Matí Injíl 27
27
XXVII. GÍSTHAPTUMÍ BÁB.
1Phagena bíṯẖa, guḍá thewag̱ẖe sardar káhiná de álam buzurgá de phawaṯẖáṉ saláh khuṯẖa Yesu sará, chacho kushúní? 2Go rezá basto sardar Pilátus gurá ártho áṉhí dastá dáṯẖai.
3Guḍá Yahúdahá ki áṉhiá dirog̱ẖ basta, díṯẖo ki kushantí, dilá dukhí bíṯẖo, sí rupiyá sardar káhin wa buzurg nem̱g̱ẖá ártho gwashta ki, 4ma gunáh khuṯẖa ki begunáhe mard kushainṯẖag̱ẖán. Gwashtaish ki má cho khanún? thai kár haweshê. 5Zar Huḏẖá‐log̱ẖá phirenṯẖo shuḏẖo waṯẖí jindar páho dáṯẖai. 6Sardar káhiná zar gipto gwashta ki rawáe kár nesti ki zar ḵẖazána neáṉwáṉ deún, ki hoṉ girag̱ẖá zar haweshê. 7Phawaṯẖáṉ saláh khuṯẖo kumhár dig̱ẖár bhá giptaish ki hawoḏẖa hamsáyag̱ẖ purant. 8Hawi sángá hawán dig̱ẖár nám hoṉ zamínê maroshe dáin. 9Guḍá hawán gálwar phílav bíṯẖa ki Yaramiyáh nabiá gwashta ki sí rupiyá giptag̱ẖant ki áṉ mard bhá bíṯẖa ki áṉhí bhá khardeá Bani Israel neáṉwáṉ manzúr khuṯẖa. 10Kumhár dig̱ẖár bhá giptaish cho ki Huḏẖáwandá maná hukm dáṯẖa.
11Yesu sardar dem̱vá oshtag̱ẖaṯẖ, sardará pholkhuṯẖa ki Yahudí álam bádsháh thau ai? Yesuá jawáv dáṯẖo gwashta ki hau bádsháháṉ. 12Waktá ki áṉhí sará sardar káhin de buzurg de dáhn khanag̱ẖaṯẖant, jawáv hechi na dáṯẖai. 13Pilátúsá gwashta, thau niyashkhanag̱ẖaí ki chih sháhidí deg̱ẖant. 14Jawáv hechi na dáṯẖai írge ki sardar sakhia hairán bíṯẖa. 15Íd waktá dastúr haweshê ki sardar yak kaizí bilí dá, hawán mard ki álam loṭant. 16Hawán roshá Barabbás yak kaizí bíṯẖa ki áṉhí nám sahrá bíṯẖa. 17Haḏẖeṉ ki much bíṯẖag̱ẖant Pilátúsá gwashta ki shai marzí chihe? shai sángá thán mard biláṉ deáṉ? Barabbásar ya Yesuar ki áṉhí nám Masíhe? 18Sahíh bíṯẖa ki azẖ zahrá hawála khuṯẖaish. 19Kacheríá nindag̱ẖaṯẖ, guḍá áṉhí zálá paig̱ẖáme shashtáṯẖo gwashta ki, thau go hawán rástbáz mardá kár hachi ma khan ki maroshe whává ma sakhia dukhí bíṯẖa áṉhí sababá. 20Sardar káhiná de buzurgá de saláh khuṯẖa ki Barabbásar loṭe, Yesuar kushe. 21Sardará jawáv dáṯẖo gwashta ki shai marzí chihê? Azẖ hawi do mardá, tháṉ mard ma biláṉ deáṉ? Gwashtaish Barabbásar. 22Pilátúsá gwashta guḍá ma cho khanán go Yesuá ki áṉhí nám Masíhe. 23Gwashtaish áṉhiar súlí de. Gwashtai pachi súlí deáṉ? chih gandag̱ẖe kár khuṯẖai? Azẖ zorá gwáṉkh jaṯẖaish ki áṉhiar súlí de. 24Pilátúsá díṯẖa ki gálwar hachi na khuṯẖa, ki fasád jaṯẖa, guḍá áf gipto waṯẖí dast shushto ummat dem̱vá, gwashta ki hawi rástbáz mard man hoṉ‐giroḵẖ neáṉ. 25Shai kár haweshê. Thewag̱ẖe álamá jawáv dáṯẖo gwashta ki, mai chaka de mai bachhání chaka de áṉhí hoṉ bí. 26Guḍá áṉhání sáṉgá Barabbás ishto dáṯẖai: Yesu go lathá jaṯẖo áṉhání dastá dáṯẖai ki súlí deantí.
27Guḍá sardar sipáhíá Yesu gipto márí andará ártha, áṉhí nem̱g̱ẖá thewag̱ẖe lashkar much bíṯẖa. 28Áṉhí jar khashto jindá suhre jar dáṯẖaish. 29Kuṭag̱ẖání táj de jorenṯẖo sag̱ẖr chaka írkhuṯẖaish, kik de ráste dastá dáṯẖaish. Áṉhí dem̱vá khond bhorenṯẖo shag̱ẖán jaṯẖo gwashtaish, Yá Yahúdí Bádsháh, salám. 30Guḍá thúk jaṯẖo, kik gipto sag̱ẖrá jaṯẖaish. 31Shag̱ẖán jaṯẖo suhre jar khashto, áṉhí jar jindá dáṯẖaish. Guḍá buriṯẖaish ki súlí deantí.
32Darkhaptag̱ẖant, guḍá Kuríní mardá giptaish ki áṉhí nám Shamáúne. 33Áṉhí chaka zor laiṯẖaish ki súlí zirt. Handeá rasiṯẖant, Galgatá náme, ki áṉhí matlav kopar handê. 34Go sharábá pit ralenṯẖo pha warag̱ẖá daṯẖaish. 35Mazá gipto na wárṯẖai. Áṉhíar súlí dáṯẖaish, guḍá paḏẖom dáṯẖo, phawáṯẖáṉ áṉhí jar bahra khuṯẖaish. 36Hawoḏẖa nishto nishto áṉhí nigáhbání khuṯẖaish. 37Kúkag̱ẖ sabab de likhṯẖo, kág̱ẖaz áṉhí sag̱ẖr burzá írkhuṯẖaish ki, YESU YAHÚDÍ BÁDSHÁH HAWESHE. 38Do duzar de go áṉhí phajiá súlí dáṯẖaish, yake ráste dastá, ipti chappe dastá. 39Mard ki guzag̱ẖaṯẖant sag̱ẖará lodag̱ẖaṯẖant go shag̱ẖána ki, 40thau ki Huḏẖá‐log̱ẖ gár khanag̱ẖai wa sei roshe phaḏẖá thíhbare jorenag̱ẖe, waṯẖí jindá darbar; ar thau Huḏẖá Bachhe, azẖ súlíá írkhaf. 41Írge de sardar káhin de buzurg de shag̱ẖán janag̱ẖaṯẖant, 42ki thíh mard darburiṯẖai, waṯẖí jind darburiṯẖa na khat. Israel bádsháh haweshe; azẖ súlíá irkhafí, guḍá má ímán darúṉ. 43Huḏẖá chaka iatabár árthai, Huḏẖá marzí bí, maktá darbarí, ki gwashtai Huḏẖá Bachh manán. 44Írge de duzá, ki áṉhánrá go áṉhí phajiá súlí dáṯẖaish, shag̱ẖán jaṯẖa.
45Nermoshá jahl peshín dáín thewag̱ẖe zamíná tahár bíṯẖa. 46Jahl peshíná Yesuá azẖ zorá gwánkh jaṯẖa ki, Elí, Elí, láma sabakthání, ki áṉhí matlav haweshê, Huḏẖá mani, Huḏẖá mani, thau pachi maná ishto dáṯẖa? 47Khardeá ki nazík oshtag̱ẖaṯẖant, hawi gwáṉkh ashkhuṯẖo gwashta ki Hawi mard Iliásar gwáṉkh janag̱ẖe. 48Yabará mardeá phadáṯẖo bádal gipta. Azẖ sirká metṯẖa, kik sará írkhuṯẖo pha warag̱ẖá drázẖ khuṯẖai. 49Thíh mardá gwashta ki bil de, má gindúṉ ki Iliás pha darbarag̱ẖá khai, ki na. 50Thíhbare Yesu gwáṉkh jaṯẖo, murtho shuḏẖa. 51Guḍá Huḏẖá‐log̱ẖ parda dirthiê, zamín chand bíṯẖa, koh dalthig̱ẖant, 52gor buḵẖtag̱ẖant, báze rástbáz mard ki murtho shuḏẖag̱ẖant khạro bíṯẖag̱ẖant; 53áṉhí zindag̱ẖ biag̱ẖ phaḏẖá azẖ gorá darkhapto mukaddas shahr andará shuḏẖo, báz mard dem̱vá sahrá bíṯẖag̱ẖant. 54Subudárá de hawáṉ mardá de, ki go áṉhí phajiá Yesu nigáhbání khanag̱ẖaṯẖant, zamín chand de thewag̱ẖe hál de díṯẖo sakhia tursiṯẖo gwashta, beshakk Huḏẖá Bachh haweshe. 55Báze zálaṯẖant ki azẖ dírá hawi hál gindag̱ẖaṯẖant; hawáṉ zálá azẖ Jalílá Yesu phaḏẖá áḵẖto áṉhí khizmat khuṯẖag̱ẖá. 56Áṉhání neáṉwáṉ hawi zálaṯẖant Mariam Magdalíní de Mariam de, ki Yakúb wa Yuses máṯẖe, Zabadí bachh máṯẖ de.
57Begáh bíṯẖa guḍá Yúsuf náme bhágiá marde, ki áṉhí deh Aramatiá aṯẖ áḵẖta; hawi mard de Yesu shágird bíṯẖa. 58Guḍá Pilátús nem̱g̱ẖá áḵẖto Yesu mahar loṭṯẖa. Pilátúsá hukm dáṯẖa ki áṉhiar de. 59Yusufá mahar gipto noḵẖe kafane dáṯẖa. 60Waṯẖí noḵẖe gorá írkhuṯẖa ki koh neáṉwáṉ jorenṯẖa. 61Mazáeṉ koh gor dafá reṛ dáṯẖo shuḏẖa. Mariam Magdalíní de ipte Mariam de hawoḏẖa nindag̱ẖaṯẖant gor nazíke.
62Bángáh sambaráí rosh phaḏẖá, sardar káhiná de Farisiá de Pilátús nem̱g̱ẖá much bíṯẖo gwashta ki, 63Sáhiv, márá gír asti ki hawáṉ dirog̱ẖe mardá gwashta, waktá ki zindag̱ẖaṯẖ ki, sei rosh phaḏẖá ma tharáṉ zindag̱ẖ báṉ. 64Hawi sángá hukmá de ki seimí rosh dáín gor jawáeṉ nigáhbání bí, hacho ma bí ki áṉhí shágird khánt, mahar duzí khanant, guḍá álamar gushant ki azẖ murthag̱ẖání áṉ zindag̱ẖ bíṯẖa. Hacho bí, guḍá phaḏẖí dirog̱ẖ azẖ pheshi dirog̱ẖá mastar bi. 65Pilátúsá gwashta gwar shá mard astant baroe, waṯẖí bandbozẖ khane. 66Shuḏẖo gor nigáhbání khuṯẖaish: koh chaka muhr khuṯẖo nigáhbání sángá mard niyásthag̱ẖant.
Markert nå:
Matí Injíl 27: BGPRMAT
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Published in 1884 for the Punjab Bible Society.
