Popularne wersety biblijne z लूका 3

Udostępnij

यूहन्‍ना नु कैदखाने मां नाखणे कनु पेहले इसड़े हुले कि जब सारे लौक बपतिस्मा गिही पलते, तां ईशु ने वी बपतिस्मा गेहती कर प्राथना करली, तां आसमान खुलती गेला। ते पवित्र आत्मा कबूतरा चे समान ओचे उपर उतरला, ते हा आकाशवाणी हुली, “तु माया प्यारा पूत छी, मैं दुधे कनु ब़ोहत खौश छै।”

यूहन्‍ना ने वां सारा लौका नु केहले, “मैं तां तम्हानु पाणीया लारे बपतिस्मा ङिये, पर ओ जको माये बाद मां आणे आला छै, ओ माये कनु महान छै, मैं तां ओचे ब़ूटा चा तणिया खोलणे चे लायक कोनी, ओ तम्हानु पवित्र आत्मा ते जाखते लारे बपतिस्मा ङी

सो मन फिराव चे जोगा फल आणा, ते आपणे आपणे मना मां ईं ना सोचा, ‘अम्चा ब़ा अब्राहम छै,’ कांकि मैं तम्हानु किहे पला कि नरीकार यां पत्थरा महु अब्राहम वास्ते ऊलाद्ध पैदा कर सग़े।

ते हमा ही कुहाड़ा पेड़ा ची ज़हड़े चे उपर मेहला, ऐवास्ते जको-जको पेड़ आच्छे फल ना आणी, ओनु बाढती ते जाखते मां झोंकती ङिले जई।”

यूंही प्रचार करु लाग़ला जिंवे यशायाह भविष्यवक्‍ता चे केहले आले वचना ची किताबे मां पेहले कनु लिखले आले छै, “बरब्याना मां हेक हकारने आले ची अवाज किहे पलती ली, ‘प्रभु चे वास्ते मार्ग़ तियार करा, ओचे वास्ते सड़का सिधीया करा। हर हेक घटी भरती ङिली जई, ते हर हेक पहाड़ ते टिब़्ब़ा झिका करला जई, ते जको ङिंगा छै ओ सिधा, ते जको ऊंचा झिका छै, ओ चौरस मार्ग़ बणी। ते हर हेक प्राणी नरीकारा चे उद्धार नु ङेखी।’ ”