KENESE 13
13
Ko Mavae Apelamo mo Lota
1I te tiakinaga ne Apelamo a te fenua o Aikupito, ne malaga atu a ia ki matu o fano ki te feitu ki saute o Kanana, fakatasi mo tena avaga, mo Lota mo ana kope katoa. 2A Apelamo se tagata maumea i mamoe, i kouti, i pulumakau, ke oko foki eiloa ki aulo mo siliva. 3Ne tiakina ne ia te koga tena, malaga atu ei a ia mai sua koga ki te sua koga o fano ki Peteli. Ne oko atu a ia ki te koga tela ne manava ei a ia i te va o Peteli mo Ai, 4te koga tela ne faite ei ne ia a te fata-fai-taulaga. I kona ne tapuaki atu ei a ia ki te Aliki.
5A Lota e isi foki ne ana mamoe, kouti mo pulumakau. E isi foki sena kaiga mo ana tavini. 6Tela la, ko se ofi ei laua i te laukele tela e nofo ei laua, me ko to uke la manu. 7Tela, tupu ei mo te fakakinauga i tino tausi manu a Apelamo mo tino tausi manu a Lota. I te taimi la tena, a tino Kanana mo tino Pelise koi nofo eiloa i te fenua tena.
8Tena ne fai atu ei a Apelamo ki a Lota penei, “A taua e kaiga, e se tau mo 'tou tino o faka'kinau. 9Tela la, taua ka mavae. Fili nei se koga koga i te fenua tenei e fano koe ki ei. Kafai e fano koe ki te sua koga, ka ko au ki te sua koga.”
10 #
Kene 2.10
Ne kilo ake mata o Lota, matea ne ia i te kogā laukele katoa i te Vanu o Iolitana, ke oko eiloa ki Soala, e uke te vai i ei, pela eiloa mo te Fatoaga o te Aliki#13.10: Te Fatoaga o te Aliki: Se fakamatalaaga ki te Fatoaga o Etena. io me ko te fenua o Aikupito. I te taimi nei, a Sotoma mo Komolo e seki fakamasei ne te Aliki. 11Tela, fili ei ne Lota te kogā laukele katoa i te Vanu o Iolitana mo ona nofo, tena malaga atu ei a ia ki te saegala. E pena te ma'vaega o te tokolua kona. 12Ne nofo eiloa Apelamo i te fenua o Kanana, ka ko Lota e nofo i fa'kai i te vanu kae 'tu ana faleie pili ki Sotoma. 13A tino Sotoma e amio ma'sei kae agasala ki te Aliki.
Ko Malaga atu a Apelamo ki Hepelona
14I te galoatuga o Lota, ne faipati atu te Aliki ki a Apelamo penei, “Mai te koga tena e tu ei koe, kilokilo faka'lei ki ou feitu katoa. 15#Galu 7.5Ka tuku atu ne au ki a koe mo tino i tou gafa a te laukele tena e lavea ne koe, kae ka fai mo ou tofi ki te se gata mai. 16Ka fakatokouke ne au tou gafa ko te mea ke se maua o lau, e pela eiloa mo te pefu o te lalolagi e se maua o lau! 17Fano nei o kilokilo fakalei ki te kogā laukele katoa tena me ka avatu katoa ne au ki a koe.” 18Tena ne malaga atu ei a Apelamo o fakatu ana faleie i tafa o te lakau taua o Mamele i Hepelona. I kona ne faite ei ne ia se fata-fai-taulaga ki te Aliki.
Obecnie wybrane:
KENESE 13: Tusi Tapu
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Tuvalu Revised Bible © Bible Society in the South Pacific
