GENESIS 12
12
Abramta Dios qayasqamanta
1Chaymantam Abramta Tayta Dios nirqa:
—Llaqtaykimanta, aylluykimanta hinaspa taytaykipa familianmanta lloqsiy qawachinay allpaman.
2Hatun naciontam qanmanta rurasaq.
Bendecispaymi sutikitapas
sinchi reqsisqata rurasaq.
Qamraykutaqmi wakin runakunatapas bendecisaq.
3Bendecisaqmi bendecisuqnikikunata.
Ñakasaqmi ñakasuqnikikunata.
Qamraykum bendecisaq
kay pachapi llapallan familiakunata.
4Chaymi Tayta Diospa nisqanman hina Abram lloqsirqa, Lotpas paywanmi rirqa. Abranmi qanchis chunka pichqan watayoq karqa Haran llaqtamanta lloqsispan. 5Abranmi warmin Saraita pusarqa, pusarqataqmi wawqenpa churin Lott sutiyoq runatapas chaynataq Haran llaqtapi rantisqan runakunatapas. Aparqataqmi tukuy ima armakusqankunatapas hinaspam Canaan lawman rispa chayman chayarqaku. 6Abranmi pasarurqa chay allpanta Siquem llaqtapi yupaychana lugarkama otaq Morey lawpi encina sachapa kasqankama. Chay lawpim Canaan runakuna *f**yachachkarqaku. 7Hinaptinmi Abranman Tayta Dios rikuriykuspan nirqa:
—Miraynikimanmi kay allpata qosaq —nispa.
Hinaptinmi rikuriqnin Tayta Diosta adorananpaq chaypi altarta rurarqa. 8Hinaspam chaymanta pasakurqa Betelpa waklawnin intipa qespimunan law orqoman, karpantam chaypi sayachirqa. Betel llaqtam karqa intipa seqaykunan lawninpi, Hai llaqtañataqmi karqa intipa qespimunan lawninpi. Chaypim Tayta Diospaq altarta ruraspan payta mañakurqa. 9Abranmi chay sitiomanta pasarqa kaypi-chaypi samastin Neguev lawkama.
Egipto nacionman Abram yaykusqanmanta
10Chaylawkunapi muchuy karusqanraykum Abram rirqa Egipto nacionman chaypi *f**yachananpaq. Canaan allpapimá llumpayllaña muchuy karqa. 11Egipto nacionman chayaykuchkaspankuñam nirqa warmin Saraita:
—Qamqa kanki buenamoza warmim. 12Chaynaqa Egipto runakunachá qawaykususpayki: “kayqa warminmi” nispanku wañurachiwanqa, qamtañataqchá kawsachisunki qanwan quedakunankupaq. 13Chaynaqa ninkim paniy kasqaykita chaynapi qamrayku allin kanaypaq hinaspa qamraykutaq kawsanaypaq —nispa.
14Chaymi Egipto nacionman Abram yaykuptin, Egipto runakuna qawarqa Saraiqa buenamoza warmi kasqanta, 15Faraonpa ministronkunapas qawaykuspam alabarqa hinaspam Faraonpa palacionman Saraita pusaykurqaku.
16Allintam atienderqaku Abramta Sarairayku. Abrampamá kapurqa ovejankuna, vacankuna, asnonkuna, qaripas, warmipas sirvientenkuna hinaspa *f**camellonkuna. 17Tayta Diosñataqmi Faraonta wasinpi kaqkunatawan onqorachirqa sinchi hatun onqoykunawan Abrampa warmin Sarairayku. 18Chaymi Abramta Faraon qayaspan nirqa:
—¿Imatataq kaytaqa ruraruwanki? Sarai warmiki kasqantaqa ¿imanasqataq manaqa willawarqankichu? 19¿Imanasqataq “Paniymi” nirqanki? Yaqallam casarakururqanipas. Kayqaya warmiki, kunanqa pusakuspayá ripukuy —nispa.
20Chaymi Faraon kamachirqa runankunata chaynapi Abramta hinaspa warminta tukuy kapuqnintinta pusaspa aviamunankupaq.
Obecnie wybrane:
GENESIS 12: QUEAYA87
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
