Popularne wersety biblijne z MATIUS 6

Udostępnij

Anyautu kamu beusahala, mangku Allah njadi rajau kamu, ngan kerjaukala kenda'Au, mangku gegalaunyautu ka dienjuakka ngan kamu.

Karnau itu nidau nanti kamu ghegak aghi pagi, karnau aghi pagi ka adau agi rupu'an lain. Rupu'an saghi jadila batan endak saghi.”

“Karnau itu ingatkala jangan kamu ghegak ngan pengidupan kamu, tuapau diau endak kamu makan ngan minum ngan tuapau diau endak kamu pakai. Ukanau pentingla idup sangkan makanan ngan badan sangkan baju?

Anyautu amun kaba bedu'a, masuakla ke bilia, katupka duaghau, mangku bedu'ala ngan Bapak kaba diau nidau kina'an itu. Mangku Bapak kaba diau nginak kerjau kaba diau tebuni ka mbalas ngan kaba.

Bedu'ala luak ini: ‘Bapak kami diau di sergau, kami endak namau Dighi diregaui, karnau Dighi suci. Kami endak Dighi njadi rajau kami, mangku kendak Dighi dituruti di deniau luak di sergau.

Enju'ila kami saghini makanan kami ngan secukupau.

Ngabiska sala kami, luak kami ngabiska sala jemau ngan kami.

Jangan enangka kami dicubaui, anyautu ilakkala kami jak di diau ja'at. [Karnau Dighila rajau diau bekuasau ngan agung selelamaunyau. Amin.’]

Amun kamu ngabiska sala jemau ngan kamu, Bapak kamu di sergau ka ngabiska sala kamu pulau.

Kina'ila burung di awang-awang. Diau nidau nanam, nidau ngetam, nidau bediau tengkiang. Empuak luak itu Bapak kamu di sergau ngenju'i diau makan. Beregaula kamu sangkan burung.

“Jangan kaba melungguakka retau bendau batan endak diri kaba di deniau. Di deniauni retautu ka dimakan gegat ngan karat ngan dimalingi jemau. Anyautu lungguakkala retau kaba di sergau. Di sergautu nidau ka dirusakka gegat ngan karat ngan pulau nidau dimalingi jemau. Karnau di manau adau retau kaba, di situ pulau ati kaba.

Nidau sughang kia pacak njadi anak-bua duau jemau, karnau amun luak itu, diau ka sayang ngan diau sughang diau sughang agi nidau. Diau ka setia ngan diau sughang ngan diau sughang agi nidau. Kamu nidau pacak bekerjau batan endak Allah ngan batan endak retau bendau pulau.”

Saghini ghumput di padang tumbua, pagi disilap abis. Empuak luak itu Allah ndandani ghumput itu alap nian, apau lagi kamu, ui jemau diau nidau percayau nian.

Anyautu amun kaba ngenjuak ngan jemau, jangan tangan kidau kaba ngeruani setu diau dikerjauka tangan kanan. Nengkela kerjau kaba nidau keruan ngan jemau, lain jak di Bapak di sergau. Diautu nginak kerjau kaba di bada tebuni, mangku ka mbalas ngan kaba.”

“Ingatkala jangan kamu ngerjauka kewajiban agamau di mukau jemau banyak endak dikinak jemau. Amun kamu bebuat luak itu, kamu nidau ka dienju'i upa ngan Bapak di sergau.

“Amun kamu puasau, dayi kamu jangan mangut luak jemau cak alim. Ughangtu cak litak, supayau jemau nginak diau dang puasau. Keruanila, ughangtu la bulia upahau. Anyautu amun kaba puasau, suguila gumbak kaba ngan ghusapila dayi kaba, supayau nidau bediau diau keruan, bansau kaba puasau, lain jak di Bapak kaba diau nidau kina'an. Mangku Diau nginak di bada diau tebuni ka mbalas ngan kaba.”