Israelfɔ Ɩlʋ 12
12
Nana Bulu Asʋn Igyi Ɔnɔkwalɩ
Dawid kanfʋ-ɩlʋ ha ɩlʋ osunapʋ. Bɔ́pʋ ɔsankuo ɔmɛ ikwesɩ da mʋ́.
1Nana Bulu, hɔ anɩ,
tsufɛ aha ánɩ́ bʋtama dalɩ Bulu ɔma bata!
Ɔnɔkwalɩpʋ ɔkʋkʋ tra ɔma ɔyɩtɔ.
2Ɔhagyiɔha dɛ afunu wa suna mʋ ba.
Bʋbʋ ɔnɔwankɩ.
Amʋ́ wʋlɛwʋlɛ bogyoli nfɩ, batsula nana.
3Nana Bulu, ka anɔwankɩpʋ
pʋ́ ɩwɩatsupʋ itin.
4Amʋ́tɛblɩ bɛɛ, “Anɩ ɔdandʋ bɛ́lɛ anɩ.
Anɩbʋ ɔnɔ, ma ɔbɔ́dʋn anɩ?”
5Nana Bulu ɔbɛɛ, “Bʋdɛ owuntɔlɩn wa ahianfɔsʋ,
aha ánɩ́ bʋma tɔtɔ bʋdesu.
Mʋ́ sʋ nɔ́kʋsʋ ngya!
Négyi ɩban wa nkpa adunkapʋ.”
6Nana Bulu asʋn igyi ɔnɔkwalɩ.
Igyi fɛ sika fututuá baŋlaɩn mʋ́,
dɩnkɩ ipi lɛ mʋ́ ansɩtɔ tse sienɔ.
7Oo Nana Bulu, gyo anɩ ɩwɩ,
afʋlɛ anɩ tsu ndɛmba-abi anfɩ ɩbɩtɔ brɛ fɛ́ɛ́.
8Aha bʋbuo lalahɛ.
Mʋ́ sʋ lalahɛ abwɛpʋ bʋdɛtsʋntsʋn.
Obecnie wybrane:
Israelfɔ Ɩlʋ 12: nko
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
© 2017, Wycliffe Bible Translators, Inc. in cooperation with Ghana Institute of Linguistics, Literacy and Bible Translation