Popularne wersety biblijne z Markus 12

Udostępnij

Yesus yawe si yawe, “Watum ro moof ati oh mefo: ‘Raa mana ro Israel, nri; Tuhan Allah ranu tait, Tuhan ro sait yum. Nhafri Tuhan Allah ranu mkah nhaf, srau ranu beta, mkah bohar ranu beta, tna mkah ntak ranu beta ye.’ Ulangan 6:4,5 Watum ro ewok oh mi, ‘Nhafri raa ro mhau kene msya anu to ye. Nhafri ana mnan fi anu nhafri netsu wanu nesait ai.’” Imamat 19:18

Yesus ytu kuber wAit mama tna yerif fai au reto kʼana yawe, “Bris oh, fai au ro semit rno moo pitis wau mabyoh mroh sai. Feto tna mfo refo pitis wau ro mse mam amah rau fares to marak. Feto to Tuhan ynaut yawe bo ro au mbero to, mawat miwer raa ofo beta. Pitis raa taro mbero to, baro sai mbam kta wana ro mase. Menohe semit refo, moo pitis wau ewok ro mse mkah boit mait weno oh mi bero beta mefo, tibyo mtai marak.”

Ati sau Yesus hre mam Samu ro Allah. Ait ymat rof raa ro masen mama moo pitis msan kʼTuhan. Raa ro bobot mawat makah pitis mase mama mbero ye. Menohe semit sau moo pitis mauf wau ewok mbero ye. Pitis ro mabyoh mroh sai meto.

Anu raa ro Yahudi ja bnaut bwe, ‘Raa moo bo msan kʼAllah to, bo ro ati syok.’ He mfe. Mfo refo Jõ tsrau tnaut tawe, anu bhafri Ait mkah bhaf, srau ranu beta, mkah bohar ranu beta, tna mkah btak ranu beta ye. Au oh mi bo ro ati syok meto.”

Tna Yesus yawe, “Soh feto, bo bawya ro Kaisar rait to, noo nee Kaisar. Tna bo bawya ro Allah rait to, noo nee kʼAllah.” Ana mari bo ro yawe feto tna mrok ktak.