Popularne wersety biblijne z Ioane 5

Udostępnij

“Bon te koaua ni koaua ae I a tuangngkami, b'a ane ongo au taeka ao e onimakina Teuare kanakomaiai, ao e na reke i rouna te maiu are aki toki. E na aki motikaki taekana; e a tia ni kitana te kawai are e na mate iai, ao e a toua te kawai are e na maiu iai.

E noria Iesu ni wene ikekei, ao E ataia b'a e a tia ni weneakina aorakina n te tai ae rangi ni maan; ma ngaia are E taku nakoina, “Ko kani kamaiuaki?”

Kam ukeuke n te B'aib'ara b'a kam taku b'a e na reke mai iai iroumi te maiu are aki toki; ao boni ngaia are kaotioti i buku; ma kam aki kan nako iu b'a e kaawa n reke iroumi te maiu are aki toki.

E taku Iesu nakoina, “Tei rake, tabeka nem ni wene, ao nakonako.” E kamaiuaki naba ngkekei te aomata arei; e tabeka nena ni wene, ao e nakonako. Bon te Taabati te bong arei.

E kaekaia Iesu ngkanne ao E taku nakoia, “I tuangngkami ma te koaua, b'a akea te b'ai ae E kona ni karaoia te Nati i bon i rouna, ma ti are E noria b'a E karaoia te Tama; b'a b'aai ake E karaoi te Tama, ao E karaoi naba te Nati.