Popularne wersety biblijne z MATIUS 5

Udostępnij

Nidau bediau jemau diau maghakka lampu, mangku ditukupi ngan kinjagh. Lampu itu ka dikaitka di badahau, mangku gegalau jemau di ghuma itu pacak nginak terangau. Luak itu pulau terang kamu mesti besinagh di guak jemau, supayau ughangtu nginak perembak kamu diau iluak, mangku ngagungka Bapak kamu di sergau.”

Kamuni umpamau terang batan endak deniau. Kuta diau adau di pucuak gunung nidau ka adau nidau kina'an.

Riangla jemau diau beresia atiau, karnau diau ka keruan Allah.

Riangla jemau diau endak tegalau ngerjauka kendak Allah, karnau diau ka pacak ngerjaukanyau.

Anyautu mbak kini Aku bekatau ngan kamu: Sayangila musua kamu ngan du'akala jemau diau meluatka kamu.

“Riangla jemau diau meghasau nidau pacak mbuat tuapau-apau ngan ngaghapka Allah ajau, karnau diau diterimau Allah njadi umatAu.

Riangla jemau diau ndamaika jemau, karnau diau ka dikiciakka anak Allah.

Riangla jemau diau bingung, karnau diau ka dilemakka.

Riangla jemau diau diluatka jemau, ikak nuruti kendak Allah, karnau diau ka diterimau Allah njadi umatAu.

Riangla jemau diau nyialka jemau, karnau diau ka disialka.

Riangla kamu, amun kamu digelakka dianiayau, diburuakka ikak Aku. Nabi-nabi timpau senitu la dibuati luak itu. Riangla nian kamu, karnau upa kamu besak di sergau.”

Riangla jemau diau ngensian, karnau diau ka ngempu deniau.

“Kamuni umpamau gagham batan endak deniau. Amun gagham nidau teghasau agi, apu pacak ngulang masin agi? Nidau begati agi. Diau dicapakka, mangku dipijakka jemau.

Kamu mesti sempernau luak Bapak kamu di sergau.”

Amun nyela, kiciakka ajau ‘nyela’. Amun nidau, kiciakka ‘nidau’, lebia jak di itu asalau jak di Iblis.”

“Kamu pulau keruan, bansau adau ajaghan luak ini: ‘Matau genti matau, gigi genti gigi.’ Anyautu mbak kini Aku bekatau ngan kamu: Jangan mbalas jemau diau bebuat ja'at ngan kamu. Amun jemau nampagh pelipisan kanan kamu, ngenjuakka pulau pelipisan kidau.

Mangku amun matau kanan kaba mbuat kaba bedusau, cungkilla ngan capakka matautu. Iluakla kelengitan sutiak jak di dandanan badan, sangkan gegalau badan kaba dicapakka dalam nerakau. Amun tangan kanan kaba mbuat kaba bedusau, tetakla ngan capakka tangantu. Iluakla kelengitan sutiak jak di dandanan badan, sangkan gegalau badan kaba dicapakka dalam nerakau.”