ADECHHÜ 5
5
Adam Shicübvüghathu
(1 Kc 1.1-4)
1 #
Ade 1.27,28. Hana Adam shicübvüghathu nyan kezhü. (Anyiza na anyi sahang kechi wi manyi pi ma tsi ti sachi. 2#Mat 19.4; Mrk 10.6. Ma npvüza nu nza sahang chi nu sawegü pi manyi miwi chi, nu manyi pi “Anyi Kahang” isa ci.) 3Adam na amapi 130 wi atsa kesü ma ti kesa muya nu ma nyan pi Seth ci. 4Tsaseng wi Adam na amapi 800 hang. Ma atsanga kepa wi la ben, 5nu ma kahang mapi 930 wi shüa.
6Seth na amapi 105 wi atsa kesü Enosh muya, 7nu tsaseng wi amapi 807 hang. Ma atsanga kepa wi la ben, 8nu ma kahang mapi 912 wi shüa.
9Enosh na amapi 90 wi atsa kesü Kenan muya, 10nu tsaseng wi amapi 815 hang. Ma atsanga kepa wi la ben, 11nu ma kahang mapi 905 wi shüa.
12Kenan na amapi 70 wi atsa kesü Mahalalel muya, 13nu tsaseng wi amapi 840 hang. Ma atsanga kepa wi la ben, 14ma kahang amapi 910 wi shüa.
15Mahalalel na amapi 65 wi atsa kesü Jared muya, 16nu tsaseng wi amapi 830 hang. Ma atsanga kepa wi la ben, 17ma kahang mapi 895 wi shüa.
18Jared na amapi 162 wi atsa kesü Enok muya, 19ma tsaseng wi amapi 800 hang. Ma atsanga kepa wi la ben, 20ma kahang mapi 962 wi shüa.
21Enok na amapi 65 wi atsa kesü Methusela muya, 22tsaseng wi Enok na amapi 300 Anyiza gweghe hang nu ma tsanga kepa wi la ben. 23Ma amapi 365 hang. 24#Ibr 11.5; Jud 14. Ma kahang wi Anyiza ssinu gweghe, nu ma nmula, kepaghenanye Anyiza na ma ssi bvüa.
25Methusela na amapi 187 wi atsa kesü Lamek muya, 26ma tsaseng wi amapi 782 hang. Ma atsanga kepa wi la ben, 27nu ma kahang mapi 969 wi shüa.
28Lamek na amapi 182 wi atsa kesü muya, 29nu khi, “Apvüwa na kishen-keshi pi kechi yyi ha wina ithu kekuli gükeccü kesa wi atsa hana kecca sengho ithu cüden.” Tsalina ma nyan pi Noah ciya. 30Lamek na tsaseng wi amapi 595 hang. Ma atsanga kepa wi la ben, 31nu ma kahang mapi 777 wi shüa.
32Noah na amapi 500 kesa seng wi atsa kecheng muya, mathu nyan na Shem, Ham, nu Jafeth.
Obecnie wybrane:
ADECHHÜ 5: RENGNBSI
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
