Popularne wersety biblijne z Ioane 4

Udostępnij

Te Atua bon te Tamnei: ao akana taromauria e riai b'a a na taromauria ni m'aakan te Tamnei are Tabu, ao n aron are E tangiria.”

Ma e a tabe n roko te aoa, ao ngaia e a kaman roko, are a na angan te Tama taan taromauri ni koaua taromauriana ni m'akan te Tamnei are Tabu, ao taromauriana n aron are E tangiria: b'a aikai aekan aomata aika E tangiriia te Tama.

ma ane moi n te ran ae N na anganna, ao e na bon aki manga taka. B'a te ran ae N na anganna, e na riki b'a te m'anib'a n ran i nanona are na koburake ao e na anganna te maiu are aki toki.”

E kaeka Iesu ao E taku nakoina, “Ngke tao ko ata ana b'ai n tangira te Atua, ao Teuae kaangai ngkai nako im, Kaamai b'a N na moi, ao ko na kamani butiia, ao Ngaia E a anganiko naba iai te ran ni kamaiu.”

E taku Iesu nakoia, “Kanau bon te ongeaba nakon nanon Teuare kanakomaiai, ao te katia ana m'akuri.

E taku neierei nakoina, “Teuaei, akea am b'ai n iti ran, ao e nano te m'anib'a; ko karekea maia ngkanne te ran ni kamaiu?

E taku te aine nakoina, “I ata ae E nangi roko te Mesia (are te Kristo); ao ngkana E roko, ao ane na tuangiira b'aai ni kabane.” E taku Iesu nakoina, “Boni Ngaia Ngai, ae I taetae nako im.”

“Nako mai nora te aomata are tuangai b'aai ni kabane ake I a tia ni karaoi. Tao ngaia te Kristo?”