Yoane 1
1
1Pol sugkū tawi potnin nemap iyi Nam, miyi Nam ūndū Nōbū miyi Nam, Nōbū. 2Ra nobūm Iyi ūndū Nōbū. Yemumpi tiainesū ugi Iyi; 3yetūumpi sĭsesĭ ugi sī, yemumpi tiamesū omwisū ugi Iyi. 4Nomūrep isen Iyi; ĭm Nomūrep mori nilara ra oveteme; 5miyi Nilara umeselī ra nelebokevat im nelebokevat umamgīugii.
6Sī neteme, nin eni Yōane, Nōbū yemtamūli, yivelum, worumpūvsok, meinumpūvsok ugi iyi Nilara, 7ma omwisū wontavnirigi ugi nam eni. 8Iyi mori tawi Nilara, kō, worumpūvsok ugi Iyi Nilara. 9Iyi Nilara itnesog yivelum ra nemap mumneliugesora ōvetemesū. 10Iyi yepmete ra nemap im yemumpi nemap ugi Iyi, ĭm Nemap dūtūkili Iyi. 11Iyi yivelum ran tiamesū eni, ĭm netevokontū eni dūtūvi Iyi. 12Kō Iyi yemovunora mori dūmūvĭ Iyi horog woreti ōvun netnime eni Nōbū, mori Umuntavnirigi nin eni, 13irora mori dūmumprokomol, tawi ugi ōvun fan lō, tawi ugi nakiugi nataman kū nasiven, tawi ugi neteme, Kō ugi Nōbū. 14Miyi Nam yemeti fan memetendōwi dal kam memovuarugi togesoveli mĭtnesog, ĭm kam lelavenūri nilasilaswi eni, nilasilaswi eni Iyi Netni siteven eni Itemen. 15Yōane yemumpūvsok ugi Iyi memtorenūwi memokū, Iyi imo mori yaū mepmenūwi pugkūm ugi memokū, Iyi mori omnūri yaū ra nūsian irag, ĭt Iyi yepmōbum irag. 16Im kam omwisū lororovī marugi nūvūarugi eni, ĭm togesoveli, ĭm togesoveli mōmū. 17Mōses yemovunora ōvun nempasewugi sū; kō togesoveli mĭtnesog dūmūti ugi Iesū Krĭstō. 18Tawi sī yemokesi Nōbū, iyi Netni sīteven mori umante ra mumpon nemendogon eni Itemen iyi wokon yempīatumpene.
19Numpūvsok eni Yōane imo, pol sugkū oveteme Isrēel dūmūtamūlora oveteme sakrefis mōveteme Livī marugi Yerūsalem pugi mūmūtagkeli mūmokū, kĭk e mē? 20Iyi yemenūatumpene metūnūaveni, yemenūat umpeni memokū, yaū tawi Krĭstō. 21Mirora dūmūtagkeli mūmōkū, Im mē? Kĭk Elīya, kū? Miyi yemenūwi memokū, Tawi. Kĭk profet mori, kū? Miyi yōmemenūwi memokū, Tawi. 22Mirora dūōmūtagkeli mūmōkū, Kĭk e me? ma ka kelanūwi punora mori ūtamūlokam. Tie kĭk emanūwi memagkū ugi kĭk? 23Iyi yemenūwi memokū, Yaū navian eni sī umentorenū wisah ra nūrū wokon, memagkū, Wumpi nugko selat eni Novsūromon, sugkū Isēya profet yepmenūwi. 24Mōvun tandeko mori ōvun Faresi. Mirora dūmūtagkeli mūmōkū, 25Irantie kĭk emnumbaptiso nagkū kĭk tawi Krĭstō, ĭm tawi Elīya, ĭm tawi Profet mori? 26Yōane yemtamsi memenūwi punora memokū, Ya umnumbaptiso ugi nū, kō, 27umantūrū ileboteven kimi iyi mori kimi kūtūmagkili, Iyi imo mori omenūri yaū, ra nūsian irag, yaū tawi aremī woresuli neles ra woravan eni. 28Imosū dūmūtepū ra Betani nugkon-nūmpe Yordan ra nūrū Yōane yemumbaptiso.
29Ratmran Yōane yemokesi Iesū yivelum pugi, memenūwi memokū, Okesi Iyi, Lam eni Nōbū, mori umumpipelah nworepatevi marugi Nemap. 30Iyi imo mori yaū mepmenūwi memokū ugi, Sī neteme omenūri yaū ra nūsian irag, ĭt Iyi yepmōbum irag. 31Im yaū sugkū metūsepen nokili Iyi, kō, ma sugkū ampĭatumpeni Iyi unimĭnda lō Isrēel yaū empelum mumbaptiso ugi nū. 32Im Yōane yemumpūvsok, memokū, Yau mokesi Iyi Naviat iyep marugi pokōp, sugku umpon, memetendowi iran.
33Im yaū metūsepen nokili Iyi; kō, Iyi mori yemtamūli yaū worum baptiso ugi nū, Iyi mori yemenūwi po yaū memokū, Neteme mori kĭk agesi Naviat iyep manten-dōwi iran, Iyi mori, Iyi umumbaptiso ugi Naviat Tumpora. 34Im yaū mokesi, memumpūvsok ugi, memokū, Iyi mori Netni eni Nōbū.
35Im sugkū weme, Yōane yemetūrū, ĭm dūrū ōvun nūrie eni, 36miyi yemokesi iran Iesū yemavan, memenūwi memokū, Okesi Iyi, Lam eni Nōbū; 37Mōvun nūrie endūrū mori dūmūrĭgi nam eni mumamplesi iran Iesū. 38Im Iesū yemelagkaū memokesora dūmamplesi iran, memtagkelora memokū, Sie kumnesorugi? Mirora dūmūtagkeli Iyi mūmōkū, Rabi (fan nam, Tavsogi) ia kemantēa? 39Miyi yemenūwi punora memok ū, Uvelum mokesi Mirora dūmūve mumokesi nūrū Iyi yemetewi, mūmūtewi dal Iyi ran dan mori; poaraparap. 40Anderū, avensi eni Sīmon Piter, iyi sī ra iroran dūrū mori dūmūrigi nam eni Yōane memamplesi iran. 41Mampūm iyi yemokesi Sīmon, avensi eni, memenūwi pugi memokū, Ka kūokesi iyi Mesia, mori Krĭstō, memtori iyi pugi Iesū. 42Im Iesū yemokesi iran memenūwi memokū, Kĭk Sīmon, netni eni Yōna; onatovnin enugkĭk, magkū Kefas, fan nam, Nevat.
43Ran dan penuri yemokū Iyi ampe afeli ra Kalĭli; miyi yemokesi Fĭlĭp memenūwi pugi memokū, Uri yaū. 44Fĭlĭp neteme Betsīda, sĭti eni Anderū ĭm Piter. 45Fĭlĭp yemokesi Natanael memenūwi pugi memokū, Ka kelokesi Iyi mori Mōses mōvun Profet dūmūtīyi mūmōkū ugi ra mumpun Ovun Netiyi tumpora. Iesū netni eni Yosef, neteme Nasaret. 46Natanael yemtagkeli memokū, Sīsesī aremī umamne ra Nasaret, kū? Fĭlĭp yemenūwi pugi memokū, Elum mokesi. 47Iesū yemokesi Natanael yivelum pugi memenūwi memokū, Okesi iyi, sī neteme Isrēel itnesog, tawi, nempiri eni. 48Natanael yemtagkeli memokū, kĭk emagkili yaū ugi mē? Iesū yemtamsi memenūwi pugi memokū, Pol sugkū Fĭlĭp otūvrug kĭk nempugon kĭk ra mumpon nē fik ya okesok. 49Natanael yemenūwi pugi memokū, Rabi kĭk netni eni Nōbū; kĭk natemonok ra nusian enirora oveteme Isrēel. 50Iesū yemenūwi pugi memokū, Popōwo ya onūwi punok mokū, Ya okesok ra mumpon nē fik kĭk ementavnirĭgi. Kĭk agesi ōvun numpūrah mōmū horog ra imosū 51Miyi yōmenūwi pugi, memokū, Itnesog, itnesog, ya umanūwi pugkūm memagkū, Kimi kwagesi pokūp ontĭpelah, mōvun agelō eni Nōbū wandūuevesah mōmandūnyep iran Netni eni Neteme.
Obecnie wybrane:
Yoane 1: ERGNT79
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Erromangan New Testament © British and Foreign Bible Society, 1909,1979.
