Popularne wersety biblijne z Mat 21

Udostępnij

Keno mukuŵa na cicetekelo, ciliconse camungasenge mu lombelo, mukopokela.”

Yesu eyasuka kuti, “Nukuwuzyani vyendi kuti keno muli na cicetekelo nipo mukayikalini, mukocitalini tyala ivi vacitika ku mkuyu, koma cukanga kuwuzya lupili kuti, ‘Fuma apa uzitaye mu cimmana,’ cikocitika.

Winji wenze pa nthangu pake na wala wenze ku vuli wenzoŵilikizya kuti, “Mcinzi kwa Mwana wa Davide! Ni woshukishiwa akuza mu zina ya Leza. Mcinzi kwa Mulungu Kululu ngako.”

Eŵawuzya kuti, “Malembo olaŵila kuti, ‘Ngʼanda yangu ikayitiwe kuti Ngʼanda ya malombelo,’ koma mwayiyalusha kuŵa ‘malo ŵa anyankapondo.’”

“Wuzyani mzinda wa Ziyoni kuti, ‘Ona mfumu yako ikuza kwa wewo, molicefya, nipo yakwela pa bulu, yakwela pa mwana wa bulu, cinyama cotakulilapo katundu.’”

Yesu eŵawuzya kuti, “Mukaliyoŵelenga mu Malembo kuti, ‘Mwala wecikana amisili omanga ngʼanda, wayaluka mwala wa pa ngondya, Leza niye ecita ivo, nipo vetikanganisha ngako.’

“Tetyo, nukuwuzyani kuti Ufumu wa Mulungu ukapokewe kwa mwewo, nopewa ku ŵanthu otwala vitwalo vake.