KAHBHAO 12
12
Abram kü Nyükpü
1Shaang Shembüpai Abram kü, “Nüngei kahmük, nüngei shem am, hatü ampalei shem tuhtü ngei nüng kü huphahen kahdokei daituh” shei e.
2“Ngei-i nüngü jat longpü hük leihühen,
hatü ngei nüng kü moihimanhen.
Ngei nüngei men longpü leihühen,
hatü nüngü moihimanpü leihen.
3Nüng kü moihimanpüthü kü ngei moihimanhen;
üami nüng kü thaüvaü
ngeiyao jom kü thaüvaühen, hatü kahdoknyü hangkuli peü nüng homei moihiman danghen.”
4Hanangkü Shembüpai eshuohpükei Abram layaongei dai, hatü Lot-ao büpa mü dai. Haran leipü Abram layaongei daishingkü büpa bong 75 nyu. 5Büpai chenyüha Sarai, chenaüei cheha Lot, büpai thaihahpü mop kemei hatü aathü peü yahhahtü Kanan kahdokei layaongei daiyei ngoiteke. 6Abrami kahmük homei daiyei Shekhemei daülangpü shing Moreh leipü daülangpü longkham pünyüchong ngoi. Hahepak kü Kanan am hapa kahdokei nyudaitü nyuteke. 7Shembüpa Abram touei vamei, “Nüngei lihila kü hapa kahdok shuohhen” shei e. Hanangkü büpa touei vamjapü Shembüpa kü hatouei moidü hük ling. 8Hapheikü büpa shao daiyei Bethel kü heongphi lemei ashakshem ve; Bethel heshü philei hatü Ai heong philei nyuteke. Hatouei büpai Shembüpa kü moidü hük lingtü Shembüpa kü khümteke. 9Hapheikü Abrami layaongei nedoh-i Negeb lemei dai.
Abram hi Sarai Nyi Ijiplei Nyupü
10Shaang hapa kahdokei münghishaü vam, hanangkü Abram hi Sarai nyi-i münghishaü nangkü kansho hük shingvaishi Ijiplei nyunüng yiü. 11Büpai Ijip ngoihen hepak kü chenyüha Sarai kü, “Nüngü nela ahshi-üng meipü nyüha shei ngei nyingei nyüpeih, 12hatü mechem Ijip ami nüng eehen, jomi hayü büpalei chenyüha khih shei eteihen. Hahepak kü ngei jütüktü nüng mon yemmü tuhhen. 13Hanangkü ngei kü meishi jungeilanghen hatü nüng homei ngeiyao nemahdai-i nyuhen nangkü nüngü ngelei naüpeü hih shei etuh” shei e.
14Mechem Abram Ijip ngoipa, Ijip ami hapa nyühayü longi nela meiangke shei vei, 15hatü mechem Pharaohlei lakchongbüthüi pinnyü eepa, jomi pinnyü meipü jung Pharaoh kü ejateke, hatü pinnyü ongshemei müei dei. 16Pinnyülei men kü büpai Abram kü longi meishi jung hatü Abrami mi, mohoh, gadu chebi chebaong, nyüha hatü baha aathü hatü ut longi dangteke.
17Shejao Shembüpai Abramei chenyüha Sarai tata kü Pharaoh hatü jom shem kü longi shanghah shuoh. 18Hanangkü Pharaoh-i Abram kü nyükei, “Nüngi ngei kü mehe lingphopa?” shei e. 19“Nüngi mehekei pinnyü-ü ngelei naüpeü hih shei epa? Hanangkü pinnyü-ü ngelei nyüha vaihen yahpeih. Hey, anyüha müei leidaituh!” shei e. 20Hahepak kü Pharaoh-i büpalei shennyakthü kü Abram hi büpalei aathü nangkü ngeükhüam shuohtü chenyüha hatü büpa mü nyupü lemphü koei leitük.
Obecnie wybrane:
KAHBHAO 12: PHOMBSI
Podkreślenie
Udostępnij
Kopiuj
Chcesz, aby twoje zakreślenia były zapisywane na wszystkich twoich urządzeniach? Zarejestruj się lub zaloguj
Phom Naga Bible - DAÜLANGPÜ LAIHING
Copyright © 2005 by The Bible Society of India
Used by permission. All rights reserved worldwide.
