Popularne wersety biblijne z Mateo 7

Udostępnij

»Janipa ri cajawax chiwe, chitz'onoj che ri Dios y caya'i' chiwe; chitzucuj ruc' Rire janipa ri cajawax chiwe y quiriko; chich'a'bej Rire y lic quixucajmaj lok.

Ma china ri cutz'onoj ri cajawax che, cuc'ul na; china ri c'o cutzucuj, curik na; y china ri cach'aw pan che ruchi' ja, cajaki' na lo che.

»China c'u ri cataw re ri nutzij yey cu'an janipa ri cambi'ij, canjunimaj ruc' jun achi lic c'o una'oj ma xutz'ak lo ri rocho pa'baj.

»Ec'u ri'ix chi'ana chique ri ticawex jela' pacha' ri quiwaj caqui'an rique chiwe. Ma e utakanic wa' Rutzij Upixab ri Dios tz'ibital can cuma ri Moisés y ri k'alajisanelab.

No'j ri oquibal y ri be que'ec chi c'aslemal na jinta utakexic, lic ch'uti'n uwach, yey na e ta q'ui ri queboc bi chiri'.

»Chixoc bi che ri oquibal ch'uti'n uwach. Ma ri oquibal y ri be que'ec chi xibalba' lic nim uwach, yey lic e q'ui ri queboc bi chiri'.

Ec'u ri' ri'ix tob xa ix ticawex na lic ta utz ic'u'x, na ruc' ta c'u ri', quirik uya'ic chomilaj tak sipanic chique riwalc'o'al. ¡Mac'uwari' ri Kakaw Dios c'o chila' chicaj cuya chomilaj tak sipanic chique ri quetz'onow re che!

»Mi'an ri xa piwe ri'ix quixu'an aj k'atal tzij paquiwi jujun chic, cha' jela' na cak'at ta tzij piwi ri'ix. Ma e ru'anic quik'at tzij ri'ix paquiwi jujun chic, jela' cu'an ri Dios piwi ri'ix; ma ruc' ri pajbal quixpajan wi, ruc' la' quixpaj wi ri'ix.

No'j c'u ri cuta ri nutzij yey na cu'an ta janipa ri cambi'ij, canjunimaj ruc' jun achi na jinta una'oj, ma xu'an ri rocho pa sanyeb.

»¿Su'chac e lic catzutza' ruc'aj che' c'o chupa ruwach rawatz-achak' yey e na catoc ta c'u il che resaxic ri che' k'ebel chupa rawach ri'at? Y we k'ebel la jun che' chupa rawach ri'at, ¿utz nawi cabi'ij che rawatz-achak': “Chaya'a luwar chwe canwesaj la jun uc'aj che' c'o chupa rawach”? ¡Na utz taj!

»Lic chichajij iwib chiquiwach ri caquibi'ij e k'alajisanelab re ri Dios yey xa e socoso'nel. Ma wa' quec'un iwuc' ri'ix lic chacojo' utz quic'u'x, no'j chupa ri canima' xa pacha' e utiw lic e bik'onel. Ec'u ri'ix quiweta'maj sa' ri c'o pa canima' ri ticawex ruma ri caqui'ano, we utz o na utz taj. »E pacha' tak ri che': ri q'uix, na uva ta rujik'obalil cuya'o; yey ri xuluquej, na higos ta rujik'obalil cuya'o.

Jec'ula' juna chomilaj che', lic chom rujik'obalil cuya'o; no'j ri che' na chom taj, na jinta uchac rujik'obalil cuya'o.

Ri chomilaj che' na ube taj we na chom ta rujik'obalil cuya'o; jec'ula' ri che' na chom taj na cuya ta ujik'obalil chom.

Yey ronoje che' we na chom taj rujik'obalil cuya'o, cachet bi y caporox pa ak'.