Popularne wersety biblijne z Luka 11

Udostępnij

O le ā lava lo ‘outou leaga, ‘ae tou te iloa lava ‘ona avatu mea lelei ia ‘outou fānau. E lē sili ‘ea la ‘ona foa‘i mai e le Tamā i le lagi le Agaga Pa‘ia i e ōle atu ‘iā te ia?”

“O lea ‘ou te fai atu ai ‘iā te ‘outou: ‘Ia ‘outou ōle atu, ‘ona foa‘iina mai lea ‘iā te ‘outou; ‘ia ‘outou sā‘ili, ‘ona ‘outou maua ai lea; ‘ia ‘outou tu‘itu‘i atu, ‘ona tatalaina mai lea ‘iā te ‘outou.

Auā o lē e ōle atu, e foa‘iina i ai; o lē e sā‘ili, e maua lava e ia, e tatalaina fo‘i le faitoto‘a i lē e tu‘itu‘i atu.

‘Ona fetalai atu lea o Iesu ‘iā te i latou, “A ‘outou tatalo, ia fai atu: ‘Le Tamā e, o i le lagi, ia pa‘ia lou suafa, ia o‘o mai lou Mālō.

‘Ia e fa‘amāgalo i matou ‘iā matou agasala, auā ‘ua matou fa‘amāgalo atu ia i latou uma, o ē e agaleaga mai ia i matou. ‘Aua fo‘i ‘e te ta‘ita‘iina i matou i le fa‘aosoosoga.’ ”

‘Ia e foa‘i mai mea‘ai mo i matou i aso ta‘itasi.

O mata, o sulu ia o lou tino; ‘āfai e lelei ou mata, e malamalama uma ai lou tino, ‘ae ‘āfai e leaga ou mata, ‘ona pouliuli ai lea o lou tino ‘atoa.

“E leai se tutuina se molī ‘ona ufiufi lea, pe fa‘apulou i se tanoa; ‘ae tu‘u lava i luga o se tulaga maualuga, ‘ina ‘ia iloa mai ai le malamalama e i latou o ē e ulufale mai.