Popularne wersety biblijne z Luké 17

Udostępnij

Pea ne pehē ki he tangata, Tu‘u ‘o ‘alu: kuo fakamo‘ui koe ‘e ho‘o tui.

Pea neongo ‘e tu‘o fitu ‘i he ‘aho ‘ene faihala kiate koe, kae tu‘o fitu ‘ene tafoki kiate koe, ‘o ne pehē, ‘ā, ‘oku ou fakatomala; ka pehē, te ke fakamolemole ia.

Pea ko e toko taha ‘iate kinautolu, ‘i he‘ene vakai leva kuo ne mo‘ui, na‘a ne tafoki, ‘o kalanga le‘olahi he‘ene fakamālō‘ia ‘a e ‘Otua; ‘o ne fo‘ohifo ‘i he va‘e ‘o Sīsū, ‘o ne fakafeta‘i kiate ia: pea ko e toko taha ko ia ko e Samēlia.

Mou lamasi kimoutolu: kapau ‘e fai hala ‘e ho tokoua, valoki ia; pea kapau te ne fakatomala, fakamolemole ia.

Pea tali ‘e Sīsū, ‘o ne pehē, ‘ikai na‘e toko hongofulu na‘e fakama‘a? Pea kofa‘ā ‘a e toko hiva?

Pea folofola ‘e he ‘Eiki, Ka ne ai ha‘amou tui, ‘o tatau mo e fo‘i tenga‘i mūsita hono lahi, pea ‘i ha‘amou kamata lea ki he fu‘u fiki moli ni, Fei mo mata‘aki koe, pea hiki ‘o tu‘u ‘i tahi, kuo ne fai leva ‘o hangē ko ho‘omou tala.

Ka ai ha taha kuo ne ta‘ofi ma‘ana ‘ene mo‘ui, ‘e toki mole ia; ka ko ia kuo ne tuku ia ke mole, te ne toki fakatupu mo‘ui ai ia.

PEA pehē ‘e ia ki he‘ene kau ako, ‘e ‘ikai mata‘ofi ‘a e hoko mai ‘o e ngaahi tūkia‘anga: ka ‘oiauē ‘a e toko taha ko ia ‘e hoko mei ai! ‘ē, ka ne tau ha makatukinga ‘i he kia ‘o e toko taha ko ia, ‘o pe‘ehi ia ki he tahi, ‘e ‘aonga ia ki ai, ‘i he‘ene mo‘ui kae fakatūkia ha fo‘i toko taha ‘o si‘i tamaiki ni.

Pea hangē ko ia na‘e fai ‘i he kuonga ‘o Noa, ‘e pehē foki ‘i he kuonga ‘o e Fanautama ‘a Tangata. Na‘a nau kai, na‘a nau inu, na‘a nau ma‘u uaifi, na‘a nau ma‘u husepāniti, ‘o a‘u ki he ‘aho ko ia na‘e hū ai ‘a Noa ki he ‘a‘ake, mo e hoko mai ‘a e Lōmaki, ‘o faka‘auha kinautolu fuli pē.