GÉNESIS 10
10
Noé aptovana niptamin
(1 Cr 1.5-23)
1Noé apquitquic nic nat apvisay: Sem najan apyalhing Cam najan apyalhing Jafet. Apquilvitac nic nat apquitquic najan aptovana natamin yingmin acvanyam.
2Jafet apquitquic nic nat apvisay Gomer najan Magog najan Madai najan Javán najan Tubal najan Mesec najan Tiras. 3Gomer apquitquic nic nat apvisay Askenaz najan Rifat najan Togarma. 4Javán apquitquic nic nat apvisay Elisa najan Tarsis najan apquilvisay quiteos najan rodaneos. 5Eycaso ilhnic nat aptovana niptamin Jafet. Apquileyvomaclha ilhnic nat nicja yingmin. Moclhama po'ptemaclha enlhitaoc, moclhama apmolhama, moclhama apcaoclha, moclhama apquilpayvam.
6Cam apquitquic nic nat apvisay Cus najan Misraim najan Fut najan Canaán. 7Cus apquitquic nic nat apvisay Seba najan Havila najan Sabta najan Raama najan Sabteca. Raama apquitquic nic nat apvisay Seba najan Dedán. 8Cus apquitca ilhnic nat apvisay Nimrod. Apmamyi anco ilhnic nat aptimem apyimtalhnamo Nimrod. 9Apmopvan emompavomoc nic nat Nimrod napato Dios. Intomjac nic nat mataa aplhenacpo: “Apnoc Nimrod apmopvan emompavomoc napato Dios”— nic nat intomjac amyaa aplhenacpo. 10Apmamyi anco ilhnic nat apquillanay tingma apvanyam naysicsa aptimem apvisqui. Lhama apvisay tingma Babel najan Erec najan Acad najan Calne, yoclhilhma acvisay Sinar. 11Eycaso ilhnic nat apcaoclha enlhit apvisay Asur. Apmiyaclhec nic nat yoyam elanac tingma apvanyam. Lhama ilhnic nat apvisay tingma Nínive najan Rohobot-Ir najan Cala, 12najan tingma apvanyam apvisay Resén. Apquilanac nic nat tingma Resén nalhit amay ayinyema Nínive acyascama tingma Cala.
13Mizraim aptovana ilhnic nat apquilvisay ludeos najan anameos najan lehabitas najan naftuhitas, 14najan patruseos najan casluhitas najan caftoritas apquilinyemayaclha ilhnic nat filisteos.
15Canaán apquitca ilhnic nat apvisay Sidón (apvaneycam apmamyi) najan apyalhing apvisay Het. 16Poc aptovana apquilvisay jebuseos najan amorreos najan gergeseos, 17najan heveos najan araceos najan sineos, 18najan arvadeos najan zemareos najan hamateos. Apquilhpanec nic nat aplhamoclhojo apquilmolhama cananeos. 19Yoclhilhma apquileyvomaclha cananeos acvaycmo ilhnic nat yoclhilhma acvisay Gerar. Yicpintama tingma apvanyam Sidón acvaycmo tingma Gaza. Najan moc nicja tap nic nat tingma apvanyam Sodoma acvaycmo tingma Gomorra, acvaycmo tingma Adma, acvaycmo tingma Zeboim, acvaycmo tingma Lasa. 20Eycaso ilhnic nat Cam aptovana niptamin. Moclhama po'ptemaclha enlhitaoc, moclhama apmolhama, moclhama apcaoclha, moclhama apquilpayvam.
21Jafet apipma ilhnic nat Sem. Apvitac nic nat apquitquic Sem. Aplhamoclhojo Heber apquitquic apquiltomja ilhnic nat Sem aptovana niptamin. 22Sem apquitquic nic nat apvisay Elam najan Asur najan Arfaxad najan Lud najan Aram. 23Aram apquitquic nic nat apvisay Uz najan Hul najan Geter najan Mas. 24Arfaxad apquitca ilhnic nat Sala. Sala apquitca ilhnic nat Heber. 25Apcanit apquitquic nic nat Heber: lhama ilhnic nat apvisay Peleg. Ayinyemaclha apquilhpanec nic nat enlhitaoc naysicsa aptiyascam Peleg. Najan Peleg apyalhing nic nat apvisay Joctán. 26Joctán apquitquic nic nat apvisay Almodad najan Selef najan Hazar-mavet najan Jera, 27najan Adoram najan Uzal najan Dicla 28najan Obal najan Abimael najan Seba 29najan Ofir najan Havila najan Jobab. Eycaso ilhnic nat Joctán apquitquic. 30Apquileyvomaclha ilhnic nat yoclhilhma Mesa acvaycmo yoclhilhma Sefar. Moc acvisay nic nat yoclhilhma acma inquilh'a actiyapmaclha acnim. 31Eycaso ilhnic nat Sem aptovana niptamin, moclhama apcaoclha, moclhama apquilpayvam.
32Eycaso ilhnic nat Noé apmolhama najan aptovana niptamin, moclhama po'ptemaclha enlhitaoc, moclhama apcaoclha. Apquilhpanec nic nat natamin yingmin acvanyam lhalhma anco. Moclhama po'ptemaclha enlhitaoc nic nat.
Obecnie wybrane:
GÉNESIS 10: ENHL
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
