Popularne wersety biblijne z Lukə̀ 4

Udostępnij

“Àzhwùə̀ Ndòʼnə̀mbyə̂ a zə aŋunə mɨ̀ŋə̀ ntiinə à tsoʼò mə mə̀ lo n̂tə nchwìitə̀ ntwuumə̀ ghù ɨ̀shìʼnə̀ ambo ngàŋə̀ àfumə̀. À twuumə̀ mə̀ lo n̂chwìitə̀ ambo ɨ̀pùʼù ntsòo lo pɨ̌ fuukə̀ a ghobə, nshwəŋə̀ ambo pɨ̀fə̀ lo pobə ghǎ zəənə̀ ɨlyiʼə, mmyàʼtə̀ pànə̀ pa nɨ pobə pa ndzəənə̀ ngəʼə̀ la, nkɨ nchwìitə̀ lo nkwùə̀ ɨ̀ kùʼù nɨ Ndòʼnə̀mbyə̂ à ghǎ chwarə̀ pə̀ənə̀ ɨ̀pe.”

Yěsû a kẅùə̀ ambo ze lo, “Pɨ ŋwàʼnə̀ amwuə àŋwàʼnə̀ Nẅùə̀ lo, ‘Wə̀ chyə̂ a nɨ səəkə̀ pə a Ndòʼnə̀mbyə̂ Nẅùə̀ o, nkɨ nchyə̂ a nɨ fàʼà tyìʼə̀ ambo ze ndàʼà.”

Yěsû a kẅùə̀ ambo ze lo, “Pɨ ŋwàʼnə̀ amwuə àŋwàʼnə̀ Nẅùə̀ lo, ‘Ka ŋwùə̀ a chyə̂ e ghù ntɨ̀ŋnə̀ la mbə̀ʼə àpaanə̀ ndàʼà.’ À chyə̂ pə mbə̀ʼə àshwəŋnə̀ àtsùmə̀ nɨ a furə̀nə a ntswùə̀ Nẅùə̀.”

Yěsû à lə̀ mə nfurə̀ a nchyə Jodànə̀ nɨ Àzhwùə̀ Nẅùə̀ a lẅenə̀ mə ntɨŋmə̀ e ngɨ̀rə̀ a lèrə̀ alyiʼə waakə.

Yěsû a kẅùə̀ ambo ze lo, “Pɨ kɨ nshwəŋə̀ amwuə àŋwàʼnə̀ Nẅùə̀ lo, ‘Kò wə̀ kwàʼnə̀ o a Ndòʼnə̀mbyə̂ Nẅùə̀ o.’”

Nkwùə̀ nɨ Satàanə̀ à lə̀ myàanə̀nə a nɨ kwàʼnə̀ Yěsû amwuə ɨ̀làŋə ɨ̀tsùmə̀, à lə̀ myàʼtə̀ e lo â lèrə̀ tə mbyàa nkwùə̀ nɨ ǎ chi pə nɨ ɨ̀sàanə̀ yɨ̀ nyàanə.

Satàanə̀ a chi ndòo e nkoʼò ndèrə̀ alyiʼə ŋaŋnə̀nə nnèrə̀ e nɨ ɨlyiʼə nɨ̀fò àtwuə̀ ɨ̀shyə̂ àtsùmə̀ aŋunə mətùmə nkwùə̀, nshwəŋə̀ ambo ze lo, “Mbɨ ŋâ o nɨ ɨ̀tɨ̀ŋnə̀ lo wə̀ tyiʼə̀ mbuʼtə̀ ɨlyiʼə nɨ̀fò pèrə pə tyìʼə̀ ɨ̀tsùmə̀ nɨ ɨ̀pwuumə̀ ɨ̀pe ɨ̀tsùmə̀, ntiinə pɨ ŋâ mə ɨlyiʼə pèrə pə ɨ̀tsùmə̀ ambo mɨ̀ŋə̀, m̀bə nɨ ɨ̀tɨ̀ŋnə̀ a nɨ ŋâ ambo ŋònə̀ nɨ ǹkòŋə̀nə. Tɨ̀tsòŋə̀, wə̀ tə ŋuʼnə̀ a ɨ̀shyə̂ nsəəkə̀ mə̀ yi mbɨ ŋâ ɨ̀pwuumə̀ pèrə pə ɨ̀tsùmə̀ ambo ghò lo wə̀ puʼtə̀ a pèrə.” Yěsû a kẅùə̀ ambo ze lo, “Pɨ ŋwàʼnə̀ amwuə àŋwàʼnə̀ Nẅùə̀ lo, ‘Wə̀ chyə̂ a nɨ səəkə̀ pə a Ndòʼnə̀mbyə̂ Nẅùə̀ o, nkɨ nchyə̂ a nɨ fàʼà tyìʼə̀ ambo ze ndàʼà.”

Satàanə̀ a chi ndòo a Yěsû nkoʼò ndèrə̀ a Yèrusalèmə̀ ntə̂ e a ngotə àtwuə̀ Ndâ mɨ̀shwàʼà Nẅùə̀ yɨ̀ ngẅùunə, nshwəŋə̀ ambo ze lo, “Wə̀ tə mbə Moonə̀ Nẅùə̀, wə̀ furə̀ a nɨ̀ghə̂ ntsoʼnə̀ nkànə̀ a ɨ̀shyə̂. Ntiinə pɨ ŋwàʼnə̀nə amwuə àŋwàʼnə̀ Nẅùə̀ lo, ‘Nẅùə̀ à ghǎ tsàa pəngèrə̀ ɨ̀pe lo pèrə lerəkə̀ o nkɨ mbyabə̀ o.’ A za nkɨ nchi nshwəŋə̀ lo, ‘pobə ghǎ tyiʼə̀ kô o twuʼtə̀ amwuə mbô ɨ̀mobə mbə̀ʼə wə̀ tsòo àkwùə̀ o aŋunə nɨ̀ghòorə.’” Yěsû a kẅùə̀ ambo ze lo, “Pɨ kɨ nshwəŋə̀ amwuə àŋwàʼnə̀ Nẅùə̀ lo, ‘Kò wə̀ kwàʼnə̀ o a Ndòʼnə̀mbyə̂ Nẅùə̀ o.’”