Popularne wersety biblijne z Jònə 19

Udostępnij

Nkwùə̀ nɨ Yěsû à lə̀ nyoŋə̀nə mɨ̀lùʼù mɨ ghu, à lə̀ shwəŋə̀ lo, “A myə̀!” À lə̀ tyiʼə̀ ntsəŋə̀ àtwuə̀ e a ɨ̀shyə̂, àzhwùə̀ e a ləənə̀ a kwɨghə̀.

Nkwùə̀ ghu Yěsû a zhyə̂ lo à myàanə̀ mə ànwùə̀ àtsùmə̀ nɨ à lə̀ pənə ghɨ̀rə̀ ntyiʼə̀ nshwəŋə̀ lo “Ntɨŋmə̀ mə̀ ɨ wə̀ ndzwuumə̀.” À lə̀ shwəŋə̀ a nɨ lẅenə̀ ànwùə̀ nɨ àŋwàʼnə̀ Nẅùə̀ a shwəŋə̀nə.

Yěsû a zəənə̀ mǎ e pobə àzùŋə̀ ndzùmə̀ za nɨ à lə̀ kòŋə̀nə la pobə təəmə̀ a ɨ̀sùmə àtɨ̀ghə pànkə̀nə ntyiʼə̀ nshwəŋə̀ ambo mǎ e lo, “Mǎ, lə̌ Moonə̀ o yɨ̀ mbyàŋnə̀.” À lə̀ kɨ nshwəŋə̀ ambo àzùŋə̀ ndzùmə̀ e za lo, “Lə̌ mǎ o.” A nɨ furə̀ nkwùə̀ ghu àzùŋə̀ ndzùmə̀ e za a lə̀ lòo e tsaʼa mǎ e pobə ze tyiʼə̀ nchyə̂ a ndâ ze.

La nkwùə̀ nɨ pobə lə̀ pyàanə aŋunə Yěsû, pobə lə̀ zəənə̀ lo à kwɨghə̀ mə e, ka pobə chi mbiʼtə̀ ghobə mɨ̀kwùə̀ ɨ̀me. Taʼà soyì wa ghùtse a tyiʼə̀ nsòbə̀ nɨ̀pwùnə nɨ mbyìinə̀ nɨ Yěsû nɨ nɨkoŋə, àləəmə̀ pobə nchyə zùŋə̀ nfurə̀.

Mɨ̀nwùə̀ mə lə̀ lòo alyiʼə a nɨ lẅenə̀ ànwùə̀ nɨ a pənə amwuə àŋwàʼnə̀ Nẅùə̀ lo, “Ka pɨ̀ pə ghǎ pəʼə̀ e àkẅìinə àtse a mbɨ̀ŋmə̀ ze.” A kɨ nchi mbə amwuə alyiʼə àŋwàʼnə̀ Nẅùə̀ yètse lo, “Pobə ghǎ tyiʼə̀ mmə nnaŋə̀ a ze wa nɨ pobə lə̀ sòbə̀nə la.”

Lenəla, pɨ lə̀ lòo a Yěsû nfurə̀. À lə̀ pìʼì àtɨ̀ghə pànkə̀nə e tyìʼə̀ ze ndèrə̀ alyiʼə nɨ pɨ lə̀ mə nfuŋə̀ nɨ àghòʼrə àtwuə̀ (pɨ mə nfuŋə̀ amwuə àshwəŋnə̀ Hibrù nɨ Golgotà.)

Pɨ lə̀ lòo mɨ̀fàa mɨ kɨkobə mbaʼà tsaʼa tɨ̀làarə̀ ntuŋə̀ àtwuə̀ ze, ntyiʼə̀ ngẅî atsəʼə yè pàŋə̀nə àtse aŋunə ze