Popularne wersety biblijne z Markus 13

Udostępnij

Anu fo nkro Jõ to, tibyo kbe raa beta knait anu. Awya ro beroh yari Jõ mamo snok mam tabam haberek to, meen Allah yoo riof ro mase yee kʼraa retait.”

Anu wase ayõ reto ye. Feto to siwyan anu kaket yoyo sai.

Tna ati ro raa mfot anu, makah mamoʼt samu ro ja raa mtu safo to, nnaut yyi ma. Nnaut yyi bokyas ro kbe anu nkyas si kʼraa to ma: Kbe Har ro Tuhan mbesi bokyas moof kʼanu, mti bonaut kʼanu. Feto kbe bo ro anu betoo kʼraa ro mhau susai reto to, bokyas ro mbam Har ro Moof sai.

Ayoh msya tabam refo kbe saef marak. Menohe bokyas aJõ kbe meen mhau mawyõs mamo snok mam hame wajin.

Ayõ ro Jõ tama u to, raa sait bo yhar fee. Malaikat ana wase ye. Jõ, Ku ro Allah yare fi, wase ye. Taja yesait aran yhar bo rAit.

Kbe anu nri he raa rabin taro mame anya tna mafa mnin-nin. Bo weto kbe mabo tu oh. Menohe waa ma: Bo weto kbe frok matim wia. Bo weto frok mama tna tabam refo haberek fefares.

Tawe kʼanu tawe, ‘Hre byõ abyõ ye. Anu wase ayõ ro bi retait hah yamaʼt amah rait ye: Kbe yama hreha, arin masuf, fe yama rabu momo a? Anu wase ye. Kaket anu! Meen Tuhan yama tubor. Nno be kbe Ait ymat bo anu njin fares!’ Bo ro Jõ tawe kʼanu wefo fo, kbe Jõ tawe kʼraa beta afo re ana siwyan wea ye.”

Tna raa ro bangsa sau kbe masen mame anya msya raa ro bangsa roto taro. Tna raa ro raja sait ybo to, kbe masen mame anya msya raa ro raja roto taro mbo ye. Tna iin frok mam wore aro rau-rau. Tna kbe hai awyah btek mai kʼraa ye. Ti ro bo samyoh weto mama to, tinyi rau sai fares meto. Wore wo anu nmat bo weto to, kbe anu nhar oon reto mama. Reto mfi fnya ro mhaf ja kborham wia, tna kbe mabe to.

Wore tabam haberek fefares to, Bokyas Moof ro Allah (Injil) meen raa wosa mam bangsa beta. Snok bangsa beta maka wia tna tabam haberek.

Jõ fi Mesias sait aran, menohe meen raa mawat mama to, sruf bo mawe ana Mesias ybam kʼAllah. Kbe raa mawat mari feto tna smot raa weto.

Kaket anu: Anu ro smot Jõ to, meen raa mfot anu tna makah mamoʼt samu ro raa mtu safo. Tna kbe raa mai-a anu mam samu watum ro Yahudi ye. Anu smot Jõ tibyo raa mfot anu makah mamo msan kʼaban mana sor. Feto tna kbe anu nkyas Jõ tasom kʼraja bo ye.

Ati reto to, raa ro mawe besruf anu to, kbe frok mama. Taro mawe ana to Mesias, he mfe. Tna taro mawe ana to nabi ro Allah ybis mama mkyas bo wAit. He mfe ye. Meen ana mama tna sair bo ro hnah msya bo ro msai taro mawat. Ana mno bo ro msai re kbe besruf anu. Ana tomer besruf raa sok ro Allah wAit ye he mfe. Feto to, soh raa sait yawe bo kʼanu yawe, ‘Nmat, Mesias yama mam ati rno mno!’ Soh raa yawe feto, nri ait ma! Tna soh sait yawe, ‘Nmat, Mesias yama mam ati rau mau.’ Nri bokyas rait reto ma!

Oon ro samyoh reto mkak wia, tna ayõ ro ja mafit to, me mamur. Tna snyi ro mboh to, me mboh u fee. Kbe sken btek-tak mbam ayoh. Tna bombra ro mhau mam ayoh beta to, mrok mbrir-brar.