Popularne wersety biblijne z Jon 5

Udostępnij

“Mi talem yufala tru samting nao, sapos eniwan hemi herem an obeim evri toktok blong mi an hemi biliv long Dadi hu hemi sendem mi kam, man ya hemi garem tru laef wea hemi no save finis. Man olsem ya, bae olketa no jajem hem ya bikos hemi olsem man hu hemi dae finis bat hemi laefbaek moa.

Taem Jisas hemi lukim man ya wea hemi leidaon nomoa olsem, hemi save finis wea man ya hemi sik longtaem tumas nao. So Jisas hemi askem disfala man olsem, “?Waswe, yu wande fo kamap gudbaek moa?”

Yufala ya, yufala tingse bae yufala kasem tru laef wea hemi no save finis bikos yufala save lukluk gud long olketa toktok insaet long Buktambu. !Olketa toktok ya, mi nao olketa tokabaotem ya! Nomata olsem, yufala nating wiling nomoa fo kam long mi, mekem mi givim disfala laef long yufala.

Nao Jisas hemi tok olsem long man ya, “Yu stanap an rolemap bed blong yu an yu karim go nao.” Long semtaem nomoa, man ya hemi gudbaek nao. So hemi karim bed blong hem an hemi wakabaot go nao. De ya hemi Sabat de

Nao Jisas hemi tok olsem long olketa, “Mi talem yufala tru samting nao, San Blong God, hemi no save duim enisamting falom tingting blong hem seleva. Hemi save duim nomoa samting wea hemi lukim Dadi blong hem hemi duim. An wanem Dadi blong hem hemi duim, hem tu hemi duim.