Popularne wersety biblijne z Luka 12

Udostępnij

O le mea lea ‘ia ‘outou nofo sauniuni ai, auā o le a sau lava le Atali‘i o le Tagata, i le taimi tou te lē o manatunatu ai ‘iā te ia.”

A ‘ia ‘outou sā‘ili i lona Mālō, ‘ona fa‘aopoopoina atu ai lea o ia mea uma ‘iā te ‘outou.

‘Ona fetalai atu lea o ia ‘iā te i latou uma, “ ‘Ia ‘outou mataala ma fa‘autauta ‘ina ne‘i maua ‘outou i le tu‘inanau; auā e lē o le tele o ‘oloa a le tagata e ola ai o ia.”

Auā o le mea e i ai a ‘outou ‘oloa, o lo‘o fa‘atasi ai fo‘i ma ō ‘outou loto.

O ai so ‘outou e mafaia i lona popole ‘ona toe fa‘aopoopoina nisi tausaga o lona olaga?

‘Ona fetalai atu lea o Iesu i ona so‘o, “O le mea lea ‘ou te fai atu ai ‘iā te ‘outou, ‘aua tou te popole i le tausiga o lo ‘outou ola i mea tou te ‘a‘ai ai; po o ‘outou tino fo‘i i mea tou te ‘o‘ofu ai.

E o‘o i o ‘outou lauulu ‘ua faitauina uma. O lea ia ‘aua ai tou te matata‘u, auā e sili ‘ona tāua ‘outou i manu iti e tele!

“O oe le lafu mamoe itiiti, ‘aua ‘e te fefe! Auā ‘ua finagalo lo ‘outou Tamā e tu‘uina atu ‘iā te ‘outou le Mālō.

Va‘ai fo‘i i manu felelei: E lē totōina ni o latou togāla‘au; e lē fa‘aputuina fo‘i ni a latou mea‘ai; e leai fo‘i ni o latou fale e teu ai a latou mea; ‘ae fafagaina lava i latou e le Atua! E lē sili ‘ea ‘ona tāua o ‘outou i lo manu felelei?

“O le mea lea, ‘aua ne‘i fa‘avevesivaleina o ‘outou loto i le manatu i ni mea tou te ‘a‘ai ai, ma mea tou te feinu ai.

‘Āfai ‘ua fa‘apea ‘ona fa‘a‘ofuina e le Atua vao o le fanua, o lo‘o ola mai i le asō, a o taeao ‘ua leai, ‘ua susunuina i le afi, e lē sili ‘ea ‘ona fa‘a‘ofuina e ia ‘outou o ē e fa‘atuatua itiiti.

O mea uma lava o lo‘o natia o le a fa‘aalia; o mea lilo uma fo‘i o le a fa‘ailoaina.