ATITI AWM ANGCHEI NAI 13
13
Abram hawi Lota amprei hawi nai
1Abram nini aju juvo ly myni i yhmtheaung katuichi syn iy, Aikupta pri tosyh ngan mang dengdairei, Kanan pri tokalawi mang y theu hawi bo; naibaly Lota py abang teang. 2Abram ly muku, tangka, sichi, beramchi, mi-ichi khri pa-rei nang nai ne. 3Naibaly huni meingtym i dengdairei theu iy chei patawm veangveang i, Bethela mary mang y chei veangveang nai ne. Ni ly Bethela mary hawi Ai mary sala, vaichi khala mymy i tai reng nai hawi maicham sa reng nai meingtym y tym. 4Naibaly mymy ly hu y Areng ai chiu bo.
5Abram hawi vanrei abang nai Lota py yhm dengtheungchi hawi miseaungchi, tawnbawichi, beramchi, mi-ichi neangneang awm teang nai ne. 6Hunai deaungkho y nini ly tawnbawi neangneang awm i, vanrei awm hawi ai nai sui tlaira meingtym akeaung y bo. 7Naibaly Abram i tawnbawi kry nai keungchi hawi, Lota i tawnbawi kry nai keungchi ly ajo u nai ne. (Huni neng khala huni meingtym y ly Kanan hawi Perizi chengchi awm u yb nai ne.)
8Naibaly Abram my Lota teng y, “Kai i khumi hawi nang i khumi sala y ajo nai awm moh sy; ani ly amjo amnau ne. 9Hunai deaungkho y ani amprei hawi sina. Nangmy i ngai nai meingtym vawi takhra ly huni mang y tako, kai py kaimy ngai nai mang y tako ai,” napi.
10Huna nai khala Lota ly khen angdeang prei i, Zoar mary khrairei, Jordan tavo jawn jeungrei ly Areng i Akho #13.10 Areng i akho: nanai ly Eden, akho y thui nai ne. ti y baly, Aikupta pri kamta py tui hawi nai niu bo. (Huni ly Areng my Sodom mary hawi Komora mary taphra y rai kha i meingtymchi ne.)#AA 2.10 11Naibaly Lota ly Jordan tavo jawn jeungrei vawi takhra iy, nisi mang y asyh vui bo. Hhuni dengdairei nini ly amprei hawi nai ne. 12Abram ly Kanan pri y awm jo rai; Lota ly tavo jawnra i marychi hawi huni tengtang y vawi i, Sodom mary y tai bo. 13Sodom mary i khumichi ly aso y nai deaungkho y, Areng i mei ka-niu y kamngo nawi nai khumichi ne.
Abram ly Hebron mang y asyh nai
14Lota theu vui nai bo y Areng my Abram teng y, “Vai nang i awm nai dengdairei tosyh, tokalawi, nidym, nisi mang y angdeang cham; 15Nang i niu nai meingtym bawibawi ly nang hawi nang i kangpreangchi i vui deungtasarei amtym u ai nai kai my kang pei ai.#Amt 7.5 16Naibaly nang i kangpreangchi ly khaileaung spryh kamta peung ai i, spryh ai kati pajau y nai kamta, nang i kangpreangchi ai ami py kati pajau ai ny y! 17Vai ang thau ly kai my kang pei ai nai pri verei ai khen cham, nang i niu nai khaileaung ngierei kang pei ai” napi. 18Naibaly Abram ly hu i dengdairei asyh bi i, Hebron mary Mamre#13.18: Mamre Mamre, nanai ly khumi leaungrei i amyn ne. napi nai dengkeaung thengreung sahawi y meingtym sa bo. Hu y mymy ly Areng i vui maicham sa nai ne.
Currently Selected:
ATITI AWM ANGCHEI NAI 13: KCL02
Highlight
Share
Copy
Want to have your highlights saved across all your devices? Sign up or sign in
Khumi Common Language Bible © Bible Society of Myanmar, 2005.