Sioné 17
17
Ko e Lotu ‘a Sīsū
1PEA kuo fai ‘e Sīsū ‘a e ngaahi lea ko ia, pea ne tāngaki hake ki he langi, ‘o ne folofola ‘o pehē, ‘ala Tamai, kuo hokosia ‘a e taimi; ke ke fakalāngilangi‘i ho ‘Alo, koe‘uhi ke fakalāngilangi‘i ‘e he ‘Alo ‘a e ‘Afiona: 2hangē ā na‘a ke tuku kiate ia ‘a e pule ki he kakano kotoa pē, koe‘uhi ko e me‘a kātoa ne ke foaki kiate ia, ke ne foaki kiate kinautolu ‘a e mo‘ui ta‘engata. 3Pea ko eni ia ‘a e mo‘ui ta‘engata, ke nau fai ke ‘ilo koe ko e ‘Otua mo‘onia pē taha, pea mo Sīsū ne ke fekau mai ko e Mīsaia. 4Kuo u fakalāngilangi‘i koe ‘i māmani; he kuo u faka‘osi ‘a e ngāue na‘a ke tuku kiate au ke u fai. 5Pea ko eni, ‘alā Tamai, ke ke fakalāngilangi‘i au ‘e koe, he fakataha mo e ‘Afiona, ‘aki ‘a e lāngilangi na‘a ku ma‘u ‘i he te‘eki ke tu‘u ‘a māmani ‘i he‘eku feangai mo koe.
6Kuo u fakamahino ho huafa ki he kakai na‘a ke foaki kiate au mei māmani: na‘e ‘o‘ou ‘a kinautolu, pea ne ke foaki ‘a kinautolu kiate au: pea kuo nau tauhi ho‘o folofola. 7Kuo nau ‘ilo ‘eni ‘oku meiate koe ‘a e ngaahi me‘a kotoa pē na‘a ke foaki mai. 8He ko e ngaahi lea na‘a ke tuku mai kiate au, kuo u tuku kiate kinautolu; pea kuo nau tali ia, pea kuo nau ‘ilo mo‘oni na‘a ku ha‘u mei he ‘Afiona, pea kuo nau tui na‘e fekau mai au ‘e he ‘Afiona.
9‘Oku ou fakakolekole ‘e au koe‘uhi ko kinautolu; ‘oku ‘ikai ko ‘eku fai koe‘uhi ko māmani, ka koe‘uhi pē ko kinautolu ne ke foaki mai; he ‘oku ‘o‘ou ‘a kinautolu: 10(‘Io, ko ‘eku ngaahi me‘a kotoa pē ‘oku ‘a‘au, pea ko ho‘o ngaahi me‘a ‘oku ‘a‘aku) pea kuo fakalāngilangi‘i au ‘iate kinautolu. 11Pea ‘oku ‘ikai te u kei ‘i māmani, ka ‘oku ‘i māmani ‘a e tu‘unga me‘a ni, pea ko ‘eku ‘alu ‘aku ki he ‘Afiona. ‘E Tamai Toputapu, ke ke tauhi ‘a kinautolu ni ‘i ho huafa, ‘a e huafa ne ke tuku kiate au,#17.11 ke ke tauhi… kiate au: ‘Oku pehē ‘i hono ngaahi hiki fuoloa ‘e ni‘ihi: Tauhi ‘i ho huafá ‘a kinautolu na‘á ke foaki mai kiate aú. koe‘uhi ke nau taha, ‘o hangē ko kitaua. 12Lolotonga ‘eku ‘iate kinautolu na‘a ku tauhi kinautolu ‘e au ‘i ho huafa, ‘a e huafa kuo ke tuku mai: ‘io, na‘a ku le‘ohi kinautolu, pea kuo ‘ikai mole hanau taha, ngata pē ‘i he hako ‘o mala, koe‘uhiā pē ke fakamo‘oni ki he Tohitapu.#Saame 41.9; Sioné 13.18 13Pea ko ‘eku ‘alu atu ‘eni kiate koe; pea ‘oku ou lea pehē ‘i māmani, koe‘uhi ke nau ma‘u ‘eku fiefia ‘iate kinautolu kuo kakato. 14Ko au kuo u tuku kiate kinautolu ho‘o folofola; pea ko māmani na‘a ne fehi‘a kiate kinautolu, koe‘uhi ‘oku ‘ikai te nau ‘o māmani, ‘o hangē ko au, ‘oku ‘ikai te u ‘o māmani. 15‘Oku ‘ikai te u pehē, ke ke to‘o kinautolu mei māmani, ka ke ke ta‘ofi kinautolu mei he Fili. 16‘Oku ‘ikai te nau ‘o māmani, hangē ko au, ‘oku ‘ikai te u ‘o māman 17Fakatapu‘i kinautolu ‘i he mo‘oni: ko e folofola ‘a‘au ko e mo‘oni ia. 18Hangē na‘a ke fekau au ki māmani, ko au foki na‘a ku fekau kinautolu ki māmani. 19Pea koe‘uhi ko kinautolu, ko ia ‘oku ou fakatāpui au ‘e au, koe‘uhi ke hoko ‘a kinautolu foki ko e koto fakatapu mo‘oni.
20Ka ‘oku ‘ikai ko kinautolu ni pē ‘oku kau ki ai ‘eku kole, ka ‘oku kau foki kiate kinautolu ‘e tui pīkitai kiate au ko e me‘a ‘i he‘enau malanga. 21Ko ‘eku kole ke nau taha pē ‘a kinautolu kotoa pē; hangē ā ‘oku ke ‘iate au, ‘alā Tamai, mo au ‘iate koe, ke pehē foki ‘enau ‘iate kitaua: koe‘uhiā ke tui ‘e māmani na‘e fekau mai au ‘e ho‘o ‘Afio. 22Pea ko e lāngilangi kuo ke tuku mai kiate au, kuo u tuku ia kiate kinautolu, ke nau taha ‘o hangē ‘oku ta taha: 23ko au ‘iate kinautolu, mo koe ‘iate au, koe‘uhi ke fakahaohaoa ‘a kinautolu ka nau taha; koe‘uhiā ke faifai pea ‘ilo ‘e māmani na‘e fekau mai au ‘e ho‘o ‘Afio, pea kuo ke ‘ofa kiate kinautolu, ‘o hangē ko ho‘o ‘ofa kiate au.
24‘Alā Tamai, ko e me‘a kuo ke foaki mai, ko hoku loto ki ai, ko e potu ‘oku ou ‘i ai au, ke nau ‘i ai ‘a kinautolu foki mo au; ke nau siofia ‘a e lāngilangi ‘o‘oku, ‘a ia kuo ke foaki mai: he na‘a ke ‘ofa kiate au ‘i he te‘eki ke tanu pou ‘a māmani. 25‘E Tamai Mā‘oni‘oni, ko māmani foki na‘e ‘ikai lava‘i ‘a e ‘ilo‘i ‘o ho‘o ‘Afio; ka ko au na‘a ku lava‘i ho ‘ilo‘i, pea ko e tu‘unga me‘a ni kuo nau lava ke ‘ilo ne fekau mai au ‘e ho‘o ‘afio. 26Pea kuo u faka‘ilo kiate kinautolu ho huafa, ‘io, pea te u faka‘ilo pē: koe‘uhi ke ‘iate kinautolu ‘a e ‘ofa kuo ke ‘ofa ‘aki kiate au, pea ke u ‘iate kinautolu foki mo au.
Obecnie wybrane:
Sioné 17: TMB
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Tongan Moulton Bible © Bible Society of the South Pacific, 2011.
