Popularne wersety biblijne z યોહાન 14

Udostępnij

હૂં તમનેં શાંતિ આલું હે, ઝી શાંતિ મારી કન હે, ઇયે વેયે શાંતિ નહેં ઝી દુન્ય ન મનખં તમનેં આલે હે. તમું મન મ દુઃખી નહેં થાતા વેહ અનેં નહેં સમકતા વેહ.

ઇસુવેં હેંનેં કેંદું, “રસ્તો અનેં હાસ અનેં જીવન હૂંસ હે, મારી વગર કુઇ બી બા કનેં નહેં જાએં સક્તું.

તમું મન મ દુઃખી નહેં થો, તમું પરમેશ્વર ઇપેર વિશ્વાસ કરો હે અનેં મારી ઇપેર હુંદા વિશ્વાસ કરો.

પુંણ મદદ કરવા વાળો એંતરે પવિત્ર આત્મા, ઝેંનેં બા મારી જગ્યા મુંકલહે, વેયો તમનેં બદ્દી વાતેં હિકાડહે, અનેં ઝી કઇ મેંહ તમનેં કીદી હે, વેયુ બદ્દું તમનેં ઇયાદ કરાવહે.

ઝી મારી આજ્ઞાવેં જાણે હે અનેં હેંનેં પાળે હે, વેયોસ મારી ઇપેર પ્રેમ કરે હે, અનેં ઝી મારી ઇપેર પ્રેમ કરે હે, હેંનેં ઇપેર મારો બા પ્રેમ કરહે, અનેં હૂં હેંનેં ઇપેર પ્રેમ કરેં, અનેં પુંતે-પુંતાનેં હેંનેં ઇપેર પરગટ કરેં.”

હૂં બા નેં પ્રાર્થના કરેં, અનેં વેયો તમનેં એક મદદ કરવા વાળો આલહે, કે વેયો હમેશા તમાર હાતેં રે. એંતરે પવિત્ર આત્મા, ઝી હાસ નો આત્મા હે, ઝેંનેં દુન્ય ન મનખં મેંળવેં નહેં મેંળવેં સક્તં, કેંમકે વેય નહેં હેંનેં ભાળતં અનેં નહેં હેંનેં જાણતં, પુંણ તમું હેંનેં જાણો હે, કેંમકે વેયો તમારી હાતેં રે હે અનેં તમારી મ હમેશા રેંહે.

અનેં ઝી કઇ તમું મારા નામ થી માંગહો, વેયુસ હૂં કરેં, એંતરે કે મારી દુવારા બા ની મહિમા પરગટ થાએ. અગર તમું મારા નામ થી મારી કન કઇ બી માંગહો, તે હૂં વેયુ કરે.

અગર તમું મારી હાતેં પ્રેમ કરો હે, તે મારી આજ્ઞાવં નેં પાળહો.

મારા બા ના ઘેર મ ઘણીસ રેંવા ની જગ્યા હે, અગર નેં હીતી તે હૂં તમનેં કેં દેંતો, કેંમકે હૂં તમારી હારુ જગ્યા તિયાર કરવા જાએં રિયો હે.

તાં જાએંનેં જગ્યા તિયાર કર્યા પસી હૂં પાસો આવેંનેં તમનેં માર તાં લેં જએં, એંતરે કે તમું હુંદા તાંસ મારી હાતેં રેંહો ઝાં હૂં હે.

થુંમે હેંનેં કેંદું, “હે પ્રભુ, હમું નહેં જાણતા કે તું કાં જાએં રિયો હે, તે હમું રસ્તો કેંકેંમ જાણેં સકજ્યે?”