Sione Ko e Talateu
Ko e Talateu
ʻOku fakamatalaʻi ʻa Si̇̄sū ʻi he Kōsipeli ʻa Sioné ko Folofola ia ʻa e ʻOtuá, ʻa ia naʻe feohi mo e ʻOtuá, ʻa ʻia naʻá ne hoko ko e tangata: ‟ʻo ne fokotuʻu hono tāpanekalé ʻi hotau lotolotongá” (1:14). Ko Folofolá, ko e huafa ia ʻo Si̇̄sū ʻi heʻene kei ʻi ʻItāniti̇́, pea mo e ngaahi kuonga ʻo e Fuakava Motuʻá. He ko e Kosipeli̇́ ni, ʻoku ne he fakahā mahino ʻa hotau ʻOtuá, ko e Toko Tolu Tahaʻi ʻOtua. Ko e Tamai̇́ naʻa ne fekau mai ʻa e ʻAló, pea ko e ʻAló naʻe pekia maʻatautolu he Kolosi̇́, pea te ne kole ki he Tamai̇́, ke fekaumai ʻa e Laumālie Māʻoniʻoni̇́, ko e tokoniofi ia ʻo hono kakai̇́. Ko e Toko Tolu kehekehe kae taʻemāvahevahe, he ko e Toko Tolu Tahaʻi ʻOtua. Ko e ʻuhinga ia ʻoku tau maʻu moʻui taʻengata ai ʻia Si̇̄suú, he ʻoku tau tui pi̇̄kitai ʻiate ia, ki he moʻui ʻa e ʻOtua, ʻo ne fakaʻinasi ai kitautolu. Hangē pē ko e lau ʻa e Kosipeli̇́ ni. ‟Kuo tohi ʻeni̇́, koeʻuhi̇̄ ke mou tui ko e Kalaisi̇́ ʻa Sīsū, ko e ʻAlo ia ʻo e ʻOtuá: pea ke mou maʻu ʻi hoʻomou tui̇́ ʻa e moʻui̇, ʻi hono huafá” (20:31).
ʻI he Talateu ʻo Sione (vahe 1:1-18) ʻoku fakamahino ai, ko Sīsuú, ko e Folofola taʻengata ia ʻa e ʻOtuá, pea ʻoku fakamatala ki ai ki he konga ʻuluaki ʻo e Kōsipeli̇́ (vahe 1-12). He ʻoku fakamatalaʻi ai ʻa e ngaahi mana ʻoku fakamoʻoni kia Sīsū, ko e Fakamoʻui̇́ ia, ko e ʻAlo ʻo e ʻOtuá. ʻOku hokoatu ʻa e ngaahi fakamatalá, ʻi he konga ko ʻeni ʻo e Kosipeli̇́ ni, ki he tui ʻa e niʻihi kia Sīsū, ʻo nau hoko ai ko ʻene kau ako, kae taʻetui ʻa e niʻihi ʻo nau fakafepaki kiate ia. Ko e vahe 13-17, ko e fakamatala fakaikiiki ia ki he feohi vāofi fakaʻosi ʻa Si̇̄sū mo ʻene kau akó, ʻi he pō naʻe lavakiʻi ai iá, pea mo e ngaahi lea naʻá ne fai ke fakalotolahiʻiʻaki kinautolu, ʻi he efiafi ʻo hono kalusefai̇́. Ko e ngaahi vahe ki mui ʻo Sioné, (vahe 18-21) ko e fakamatala ia ki hono puke ʻo Sīsū, ʻi hono lavakiʻi̇́, mo hono fakamāauʻi ia, mo kalusefai, pea mo ʻene toetuʻu mei he pekiá, mo ʻene ngaahi hāhā holo ki heʻene kau akó, ʻi he hili ʻene toetuʻú.
Ko e talanoa ki he fefine naʻe maʻu atu ʻene feʻauaki̇́ (vahe 8:1-11) ʻoku haʻi ia ʻo ʻikai fakakau ki he tafe ʻa e talanoa ʻa e Kosipeli̇́ ni, koeʻuhi̇̄ he ʻoku lahi ʻa e ngaahi hikitatau mo e ngaahi liliu motuʻa ʻo e Kōsipeli̇́ ni, ʻoku ʻikai ke ʻasi ia ai. ʻOku faʻa fakahū foki ia ʻi he ngaahi vahe mo e veesi kehekehe ʻi he ngaahi tatau motuʻa ʻe niʻihi ʻo e Kosipeli̇́ ni.
ʻOku fakamamafaʻi ʻi he Kōsipeli ʻa Sioné ʻa e moʻui taʻengatá, kuo meʻaʻofaʻaki mai ʻe he ʻOtua ʻia Kalaisi. Ko e meʻaʻofa ia ʻoku kamata ke ʻinasi ai he lolotongá ni, ʻakinautolu ko honau halá, mo e moʻoni̇́, pea mo e moʻui̇́, ʻa Kalaisi. Ko e tahaʻi fakakaukau ʻoku ʻilonga ai ʻa e Kōsipeli ʻa Sioné, ko hono ngāueʻaki ʻa e ngaahi meʻa maheni fakaʻaho ʻo e moʻui̇́, ke fakaʻilongaʻiʻaki ʻa e ngaahi moʻoni fakalaumālié, ʻo hangē ko e vai, mā, maama, mo e tauhisipi mo ʻene fanga sipi̇́ pea mo e ngouevaine mo hono fuá.
Ko e Kakano ʻo e Tohi Talateu 1:1-18
Ko e Sione Papitaiso mo e fuofua kau ako ʻa Si̇̄suú 1:19-51
Ko e ngāue ʻa Si̇̄sū ki he kakai̇́ 2:1—12:50
Ko e ngaahi ʻaho fakaʻosi ʻo e moʻui mo e ngāue ʻa Si̇̄sū ʻi,
Selusalema mo e ngaahi feituʻu ofi ki ai 13:1—19:42
Ko e toetuʻu ʻa e ʻEiki̇́ mo ʻene ngaahi hāhā holó 20:1-31
Ko e aofangatuku: Ko e toe hā ʻa e ʻEikí ʻi Kālelí 21:1-25
Obecnie wybrane:
Sione Ko e Talateu: TCNT
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Tongan Contemporary New Testament © Bible Society of the South Pacific, 2011.