Popularne wersety biblijne z Lukə̀ 5

Udostępnij

Nkwùə̀ nɨ Yěsû à lə̀ myàanə̀nə a nɨ nèrə̀ mɨ̀nwùə̀ mə, à lə̀ shwəŋə̀ ambo Shimùnə̀ lo, “Mìntə̀ ndèrə̀ amwuə alyiʼə yè mìnə̀nə ntsàa àlàʼà o mbə̀ʼə kô ɨ̀swuə̀.”

Shimùnə̀ a kẅùə̀ ambo ze lo, “Masàa, pəə tə mə ntsòo mbɨ̀ŋmə̀ ɨ̀zəə nɨ ɨ̀twuʼə̀ ka kô wəə àzwuumə̀ àtse! La a tyiʼə̀ e zhyə̀ nɨ à shwəŋə̀nə ghò, mbɨ màʼà àlàʼà mə̀.” Pobə màʼà àlàʼà za amwuə nchyə nkwùə̀ ghu, nkô ɨ̀swuə̀ yɨ̀noʼnə tə àlàʼà za a tyiʼə̀ ntàʼà liitə̀.

La Yěsû à lə̀ noʼò mmyàʼtə̀ pə̀ənə̀ ndèrə̀ alyiʼə nɨ ǎ pə ghu ze nɨ ze a nɨ chàʼtə̀ a Nẅùə̀.

Ka ǹtô mə̀ la mbə̀ʼə pànə̀ pa nɨ mɨ̀nwùə̀ ɨ̀mobə təəmə̀nə la, ǹtô mə la mbə̀ʼə ngàŋə ngɨ̀rə̀ ɨ̀nwùə̀ tɨ̀pòŋə̀, mbə̀ʼə pobə̂ pə̀ŋə̀ mɨ̀ntɨŋmə̀ ɨ̀mobə aŋunə tɨ̀pòŋə̀ ɨghobə.”

Nkwùə̀ nɨ Shimùnə̀ Pità à lə̀ zəənə̀nə ànwùə̀ ghu, à lə̀ kunə̀ aŋunə mɨ̀kẅìʼtə ɨ̀me a mbyə̀ Yěsû nshwəŋə̀ lo, “Lòo a nɨ̀pwùnə mɨ̀ŋə̀ mbǎ Ndòʼnə̀mbyə̂ ntiinə ǹchyə̂ mbə mə̀ la ngàŋə̀ ngɨ̀rə̀ ɨ̀nwùə̀ tɨ̀pòŋə̀!”

Yěsû a kẅùə̀ lo, “Ŋònə̀ nɨ ka à mə ngòonə̀ e, ka à tàʼà e a mbarə̀ pə̀ənə̀; à tàʼà e ngoonə ntàʼà a mbarə̀ pə̀ənə̀.

Pobə lə̀ sùŋə̀ ɨ̀kànwuʼə pobə pa nfurə̀ a sɨghə, mmyàʼtə̀ àzwuumə̀ àtsùmə̀, ndzùŋə̀ a Yěsû.

A lə̀ pə njyə̂ ɨ̀tse nɨ Yěsû à lə̀ lèrə̀nə amwuə mbòmpə àlaʼà ngẅùunə za ɨ̀tse, ŋònə̀ ɨ̀tse a tô mbə ẅùə̀ nɨ àkɨ̀kẅinə a lə̀ zɨghə̀nə mbɨ̀ŋmə̀ e ntsùmə̀. Nkwùə̀ nɨ à lə̀ zəənə̀nə Yěsû, à lə̀ kunə̀ a mbyə̀ ze àkùbəkubə̀ mbuʼù mbô ambo ze nshwəŋə̀ lo, “Ndòʼnə̀mbyə̂, wə̀ tə nkòŋə̀ yi wə̌ parə̀ a mə̀ mbə̀ʼə mbɨ̀ŋmə̀ mə̀ laanə̀.” Yěsû a tsàa àpô e mbètə̀ e ghu, nshwəŋə̀ ambo ze lo, “Ǹkòŋə̀, mbɨ̀ŋmə̀ o ɨ̂ laanə̀!” Àkɨ̀kẅinə za a lə̀ zùŋə̀ mmyàʼtə̀ e, mbɨ̀ŋmə̀ e ɨ̀ laanə̀.

Yěsû à lə̀ patə nshwəŋə̀ pə a lenə la, ànwùə̀ zə mbə̀ʼə e a lə̀ sìimə̀ tə nsìimə̀. Àpùŋə̀ pə̀ənə̀ a tyiʼə̀ ntô a nɨ zhwiʼtə̀ ànwùə̀ nɨ à lə̀ mənə nnèrə̀ la; farə lo â parə̀ a ghobə.