Popularne wersety biblijne z 1 Korinthiko 12

Udostępnij

Sanamkoakʼ bhạlại lạgitʼge sonot Jiu do mimitʼ hoṛre mimitʼ lekae sodorokʼ kana.

Ape do Mạsiyakʼ hoṛmo kanape, ar mimitʼ hoṛ do ona hoṛmoren hạṭińkoge.

Mitʼ hạṭiń manote ńam khan enḍekhan goṭa hạṭińge ona sãote hulạsokʼa.

Adom adom hoṛ do uni sonot Jiu hotete akel reakʼ kathako roṛeda. Ar eṭakʼko do ini Jiu hotete pạtiạukʼ se ruạ hasoko boge reakʼ daṛe se hahaṛa kạmi reakʼ daṛe se nạbi leka Isorakʼ katha roroṛ reakʼ daṛe se boge ar bạṛicʼ jiuko oromko reakʼ daṛe; ar adomko do judạ judạ pạrsite roṛ reakʼ daṛe se judạ judạ pạrsite torjoma reakʼ daṛe ini mitʼ Jiugeye kạmi ocoyeda.

Noako joto kạmi do ini sonot Jiugeye kạmiyeda. Uni do cetʼleka sanayede onkage onako dan mimitʼko judạ judạye emako kana.

jemon hoṛmo do alo bhaga bhạgikʼ, bickom hoṛmo hạṭińko mitʼ lekako dạndikʼ. Mitʼ hạṭiń dukokʼ khan ona sãote goṭa hạṭińge dukokʼa.

Ini mitʼ sonot Jiuakʼ daya danko do judạ judạgea; ar judạ judạ dharate abo do ini mitʼ Probhu Isorge bon sewawae kana. Abo mimitʼko do judạ judạ kạmi bon emocoakana, menkhan ini Isorge judạ judạ dharate mimitʼko talareye kạmikana.

Isor do manḍerre pạhilte apostolko, dosarte nạbiko, tesarte cecetʼkoe dohoketʼkoa. Ona tayom noko hoṛkoe bachaoketʼkoa, one okoe do hahaṛa kạmi reakʼ ektiạriko ńamakatʼ, ar okoe do ruạ boge reakʼ daṛe, ar okoe do goṛowako reakʼ daṛe, ar okoe do calao ganao reakʼ daṛe, okoe do pạrsi torjoma reakʼ daṛeko ńamakatʼ, ar onko sanamkoge cetʼ apostol kanako?

Hoṛmo do eken mitʼṭen hạṭińte do baṅ benao akana, ona do aema hạṭińkotege tearakana.

Menkhan hoṛmo reakʼ oka hạṭińko nijorge aṭkarokʼkan onage bạ̃ṛti jạruṛa.

Ar goṭa hoṛmoge mẽtʼ hoylen khan, enḍekhan ańjom reakʼ daṛe do okare tahẽkokʼa? Ar goṭa hoṛmoge lutur hoylen khan, enḍekhan ji reakʼ daṛe do okare tahẽkokʼa? Isor do cetʼlekae monejoṅkan onkage hoṛmo reakʼ hạṭińko hoṛmoreye bạisạu akada. Ar joto hạṭińko mitʼ lekage hoylen khan, enḍekhan hoṛmo do okare tahẽkokʼa?