Luka 18

Pơnyơu bơh cau ùr bơnrau mơ kwang cahrña

1Yàng Jesu yal cau bơtê in dô jơnau pơnyơu, nàng bơto bol khai pal hòi dan sùm, bañ tŭ lơi gơplơ̆ nùs. 2Kơnràñ đơs lah: “Tòm dô nơm ƀòn dờng ne, gơs dô nă cau kwang cahrña ò duh rngòt di Yàng Tom Trồ, kung ò sền dờng màng di cau lơi sơl. 3Kung tòm ƀòn dờng hơ̆, gơs dô nă cau ùr bơnrau òs tus đơs mơ cau kwang cahrña hơ̆ lah: ‘Dan cahrña song ring añ in nàng tòmdră mơ cau sò tơm di añ.’ 4Cau kwang hơ̆ ò bài cahrña tòm dô pah tơngai. Mơya tơnơ̆ hơ̆ khai đơs is lah: ‘Bulah añ la cau ò duh rngòt di Yàng Tom Trồ, kung ò ki ngàm di cau sơl, 5mơya bơh cau ùr bơnrau do ntềt pơrjal di añ, añ rơp cahrña song ring khai in, rngòt khai lòt tus sùm mơ lơh tơmbòl añ mòn.’” 6Yàng Jesu đơs tai lah: “Iat tĕ jơnau cau kwang cahrña ò song ring hơ̆ đơs. 7Behơ̆, Yàng Tom Trồ ò di ò cahrña song ring ală cau geh sac rwah Kơnràñ in, la ală cau ngai mơ mang hòi dan mơ Kơnràñ, mơ òbat ho mơ bol khai ơ? 8Añ đơs mơ bol mê, Kơnràñ rơp mhar cahrña song ring bol khai in. Bulah behơ̆, tòm tŭ Kòn Mơnus tus, rơp jòi bàn bơta dòn hơđang ù sơl ơ?”

Pơnyơu bơh cau Pharisi mơ cau dar dia

9Kơnràñ đơs tai jơnau pơnyơu do mơ ală cau sơnđan is să he la song ring mơ sền òsơp di cau ndai. 10“Gơs bàr nă cau guh hơ hìu duh khoai nàng hòi dan, dô nă cau Pharisi mơ dô nă cau dar dia. 11Cau Pharisi ntào hòi dan òm#18:11 Gơs sră cih mơ tê cih lah: hòi dan bơh să tòm he. be do: ‘Khoai Yàng Tom Trồ, añ ưnngài Kơnràñ bơh añ ò di be cau ndai, sa kwà, ò song ring, rềs àr bơrnàn, kung ò di be cau dar dia ne. 12Añ ơt sa bàr dơ̆ tòm dô poh, añ ơn dô pơnah jơt bơh jơh ală phan añ dòp geh.’ 13Ai cau dar dia ơm ngài ngài, ò khin tơnggòr mat hơđang trồ, tur ntơh#18:13 Cil: tưr dàng gơtoh. he mơ đơs lah: ‘Khoai Yàng Tom Trồ, dan nđàc sơngit di añ la cau glài.’ 14#Mat 23:12; Luk 14:11.Añ đơs mơ bol mê, cau dar dia rê hơ hìu he geh kòp la song ring, ò di cau Pharisi ò; bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Yàng Jesu ai lơngai ală kơnòm dềt in

(Mathiơ 19:13-15; Mak 10:13-16)

15Cau kung cèng ală kơnòm dềt tus hơ Kơnràñ nàng Kơnràñ ƀư di bol khai. Ală cau bơtê gŏ, gen lah pơrhơng ală cau cèng hơ̆. 16Mơya Yàng Jesu hòi ală cau bơtê mơ đơs lah: “Lòi tĕ ală kơnòm dềt lòt tus hơ Añ, bañ kơryan bol khai; bơh lơgar Yàng Tom Trồ gơrê mơ ală cau be bol khai. 17Kah tĕ jơnau Añ đơs mơ bol mê do, cau lơi ò dòp lơgar Yàng Tom Trồ be dô nă kơnòm dềt, gen ò geh mut tòm hơ̆ ò.”

Cau kwang pas sơm

(Mathiơ 19:16-30; Mak 10:17-31)

18Gơs dô nă cau kwang ne lùp Yàng Jesu lah: “Ơ Cau Bơto lơbơn niam, ñchi bơta añ pal lơh nàng geh bơta kis gam sùm sùm taih?” 19Yàng Jesu đơs lah: “Ñchi bơh tài mê sơnđan Añ la lơbơn niam taih? Ò gơs cau lơi lơbơn niam, mìng Yàng Tom Trồ la Bơtau lơbơn niam lơm. 20#Lik 20:12-16; Yalw 5:16-20.Mê git ală bơta sồr lam: ‘Bañ tìs glài rềs àr bơrnàn, bañ tơnchơt cau, bañ ntung kơñau, bañ lơh cơng blac, dòn duh tĕ mè bèp mê.’” 21Khai ho lah: “Ală bơta hơ̆ añ neh prap gàr bơh tŭ gam kơnòm.” 22Yàng Jesu kơno bơta hơ̆ gen đơs mơ khai lah: “Mê gam siơ̆u dô bơta: Tac tĕ jơh ală phan mơna mê dê mơ tòmpà cau rƀah lơòi in, gen mê rơp geh phan màng hơđang trồ; lồc behơ̆ tus tĕ jat Añ.” 23Mơya dơ̆ khai kơno jơnau hơ̆ gen moat jrùng ngan, bơh khai pas sơm ngan. 24Yàng Jesu gŏ khai behơ̆ gen đơs lah: “Cau pas sơm mut tòm lơgar Yàng Tom Trồ la kalke ngan! 25Bơh làkđa mut tòm trồm jrum#18:25 Hơ̆ la dô nơm mpồng dềt tòm dơrñang theng Jerusalem. la ƀuơn rlau mơ cau pas sơm mut tòm lơgar Yàng Tom Trồ.” 26Ală cau kơno jơnau hơ̆ đơs lah: “Behơ̆ gen ñcau rgơi geh dong klàs taih?” 27Kơnràñ đơs lah: “Bơta lơi kòn mơnus ò rgơi lơh, gen Yàng Tom Trồ rgơi lơh lơm.”

28Chòp Pier đơs lah: “Do, bol hi neh sang jơh ală bơta mơ jat Kơnràñ.” 29Kơnràñ đơs lah: “Di ngan Añ đơs mơ bol mê, ò gơs cau lơi bơh lơgar Yàng Tom Trồ mơ sang hìu đam, bau ùr, oh mi, mè bèp, kòn sau, 30mơ ò dòp leng oă dơ̆ rlau tòm rài do, bal mơ bơta kis gam sùm sùm tòm rài tơnơ̆ tai.”

Yàng Jesu yal lài dơ̆ pe bơh bơta chơt mơ kis wơl Kơnràñ dê

31Chòp Yàng Jesu lam is jơt bàr nă cau bơtê mơ đơs mơ bol khai lah: “Do, bol he guh hơ Jerusalem, ală bơta mơ ală cau gơnoar hwơr neh cih bơh Kòn Mơnus pal gơlik gơs di ngan. 32Bơh Khai rơp gơkòl bơtào tòm tê cau làng bol Bơdìh, kong dơñŏ tơnhial, bơtat bơtròh#18:32 Cil: bơtat tơmbe. mơ choh druh; 33tơnơ̆ hơ̆, cau pù lơh mơ tơnchơt Khai; tus di ngai dơ̆ pe, Khai rơp kis wơl.” 34Mơya ală cau bơtê ò wă jơnau lơi; bơh jơnau hơ̆ gơkòl pồn ndơp bol khai in, gen tàng bol khai ò git wă ală jơnau Yàng Jesu kòñ đơs.

Yàng Jesu sơmbòi cau jơngo tòm Jerikô

(Mathiơ 20:29-34; Mak 10:46-52)

35Tòm tŭ Yàng Jesu tus rềp hơ Jerikô, gơs dô nă cau jơngo nggui kanadàn di gah gùng. 36Khai kơno mpồl làng bol lòt gan, gen lùp: “Ñchi bơta hơ̆ taih?” 37Bol khai yal khai in git lah Yàng Jesu Cau Nasaret lòt gan. 38Chòp khai hòi driau lah: “Ơ Jesu, Kòn Dabit, dan nđàc sơngit di añ.” 39Ală cau lòt lài lah pơrhơng khai, sồr ơm mŏ mŏ, mơya khai sơlo driau dờng rlau lah: “Ơ Kòn Dabit, dan nđàc sơngit di añ.” 40Yàng Jesu dơh wơl, sồr cau lam khai tus. Dơ̆ khai tus rềp, gen Kơnràñ lùp khai lah: 41“Ñchi mê kòñ Añ lơh mê in taih?” Khai ho lah: “Ơ Yàng, añ kòñ geh gŏ.” 42Yàng Jesu đơs mơ khai lah: “Gŏ tĕ, bơta dòn mê neh sơmbòi mê.” 43Khai gŏ mo mơ lòt jat Kơnràñ mơ jòng ro Yàng Tom Trồ. Jơh làng bol gŏ behơ̆ gen jòng ro Yàng Tom Trồ.

Obecnie wybrane:

Luka 18: KPM2018

Podkreślenie

Udostępnij

Kopiuj