Popularne wersety biblijne z Luké 16

Udostępnij

Ko ia ‘oku ne lototō ‘i he me‘a ‘oku si‘i, te ne lototō foki ‘i he me‘a ‘oku lahi: pea ko ia ‘oku ne kākā ‘i he me‘a ‘oku si‘i, te ne kākā foki ‘i he me‘a ‘oku lahi.

‘Oku ‘ikai ke lava ‘e ha tamaio‘eiki ke ‘eiki ‘aki ha ‘eiki ‘e toko ua: he te ne fehi‘a ki he taha, kae ‘ofa‘i ‘a e taha; pea te ne piki ki he taha, kae ta‘etoka‘i ‘a e taha. ‘oku ‘ikai te mou lava ke ‘eiki ‘aki ‘a e ‘Otua pea mo Koloa, fakatou‘osi.

‘Io, pea kapau kuo ‘ikai te mou lototō ‘i he fai ki he koloa kākā, ko hai te ne falala kiate kimoutolu ‘o ‘atu ‘a e koloa mo‘oni? Pea kapau kuo ‘ikai te mou lolotō ‘i he ngāue‘aki ‘a e koloa ‘a ha taha kehe, ko hai ‘e ‘atu ho‘omou koloa ‘amoutolu?

Ka ka tali ‘e ia, Kapau ‘e ‘ikai te nau tokanga kia Mōsese mo e kau Palōfita, ‘e ‘ikai fakaloto‘i kinautolu neongo ‘e toetu‘u ha taha mei he pekia.

‘Ilonga ha taha ‘oku ne li‘aki hono uaifi, ‘o mali mo ha fefine kehe, ‘oku ne fe‘auaki: pea ko ia te ne mali mo ia kuo li‘aki ‘e hono husepāniti, ‘oku ne tono fefine.