KIIMWEBI JAQSHAM BOMPHAHO
BOMPHAHO
Kiimwebi Jaqsham Lakdap arka Lukaq Raq Awaiq Tsütsa Ahea lakdap jaqtho. Riita ara lakdap na akhek atsi dada maq chong tlaq bomtsi arka, apha shaqshaq na Jesuq jaiphan wanti setiim raq, Asii Wenyi raq shun shea raüta, Jesuq rilung nai apaiq raq jaqsham wantaq Tsütsa Ahea kra, “Jerusalem na, Judia wang lotli na, kiimaq Samaria wang na, kiimaq mangjong tlotli na,” (1.8) tiinyamli chongkuq wantaq, kra jaqsham manphan chongtlo. Arka, mangjong maiqse Phung na jamkho shang wantaq kra manphan. Apha niika, Jehudinok phan maiq wa Phung na shangpha wanto. Raüta, kra jai maq, mangjong maiqse pong mungti thun kriishe, Phung na shang wanto. Kiimaq ara lakdap waiqti we tsan na, atsi bomtsi chongtlaq arka, Phungmaiqse ka Roman Hokham jaqsham siiq wanti ka riimak nguta chonglo. Shatmaq, ara Phungmaiqse kamasham lamphan arka, Jehudinok raq Shiikeawe lamphan wantaq, kra tiiku ri wan riito nguta chongtlo.
Kiimwebi Jaqsham lakdap arka, mantsam na tiikho maitlo. Arka, mangjong tlotli na, Jesuq Tsütsa Ahea kra trahokuq wantaq, kiimaq krai mren, maiq pahea raq Phung na shang wantaq kra chongtlo. Ara maiq Phung na shang wan tiiwa manphan chongtlaq arka, akha mantsam na süwan raüta, tiikho chong kuq tlo: (1) Jesuq ka amaa wa dongwan jai she, Jerusalem na Phungmaiqse ka jamkho parai wantaq kra manphan ka raüshi. (2) Kiimahali, Pelestain wang hamli na Phungmaiqse ka jamkho parai wantaq, raüta Pelestain wang na nyamrai wantaq kra manphan ka raüshi. (3) Kiimahali Mediterenian khamjong tro maiqmung thun na, Phungmaiqse ka jamkho parai wantaq, raüta kra mungthun nyamrai wantaq, raüta Rom Chela na saüli nyam wantaq kra manphan ka raüshi.
Ara Kiimwebi Jaqsham lakdap na chongtlaq akhek bomtsi arka, Asii Wenyi ka Raroqbiingi Poi ranaiq na, Jerusalem na Phungmaiqsetiim khum na satki taq kra riito. Raüta, tsangshiq ma ningkun ajong kuq wantaq kra chongtlo. Raüta, Asii Wenyi ningkun maq, Phungmaiqse shunshea wantibi nai phungtu thun ka ningkun ajong maq siwanto nguta, ara lakdap na chong tlo. Ara man na apha wanji na, Phungmaiqse raq traho bomchong kuq wantaq kriika ningkun ajong maq chongkuq wanto nguta, ara lakdap na waiq tlo. Kra ningkun ka Phungmaiqse rintii chap nai nga wan tlaq kiijaq chhi wan tiikai.
BOMKHUPO THUN
Hakhike miitu tiije wan 1.1-26
a. Jesuq raq akuq atiisup aming nai kiqkham bomtsi 1.1-14
b. Judas Iskariot laiti maiq tsea wanto 1.15-26
Jerusalem na hakhi kuq wanto 2.1—8.3
Judia nai Samaria wang na hakhi kuq wanto 8.4—12.25
Paul raq trahokuq wantaq kra jaqsham manphan 13.1—28.31
a. Apha shaqshaq traho wanhiq khum jaqsham 13.1—14.28
b. Jerusalem na ngongthun 15.1-35
c. Thongnai ngoja traho wanhiq khum jaqsham 15.36—18.22
d. Thongtsam ngoja traho wanhiq khum jaqsham 18.23—21.16
e. Paul ka phaqtek na Jerusalem, Sisiria, kiimaq Rom maq shaqto. 21.17—28.31
Obecnie wybrane:
KIIMWEBI JAQSHAM BOMPHAHO: TANGSBSI
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Tangsa Naga Bible - ASII LAKDAP
Copyright © 2015 by The Bible Society of India
Used by permission. All rights reserved worldwide.