Va'Atəŋ 38
38
Yuda dət Tamar
1Aka pay nan na, Yuda appetik milmiŋgiɗin, ambat a Adullam ana ɗəf adawyaŋ na Hira da. 2Adaki Yuda awlət waŋ wətən ɗəf mə Kana'an adawyaŋ na Suwa. Agəmət aɗiyta. 3Təɗiyək daway, tuwək wiyna yaŋ alvan na Er. 4Təɗiyək daway əmpa, tuwək wiyna yaŋ təlvan na Onan. 5Təɗi daway maɓɓan əmpa, tuwək wiyina, təlvan na Sela. Gala tuwa Sela na, Yuda tay a Kezib.
6Yuda agəmək guluk sən Er iya nat na Tamar. 7Er, daya na Yuda tay lew ara Yawe ɓa, Yawe bay əbayni. 8Yuda anah sən Onan na: «Agəmət ga məlmukəŋkə. Assok dəndət va məzəmgəla, kəɗi səngən zeŋve sən məlmuko.» 9Adan Onan asən na, zeŋvin tədawwa ɓa, an tay əvoŋgəta, ndən əki zən afuŋ vi əɗi adawɗi zeŋve sən məlməni. 10An adaɗɗa tay law a mahara Yawe ɓa yas abay əmpa. 11Yas Yuda anah sət, Tamar attən na: «Dok əssok ana afukda dawga Sela dəɓaygəni:» Anah vasna: «Vi Sela adamta va net milmiŋgiɗin əmpa ɓa yi!» Tamar tələk əsat ana afətda.
12Əvoŋ diyɗa səɓɓani, ga Yuda, wətən Suwa nak təmtəka. Adan Yuda makran affeti, ambatək a Timna də baynan Hira mə Adullam, azet məfiweŋ zeŋzeɗe net timeŋgiɗ nani. 13Məprəman səti Tamar dawnəh na: «Duhuk yaŋ əmbat a Timna, əfiw zeŋze net timeŋgiɗ nani.» 14Təggbuk lukut na gəlabay səzata, təsərət məzlara akata, ndət zət tərtərə, ɗew a meŋgle na walaŋgəla na Eynayim aka tive nawmbat a Timna. Tulak na, Sela aɓayəka, gala napsənəttə ka gon kəta ya məpsənti ɓa. 15Yuda awlətəka, azan na, məpolkoyoktə, vi təsərətək harata. 16Ndən tive nawmbat azat gəmə, amna: «Kamə ndamə nəsawgən dənduko! Vi dəsən na atəntə ɓa!» Təmna: «Miy kədawvay ka kəvoŋgən də in di?» 17Amna: «Wanəslən suk porsok sə gazlaŋ anawda.» Təmna: «An wakəvay zəga tagay dawga pay kədawslənən.» 18Amna: «Va miy nədapsuk kandi?» Təmna: «Ndama naka voko, maslapa kəlawəŋka gəm zleŋge navokəŋka.» Apsittəka, avoŋgətəka, ndət ta' daway dəndəni. 19Ndət le' mbat zəgak nata, tek məzlzlara nakat nak tor, an na gəbay nak kulo'u.
20Yuda aslənək mə Adullam, baynan nak dət porsokuk, kawnde zəgeɗ nan səvat guluk nak kəta. Ya dərəhət ɓa. 21Yaŋ assohẽt ɗiy nadaka: «Aŋgattə məpolkoyok naka tive na Eynayim tat di?» Aɓsənən na: «Məpolkoyok təsat ɗah aŋ ɓa.» 22Amndan aza Yuda, amna: «Nərəhət ɓa, ɗiy nadak dayday aɓɗaŋ na məpolkoyok təsat ɗah adak ɓa.» 23Yuda amna: «Ndət tərdə dit zəgeɗ veti! Mədaɗɗa zəga nawmas akam ɓa, in məs nəslən sət porsoku, də is məs kərəhət ɓaŋka!»
24Sə dərɓaga təla hoku, məprəman sən Yuda də wənah sən na: «Atuk Tamar, təgəɗək polkoyo. An dəray day na, təɗiyək daway aka polkoyo nata!» Yuda amna: «Məgilgəta, kawzləta!»
25Məgilgəti appaka, təslən aza dəhət dawnəh na: «Daway na afit zəgeɗiŋki addəvwa.» Təmna kamə asəŋgləketi: «Ndama, maslapa gəm zleŋge na nawaŋ di!» 26Yuda asəŋgləketke, amna: «Ndəttə təstəs daykiywa, vi nəpsənət sən Sela, wətu ɓa yi.» Dəvoŋgət ɗah əmpa ɓa.
27Pay nawwa nat agap na, meseŋɗeŋ addəvta. 28Gala tədawwa na, taka səret vitgən van, məzuwət tərma tiynan sən gaɓmay pepreŋ aza van naka, təmna: «Aŋki dəgil daabəŋ.» 29Ndən van nak məndakgəni, məlmən viti. Təmna: «Awle kəŋgar təkiya!» Yaŋ məpsən iya na Peres, va wənəh na təki məŋgarən. 30Məlmən məs gaɓmay pepreŋ aka van nak viti; məlvan na Zera.
Currently Selected:
Va'Atəŋ 38: GB
Highlight
Share
ਕਾਪੀ।
Want to have your highlights saved across all your devices? Sign up or sign in
All right reserved