Popularne wersety biblijne z Jon 6

Udostępnij

So Jisas hemi talem long olketa olsem, “Mi nao mi disfala kaikai wea hemi givim tru laef. Eniwan hu hemi kam long mi, bae hemi no hanggre moa. An eniwan hu i biliv long mi, bae hemi no nidim moa enisamting fo dringim.

Holi Spirit nomoa hemi givim laef, bat man seleva hemi no save duim diswan. An toktok blong mi, hem nao hemi mekem yufala garem Holi Spirit hu hemi givim laef.

Yufala mas no wakahad fo diskaen kaikai wea hemi save nogud kuiktaem nomoa, bat yufala mas wakahad fo diskaen kaikai wea hemi save givim yufala tru laef wea hemi no save finis. Mi San Blong Man, bae mi givim diskaen kaikai long yufala, bikos God Dadi blong yumi hemi somaot finis dat hemi laekem mi.”

Dadi blong mi nao hemi laekem evriwan wea olketa luksave long San blong hem an wea olketa biliv long hem, fo olketa garem tru laef wea hemi no save finis. An mi ya, bae mi mekem olketa fo laefbaek moa long Lasde.”

Jisas hemi ansarem olketa moa, “Wanem God hemi laekem hemi olsem. Yufala mas biliv long mi wea God hemi sendem mi kam.”

Evriwan wea Dadi blong mi hemi givim kam long mi, bae olketa kam falom mi. An eniwan hu hemi kam long mi, mi bae nating raosim hem gobaek moa.

Saemon Pita hemi ansarem hem olsem, “Masta, mifala no garem eni nara man moa fo falom ya. Toktok blong yu nomoa hemi save mekem man fo garem tru laef wea hemi no save finis.

Mi ya, mi nao disfala kaikai wea hemi kamdaon long heven an givim tru laef. Eniwan hu hemi kaikaim, bae hemi gohed fo laef olowe. Disfala kaikai nao hemi bodi blong mi ya, wea bae mi givim go long olketa pipol long disfala wol, mekem evriwan i save laef.”

No eniwan i save kam long mi sapos Dadi ya hu hemi sendem mi kam, hemi no lidim hem fo kam long mi. An man hu hemi kam long mi, bae mi mekem hem fo laefbaek moa long Lasde.

Disfala kaikai wea God hemi givim ya, hemi kamdaon long heven fo givim laef long evriwan long disfala wol.”

Mi ya, mi nao disfala kaikai wea hemi givim tru laef.

Jisas hemi tekem faefala bred ya an hemi talem tengkiu long God fo olketa, an hemi searemaot long evriwan hu i sidaon long ples ya. Hemi duim semsamting long tufala fis ya tu, an evriwan i kaikai go-go olketa barava fulap. Taem evriwan long olketa i fulap finis, Jisas hemi tok olsem long olketa disaepol blong hem, “Yufala go an pikimap olketa pis kaikai wea olketa no finisim ya, nogud yumi spoelem kaikai.”

Taem olketa bin padol kolsap faev kilomita finis, olketa lukim Jisas hemi wakabaot kam antap long wata an hemi kam kolsap long bot blong olketa nao. An taem olketa lukim hem, olketa fraet fogud nao, bat Jisas hemi tok kam olsem, “!Ei, yufala no fraet, mi nomoa ya!”