Popularne wersety biblijne z Ifyakutaŋga 6

Udostępnij

Popele ŵaYawe ŵaliumfwile insoni, pakuti ŵalileŋgele aŵantu pacalo capansi, nafyo fyaliwaleŋgele insoni mumutima waŵo.

Popele ŵaYawe ŵalibwene ati ukuŵifya kwaŵantu kukulu pacalo, nakaŵili ati ifyakwalakanya fyonse ifyakulaŋguluka ukwamumitima yaŵo fyeŋke'fiŵipile insiku syonse.

Sombi Noa walipokele uluse pamenso aŵa Yawe.

Ifitentekwa fyakwe Noa nififi: Noa wali muntu uluŋgeme, uwaminine pacitentekwa cakwe. Noa ewaendele pamo naŵaLesa.

Popele ŵaYawe ati: Ŋkonala aŵantu, aŵo naleŋgele, ukuŵafumya pamenso acalo; neŵantu, nenama, nefikalaŵa pansi, nefyuni ifyamwiulu, pakuti ndi nensoni, pakuti nalifileŋgele.

Popele lomba, ili ŵataticile aŵantu ukufula pacalo capansi, neŵana aŵanakasi nekufyalwa kuli ŵo, eli ŵabwene aŵana ŵaŵaLesa aŵalalume ati aŵana ŵaŵantunsi aŵanakasi ŵaweme; popele ŵaliŵopile ŵonse aŵo ŵasalulwile. Popele apo ŵaYawe ŵalilaŵile ati: Umupasi wanji tesi ukalwililile neŵantunsi, pakuti naŵo ŵamunefu: naŋgawe' fyo insiku syaŵo sikakumana imyaka umwanda umo nemakumi aŵili. ŴaNefili ŵali pacalo capansi insiku isyo, napantanjile napo, ili ŵainjile aŵana ŵaŵaLesa aŵalalume muŵana ŵaŵantunsi aŵanakasi, naŵo nekuŵafyalila aŵana: aŵo ŵopele ŵali ŵantu ŵamakosa aŵakale, aŵantu aŵampupo isikulu.

Fyopele'fyo efi acitile Noa; koti nifyefyo fyonse ifi ŵamufundile ŵaLesa, koti nifyopele'fyo efi acitile.

Popele ŵaLesa ŵalilaŵile kuli Noa ati: Ukupela-ko kwaŵaminefu ŵonse kwamficila pamenso; pakuti icalo cilikumene uwuŋgwa pakuti pali ŵo; popele ŵona, ŋkawonawila kumo necalo

Ukaliiŵacile ubwato bwamugofeli; ifipinda ukafiiŵake mubwato; kaŵili ukasiŋge ifinanana mukati napesonde.

Popele ŵaLesa ŵalibwene icalo, lomba caliŵipile; pakuti aŵaminefu ŵonse ŵaliŵifisye insila syaŵo pacalo capansi.

Popele pafintu fyonse ifilaŵi ifyaminefu yonse, fiŵili ifyamikoka yonse ukenjisye mubwato, mukufilame' filaŵi pamo naweŵo; fikalukuli nefyalalume nefyanakasi.