, heni šika yo̱ le̱.
12Ni nakai šikpoṅ le̱ no̱ šika le̱ hĩ; ni bedola ke̱ šohamte̱ ye̱ dše̱i.
13Ni fā ni dši enyo̱ le̱ gbe̱i dši Gihon, noni bo̱leo̱ Kuš šikpoṅ le̱ fẽ le̱.
14Ni fā ni dši etẽ le̱ gbe̱i dši Hidekel, noni hoo̱ ye̱ Ašur bokãgbe̱ le̱; ni fā ni dši edſe̱ le̱ dši Eufrate.
15Ni Iehowa Nyoṅmo̱ ṅõ gbomo le̱ ni eke̱le̱ bato Eden trom le̱ mli, koni ehũ mli ni ebu he.
16Ni Iehowa Nyoṅmo̱ wo gbomo le̱ kitã ekē̱: Trom le̱ mli tšei le̱ fẽ no̱ yibii le̱ ye bo̱ni osumoo̱;
17ši ekpakpa ke̱ efõṅ lẽ tšo le̱ yibii le̱ kãye eko; edšake̱ gbĩ no̱ ni ooye eko le̱, *gbo oogbo! *Rom. 6,12. 1 Kor. 15,21.
18Ni Iehowa Nyoṅmo̱ kē̱: Ehĩĩ ake̱ gbomo le̱ kome hĩo̱ ši; mafe hefatalo̱ ko ní sale̱ mahãle̱. Abe̱i 31,10-31.
19Ni Iehowa Nyoṅmo̱ ṅõ šikpoṅ sũ ešõ ṅãno̱ koloi ke̱ ṅwei lofṍdši fẽ, ni eke̱ame̱ ba gbomo le̱ ṅõ, koni ekwe̱ bo̱ni eetšé̱ame̱ ehã, ni bo̱fẽbo̱ ní gbomo le̱ tšé̱ kolo-fẽ-kolo ni hĩe kã le̱, no noṅṅ dši egbe̱i.
20Ni Adam wo šĩa koloi fẽ ke̱ ṅwei lofõdši ke̱ ṅãno̱ koloi fẽ gbe̱ii; ši Adam le̱, enaa hefatalo̱ ko ní sale̱.
21Ni Iehowa Nyoṅmo̱ hã wo̱ ni tšī nyõ Adam no̱, ni ewo̱; ni edšie eṅmãwui le̱ eko, ni eṅõ lō etšĩmo̱ nãdšiaṅ.
22Ni Iehowa Nyoṅmo̱ *ṅõ ṅmãwu ni edšie ye̱ Adam mli le̱ efe yō, ni eke̱le̱ ba Adam ṅõ. *1 Kor. 11,7-9. 12. 1 Tim. 2,13.
23Ni Adam kē̱: Agbe̱ne̱ ene̱ dši wu ni dše̱ miwui le̱ amli ke̱ lō ní dše̱ mihelo le̱ mli; aatšé̱ mone̱ yō, edšake̱ nū mli adšiele̱ ke̱-dše̱.
24Nohewo̱ le̱ nū aašĩ etše̱ ke̱ enye, ni eekpe̱te̱ eṅã he, ni ame̱atšṍ heló kome. Mat 19,5. 6. Ef. 6,28-31.
25Ni ame̱yi enyo̱ le̱ fẽ ame̱nyie ya-yai, nū le̱ ke̱ eṅã le̱, ni ame̱hĩe gboo he.
Obecnie wybrane:
1 Mose 2: GBV96
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
The Bible in Ga © Bible Society of Ghana, 1896, 1992.
